Концерт ветеранам ВОВ

Вазорати тандурустӣ аз теъдоди роҳхатҳои ройгон барои иштирокчиёну маъюбони ҶБВ хабар дод

121
(Таҷдидшуда 14:20 22.03.2019)
Мувофиқи нақша Вазорати тандурустӣ дар мавсими истироҳатии соли равон 1780 адад роҳхатҳои ройгон барои имтиёздорон, собиқадорони ҷангу меҳнат ва маъюбон ҷудо карда шудааст

ДУШАНБЕ, 22 мар — Sputnik. Ахиран дар Вазорати тандурустӣ ҷаласаи ҳайати мушовараи Вазорат доир ба масъалаҳои омодагӣ ба мавсими навбатии табобати санаторию курортӣ дар низоми тандурустӣ ва ҳифзи иҷтимоии аҳолӣ ва фаъолияти осоишгоҳҳо ва истироҳатгоҳҳо дар ин самт таҳти роҳбарии муовини вазири тандурустӣ ва ҳифзи иҷтимоии аҳолӣ Шодихон Ҷамшед баргузор гардид, иттилоъ додааст дафтари матбуоти Вазорати тандурустӣ.

Зимни ҷаласа Соима Муҳаббатова, сардори шўъбаи рушди ҳифзи иҷтимоӣ ва таъмини кафолатҳои иҷтимоии Раёсати ҳифзи иҷтимоии аҳолии Вазорат, иттилоъ дод, ки барои таъмини табобати санаторию курортӣ, барқарорсозии саломатии  иштирокчиён ва маъюбони ҶБВ, шахсони ба онҳо баробаркардашуда ва нафақахўрони аҳамияти ҷумҳуриявӣ ҳамасола аз ҳисоби маблағҳои буҷети ҷумҳуриявӣ 200-250 адад роҳхатҳо дода мешавад.

Ба гуфтаи вай иштирокчиён ва маъюбони ҶБВ, шахсони ба онҳо баробаркардашуда ва нафақахўрони аҳамияти ҷумҳуриявӣ имкон доранд дар осоишгоҳу истироҳатгоҳҳои ҷумҳуриявӣ, ба монанди “Баҳористон”, “Хоҷа Обигарм”, “Оби Гарм”, “Зумрад”, “Шоҳамбарӣ”, “Ҳавотоғ” ва монанди инҳо роҳхат ба даст биоранд.

“Ба баъзе мушкилоти молиявӣ нигоҳ накарда, таъмин намудани имтиёзҳои амалкунанда аз ҳисоби буҷети давлатӣ ҳамасола беҳтар гардида истодааст”,- афзуд вай.

Соима Муҳаббатова, зимни гузориши худ таъкид намудааст, ки аз ҳисоби буҷети ҷумҳуриявӣ ҳар сол барои харидорӣ намудани роҳхатҳои санаторию курортии сатҳи ҷумҳурӣ 333 ҳазор сомонӣ маблағ ҷудо карда мешавад, ки қисмати зиёди он барои ветеранҳои ҷангу меҳнат равона карда мешаванд. Чунончи, соли гузашта 209 нафар имтиёздорон аз ҷумла, маъюбон ва иштирокчиёни Ҷанги Бузурги Ватанӣ ва шахсони ба онҳо баробаркардашуда ва нафақахўрон барои хизматҳои махсус дар назди Тоҷикистон дар осоишгоҳҳои ҷумҳуриявии болозикр  ба табобати санаторию курортӣ фаро гирифта шуданд.

“Айни замон дар тамоми осоишгоҳу истироҳатгоҳҳо тайёрӣ ба мавсими имсола рафта истодааст”, - таъкид намудааст намояндаи Вазорати тандурустӣ.

Инчунин, Соима Муҳаббатова зикр намудааст, мувофиқи нақша дар мавсими истироҳатии соли ҷорӣ  бо назардошти имкониятҳои молиявӣ 1780 адад роҳхатҳои ройгон барои имтиёздорон, собиқадорони ҷангу меҳнат ва маъюбон ҷудо карда мешавад. Аз  ҷумла, дар муассисаҳои давлатии истироҳатгоҳи  “Дўстӣ” дар 7 баст (520 нафар), Ромит дар 7 баст (350 нафар), Харангон дар 8 баст (520 нафар) ба муддати 18 рўзӣ, Истироҳатгоҳи “Бибӣ Фотимаи Заҳро” – и ноҳияи Ишкошим бо филиалаш дар 7 баст (420 нафар) ба муддати 12 рӯзӣ ба табобату истироҳат ва тавонбахшӣ фаро гирифта мешаванд.

121
Барчаспҳо:
истироҳат, маъюб, ҶБВ, вазорати тандурустӣ, Тоҷикистон

Ҷашнҳои рӯзи 25 октябр дар Тоҷикистон ва ҷаҳон

31
(Таҷдидшуда 19:10 24.10.2020)
Рӯзи 25 октябр рӯзи умумиҷаҳонии муборизаи занон ба хотири сулҳ буда, дар Федератсияи Русия чун рӯзи гумрукчиён таҷлил мешавад

Рӯзи 25 октябр дар ҷаҳон чӣ рух дод

Соли 1963 қисми аввали китоби "Таърихи халқи тоҷик", ки аз ҷониби Институти таърихи Академияи илмҳои Ҷумҳурии Шӯравии Сотсиалистии Тоҷикистон омода шуда буд, ба нашр расид.
Соли 1976 дар шаҳри Лондон аввалин Театри миллии шоҳӣ кушода шуд.

 

Разводной и висячий Тауэрский мост
© Sputnik / Кирилл Каллиников
Разводной и висячий Тауэрский мост

Соли 1990 аввалин барномаи телевизионии "Поле чудес"- и Влад Листев пахш гардид.

 

 

Тележурналист Влад Листьев, архивное фото
© Sputnik / Стрельников
Тележурналист Влад Листьев, архивное фото

 

Соли 2001 системаи Microsoft Windows XP ба истифода дода шуд.

Соли 2009 дар Бағдод калонтарин ҳамлаи террористӣ сурат гирифт, ки дар натиҷаи он 160 нафар ҳалок шуданд.

Рӯзи 25 октябр дар Тоҷикистон чӣ рух дод

Соли 1933 дар шаҳри Душанбе аввалин фабрикаи дӯзандагӣ ба фаъолият оғоз намуд.

 

Открытие швейных и обувных цехов на Государственном сельскохозяйственном предприятии Палос
Открытие швейных и обувных цехов на Государственном сельскохозяйственном предприятии "Палос"

 

Соли 1961 унвони "Шоири (нависандаи) халқии Тоҷикистон" таъсис ёфт.

© Sputnik / Стас Этвеш / Вишнякова Мария

Соли 2010 Эмомалӣ Раҳмон бо сафари расмӣ дар Ҷумҳурии Исломии Афғонистон қарор дошт. Ин сафар баъд аз 5 соли боздиди қаблии Сарвари давлати Тоҷикистон аз ин кишвар, ки моҳи апрели соли 2005 сурат гирифт,  дар муносиботи дўстона ва ҳамкории судманди ду кишвари дўсту ҳамсоя ва ҳамзабон саҳифаи нав боз намуд.

Соли 2012 Раҳмон зимни сафари расмии худ ба Хадамоти геологии Финландия ташриф оварда, бо таъриху таҷрибаи ғанӣ ва дастовардҳои илмию амалии он аз наздик шинос шуд.

Ҷашнҳои рӯзи 22 октябр дар Тоҷикистон ва ҷаҳон

Соли 2013 Эмомалӣ Раҳмон дар ҷаласаи сарони кишварҳои Иттиҳоди Давлатҳои Мустақил, ки дар шаҳри Минск-пойтахти Ҷумҳурии Беларус баргузор гардид, иштирок ва суханронӣ намуд.

Ҷашнҳои рӯзи 25 октябр

Рӯзи умумиҷаҳонии муборизаи занон ба хотири сулҳ.
Рӯзи гумрукчиён дар Федератсияи Русия.

Рӯзи 25 октябр дар Тоҷикистон кӣ ба дунё омадааст

Соли 1907 – шоири русзабон ва мутарҷими Тоҷикистон Василий Кириллов.

Соли 1910-1981 – академик Комил Тоҷиев.

Соли 1913-1989  – нависанда Ҳоҷӣ Содиқ. 

Соли 1940-2001 – дипломат Карим Юлдошев.

Соли 1941 – ҳунарпешаи театр Берди Мингбоев.

Соли 1951 – иқтисодчӣ Султонмурод Исмоилов.

Соли 1952 – нависанда Субхон Ёдгорӣ.

31
Барчаспҳо:
ҷашн, ҷаҳон, Тоҷикистон
Глава представительства ВОЗ в Таджикистане Бахтыгуль Каррыева

Карриева: СУТ аз афзоиши бемории COVID-19 Тоҷикистон ҳушдор медиҳад

289
(Таҷдидшуда 18:16 24.10.2020)
Намояндаи СУТ дар Тоҷикистон Бахтигул Карриева паҳншавии коронавирусро дар Осиёи Миёна ва минтақаъ пешбинӣ кард

ДУШАНБЕ, 24 окт — Sputnik. Вирус ҳатто дар кишварҳои мутамаддин бо зудӣ паҳн мешавад, таъкид кард намояндаи СУТ дар Тоҷикистон Бахтигул Карриева дар мусоҳиба бо Sputnik Тоҷикистон.

Вай афзуд, ки зиёд шудани ҳодисаҳои гирифторӣ бо коронавирус ва марг аз он дар минтақаи Аврупо низ ташвишовар аст.

"Мо интизор дорем, ки ҳафтаҳои наздик дар минтақаи Осиёи Марказӣ низ шумораи гирифторӣ ва марг аз коронавирус меафзояд", - афзуд Карриева.

Намояндаи СУТ афзуд, ки вазъ метавонад дар ҳолати мубоширати бевоситаи одамон ва интиқоли вирус ба нафарони солхӯрда якбора бад шавад.

"Пешбиниҳое, ки тавассуди намунаи эпидимиологии боэътимод ба даст оварда шудаанд, хурсандиовар нестӣ. Бино бар ин намунаҳо, бардошта шудани маҳдудиятҳо метавонанд ба он расонанд, ки моҳи январи соли 2021 нишондодҳои марг аз коронавирус назар ба моҳи апрел 4-5 маротиба бештар шавад", - тавзеҳ дод коршинос.

 

Намояндаи созмон таъкид кард, ки дар моҳи феврали соли 2021 тартиботи оддитарини пешгирии коронавирус ба монанда пӯшидани ниқоби тиббӣ метавонад ҷони 200 ҳазор нафарро наҷот диҳад.

Ӯ гуфт дар ҳоли ташдиди маҳдудият ҳолатҳои марг аз коронавирус камтар хоҳанд шуд.

 

Пешгирии ҷамъшавии одамон дар як ҷо, нигоҳ доштани масофа дар ҷойҳои ҷамъиятӣ, тозаги дастон, худинзивоии гумонбарони гирифтори вирус ва карантини нафарони гирифторшуда ва нафароне, ки бо онҳо иртибот доштанд бояд дар Тоҷикистон ва дигар кишварҳои Осиёи Марказӣ ҳатмӣ шавад.

289
Генеральный директор Ассоциации Аэропорт Виктор Горбачев

Горбачёв дар бораи омодагии фурудгоҳҳои Тоҷикистон барои барқарории парвозҳо гуфт

0
(Таҷдидшуда 23:48 24.10.2020)
Пас аз кушодани сарҳадҳо, ҳаракати ҳавоӣ байни кишварҳои ИДМ-ро аз сар гирифтан мумкин аст, гуфт директори генералии Ассотсиатсияи "Фурудгоҳ" Виктор Горбачёв

ДУШАНБЕ, 25 окт — Sputnik. Мақомоти Тоҷикистон ва Узбакистон дар бораи азсаргирии парвозҳо байни Тошканд ва Душанбе ба созиш расиданд.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Узбакистон рӯзи 28 октябр сурат мегирад.

"Ҳоло муҳим аст, ки парвозҳо ҳадди аққал ба ҳамсоягон ва Русия дубора аз сар гирифта  шаванд, дар он сурат барқарорсозӣ хоҳад шуд",- гуфт Горбачёв ба Sputnik Тоҷикистон.

Ба гуфтаи ӯ, авлавияти аввалин кушодани марзҳост. Вақте ки табибон марзро боз мекунанд, он гоҳ муҳокимаи барқарор кардани парвозҳо оғоз мешавад, таъкид кард ӯ.

Ба андешаи ӯ, ширкатҳои ҳавопаймоӣ метавонанд дубора парвозҳоро дар тӯли як ҳафта омода кунанд, дар ин давра нуқтаҳои санҷиши иловагӣ кушода мешаванд, вагарна онҳое, ки меоянд, пас аз расидан бояд карантинии дуҳафтаинаро гузаранд.

Ҳама фурудгоҳҳои ИДМ пас аз иҷозаи тиббӣ пас аз як ҳафта омода мешаванд.

Беш аз сад парвоз то охири моҳ: ҷадвали нави парвозҳо миёни Русия ва Тоҷикистон

Вай инчунин қайд кард, ки ҳамаи фурудгоҳҳои Русия, ки парвозҳо ба хориҷ аз он анҷом дода мешаванд, бо ҳама чизҳои зарурӣ барои ташхисҳои экспресс таъмин мебошанд, ки натиҷаро дар як соат медиҳанд.

0
Барчаспҳо:
фурудгоҳҳо, парвозҳо, Русия, Тоҷикистон