Маблағ, акс аз бойгонӣ

Ротатсияи кадрҳо, рақобати ҳизбҳо, ВАО-и озод: мақомдори тоҷик роҳи халосӣ аз фасодро гуфт

617
Мақомдори Ожонси мубориза бо фасоди Тоҷикистон таҷрибаи Сингапур алайҳи коррупсияро зикр карда, изҳори боварӣ намудааст, ки истифодаи ин шеваҳо дар Тоҷикистон низ самараи бештар хоҳад овард

ДУШАНБЕ, 22 мар — Sputnik. Як мақомдори Ожонси мубориза бо фасоди Тоҷикистон бо нашри як матлаб дар нашрияи “Садои мардум” изҳор доштааст, ки таҷрибаи мусбати баъзе аз кишварҳоро метавон ба шароити Тоҷикистон мутобиқ ва дар амалия истифода кард.

Н. Аҳмадзода, масъули шуъбаи пешгирии коррупсияи раёсати Ожонси назорати давлатии молиявӣ ва мубориза бо коррупсияи Тоҷикистон дар шаҳри Душанбе дар ин матлабаш зикр кардааст, ки бар асоси санади СММ,  мафҳуми коррупсия - суиистеъмол аз ваколатҳои хизматӣ бо мақсади ба даст овардани фоидаи шахсӣ мебошад

Аҳмадзода афзуд, ки дар Сингапур мубориза бо коррупсия аз тағйири қонунгузорӣ оғоз гардид.

“Хизматчии давлатӣ дар Сингапур уҳдадор аст, ки ба ғайр аз декларатсияи молу мулк дар бораи қарздор набудани худ ҳар сол декларатсияи махсус пешниҳод намояд. Чунин ҳисобида мешавад, ки хизматчии давлатии дар қарз ғӯтида, уҳдадории хизматиро ба ивази фоидаи шахсӣ иҷро нахоҳад кард. Агар дар декларатсия хизматчии давлатӣ маълумоти дурӯғ пешниҳод кунад, аз кор озод мешавад”, - омадааст дар матлаб.

Бар асоси ин манбаъ, ба қонунгузории Сингапур, соли 1989 мусодираи молу мулк ҷорӣ гардид. Аҳмадзода навиштааст, ки чораҳои қатъӣ натиҷаи хуб доданд ва ҳукуматдорон тасмим гирифтанд, ки ба марҳилаи дуюми мубориза бо коррупсия — марҳилаи “мулоим” гузаранд.

“Ҳукумат ҷиддан ба кори баланд бардоштани сифати хизмати давлатӣ пардохт. Маоши хизматчиёни давлатиро хеле баланд бардошт. Ҳоло маоши моҳонаи шахсони баландрутбаи давлатӣ то ба 20-25 ҳазор доллар мерасад”, - навиштааст мақомдори Ожонси мубориза бо фасод.

Ба гуфтаи ӯ, аъзои парламент ва аҳолӣ дар ибтидо ба ин қарор бо назари шубҳа нигоҳ мекарданд, вале сарвазир ба таври оммавӣ ва ошкоро зарурати онро фаҳмонд.

“Дар парламенти кишвар соли 1985 зимни пешниҳоди ҳисобот оид ба зарурати афзоиши хароҷот барои фаъолияти дастгоҳи давлатӣ сарвазир гуфт: “Ман яке аз баландтарин маошгирандагон ва эҳтимолан яке аз камбизоаттарин сарвазирони ҷаҳони сеюм мебошам. Роҳҳои гуногуни ҳалли масъала вуҷуд дорад. Ман бошам, роҳи худамонро, дар доираи иқтисоди бозорӣ пешниҳод мекунам, ки роҳи рост, ошкоро, боварибахш ва татбиқшаванда аст. Агар шумо ба ивази он мехоҳед риёкориву мунофиқиро пеш гиред, бо дурӯягӣ ва коррупсия рӯ ба рӯ мешавед”, - овардааст Аҳмадзода аз қавли сарвазири Сингапур.

Муаллифи матлаб илова намуд, ки Ҳукумат қатъӣ тасмим гирифт, ки на танҳо маоши хизматчии давлатиро баланд бардорад, балки касби хизматчии давлатиро соҳибэҳтиром гардонад.

“Хизматчии давлатӣ ҳақ надорад ҳеҷ гуна туҳфа ба шакли пул ва ё дар дигар шакл аз одамоне, ки бо онҳо дар муносибати корӣ қарор дорад, ба даст биорад. Агар туҳфаро рад карда натавонад (масалан, мувофиқи протоколи сафари ҳайати хориҷӣ), ӯ метавонад туҳфаро бигирад, аммо зуд онро бояд ба раиси департаменти худ бисупорад. Дар асл хизматчии давлатӣ метавонад туҳфа бигирад, ба шарте ки арзиши онро пешакӣ аз рӯи нархи шуъбаи муҳосибот муайяннамуда пардохт намояд”, - навиштааст ӯ.

Ба гуфтаи Аҳмадзода дар Сингапур дар сатҳи давлатӣ усули мериократия тарғиб мегардад. Бо ин усул роҳ ба сӯи мансабҳои баландтарин ба рӯи боақлтарин, боистеъдодтарин шахсон, ки тафаккури пешрафта доранд, кушода мешавад.

Аҳмадзода таъкид кард, ки сиёсати “қамчин ва кулчақанд”, ки дар мамлакат пеш гирифта шуд, натиҷаи хуб ба бор овард, сатҳи коррупсия дар Сингапур чанд маротиба поин омад.

Ӯ бо зикри таҷриби Сингапур ва кишварҳои дигар чанд омили муҳим барои поин бурдани сатҳи фасодро баён доштааст.

“Таҷрибаи Сингапур ва баъзе аз кишварҳои дигар исбот мекунад, ки рушди ҷомеаи шаҳрвандӣ, таъмини рақобати солими ҳизбӣ, ташаккули ВАО-и мустақили сиёсию иҷтимоӣ, низоми судии мустақил, муносиб сохтани низоми андозбандӣ, сиёсати давлатии кадрҳо, ротатсияи кадрҳо, халос шудан аз номуайяниҳо ва духӯрагӣ дар қонунгузории миллӣ, ҷалби аҳолӣ ба маъракаи мубориза бо коррупсия, ташкили мониторинги доимии коррупсия дар муассисаҳои давлатӣ ва ғайра роҳҳое мебошанд, ки метавонанд мубориза бо коррупсияро дар мамлакат бештар самаранок намоянд”, - навиштааст Аҳмадзода.

Дар охири матлаб муаллиф таъкид намудааст, ки “хушбахтона, дар Тоҷикистон доир ба он шеваҳои мубориза, ки зикр гардид, кор идома дорад ва бовар аст самараи бештар ба бор хоҳад овард”.

617
Барчаспҳо:
"асосгузори Сингапури мудерн", мубориза бо фасод, мақола, фасод, Тоҷикистон
Гробы с умершими от заражения вирусом

Фавти боз як бемор аз коронавирус дар Тоҷикистон: вазорат тасдиқ кард

1097
Вазорати тандурустии Тоҷикистон омори нави сироят, шифо ва фавт аз коронавирусро нашр карда, марги як нафари дигарро аз коронавирус дар Тоҷикистон тасдиқ кардааст

ДУШАНБЕ, 10 июл — Sputnik. Шабонарӯзи гузашта дар Ҷумҳурии Тоҷикистон 47 ҳолати нави сироятёбӣ ба COVID-19 ва 1 мавриди фавти гирифторони он ба қайд гирифта шуд, хабар медиҳад Вазорати тандурустии Тоҷикистон.

Бино ба иттилои манбаъ, дар муддати аз 30 апрел то 10 июл дар кишвар шумораи гирифторони COVID-19 ба 6457 нафар расида, аз ин беморӣ то кунун дар мамлакат 5115 нафар ё худ 79,2%-и гирифторон шифо ёфтаанд.

"Ҳамзамон, дар муддати зикргардида дар мамлакат аз ин беморӣ 55 нафар фавтидаанд", - таъйид мекунад вазорати тандурустӣ.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 208 нафар гумонбарон зери назорати табибон қарор дошта, 48 нафар баъд аз муолиҷа ба хонаҳояшон рухсат дода шуданд.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Дар Русия 40% муҳоҷирон бо сабаби коронавирус бекор мондаанд

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд

 

1097
Руки в наручниках, архивное фото

Аз андоз сарпечӣ кард: Ожонси зидди фасод намояндаи "Озод сохтмон"-ро дастгир кард

269
(Таҷдидшуда 20:49 10.07.2020)
Ожонси мубориза ба фасод намояндаи ширкати "Озод сохтмон"-ро ба иттиҳоми надодани бештар аз 2 миллион сомонӣ андоз дастгир карддаст

ДУШАНБЕ, 10 июл — Sputnik. Дар ин бора вебгоҳи Ожонси зидди фасод гузориш дода, навиштааст, Туйғунов Фурузон Ҳақназарович ҳамчун намояндаи ваколатдори ширкати "Озод Сохтмон" дар давраи фаъолияти кориаш аз 29 октябри соли 2018 то 01 январи соли 2020 пули андозро насупоридааст.

Тавре манбаъ афзудааст, "ба воридоту содироти молу маҳсулоти ниёзи мардум машғул шуда, дидаву дониста бо роҳи дар эъломияҳои андоз пешниҳод намудани маълумотҳои баръало таҳрифшуда аз пардохти андоз аз арзиши иловашуда саркашӣ кардааст".

"Туйғунов Фурузон Ҳақназарович ба маблағи 1973526 сомонӣ андоз аз арзиши иловашуда ва андоз аз истифодабарандагони роҳҳои автомобилгард ба маблағи 130297 сомонӣ, ҷамъ ба маблағи 2103823 сомонӣ маблағи андозро надодааст", - афзудааст манбаъ.

Дар Душанбе аз фасод пешгирӣ мекунанд

Оиди ин ҳолат нисбати Туйғунов Ф.Ҳ. бо моддаи 292 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад. 

269
День 11 июля

Ҷашнҳои рӯзи 11 июл дар Тоҷикистон ва ҷаҳон

0
(Таҷдидшуда 19:26 10.07.2020)
Рӯзи ёздаҳуми июл Рӯзи умумиҷаҳонии нуфузи аҳолӣ ва рӯзи байналмилалии шоколад мебошад. Дар ин рӯз дар Тоҷикистон, Султон Усмонов (1958) – коргардони театр, Ҳунарпешаи шоистаи Тоҷикистон ба дунё омадааст

Рӯзи 11 июл дар ҷаҳон чӣ рух дод

Соли 1700 дар Берлин Академияи илмҳои Германия таъсис дода шуд.

Соли 1890 аввалин маротиба дар таърихи Ҷопон интихоботи сиёсӣ баргузор гардид.

День 10 июля
© Sputnik / Стас Этвеш / Вишнякова Мария

Ссоли 1933 дар Женева Конвенсияи байналмилалӣ оид ба назорати маводи мухаддир созмон дода шуд.

Соли 1950 дар Англия аввалин  барномаи машҳури кӯдаконаи телевизиони ББС «Andy Pandy» пахш шуд.

Соли 1982  Италия маротибаи сеюм Чемпиони ҷаҳон оид ба футбол шуд. Он дар даври финалӣ дастаи Германияро бо ҳисоби 3:1 мағлуб кард.

Соли 2006 дар натиҷаи таркиш дар истгоҳи роҳи оҳани шаҳри Мумбайи Ҳиндустон 190 нафар ба ҳалокат расиданд.

 

Рӯзи 11 июл дар Тоҷикистон чӣ рух дод

Соли 2003 дар асоси Созишномаи байни Ҳукумати Ҷумҳурии Тоҷикистон ва Барномаи Рушди Созмони Милали Муттаҳид дар Ҷумҳурии Тоҷикистон Марказ оид ба масъалаҳои минаҳои Тоҷикистон ифтитоҳ ёфт.

Соли 2003 дар шаҳри Душанбе Созишнома байни Ҳукумати Ҷумҳурии Тоҷикистон ва Бонки ҷаҳонӣ, ҷиҳати ҷудо намудани 20 миллион доллар барои дастгирӣ ва ислоҳоти соҳаи маориф дар Тоҷикистон ба имзо расид.

День 9 июля
© Sputnik / Стас Этвеш / Вишнякова Мария

Соли 2007 дар Душанбе мағозаи нахустини бренди “Адидас” кушода шуд.

Соли 2009 дар Ҷумҳурии Тоҷикистон озмоишгоҳи омӯзишии фурӯзонакҳои каммасраф сохта шуд.

Соли 2009 дар шаҳри Душанбе зимни мулоқоти Президенти Ҷумҳурии Тоҷикистон Эмомалӣ Раҳмон ва Президенти вақти Ҷумҳурии Латвия Валдис Затлерс масоили густариши ҳамкории гуногунҷанбаи Тоҷикистону Латвия мавриди баррасӣ қарор гирифт.

Соли 2009 Президенти вақти Ҷумҳурии Латвия Валдис Затлерс Президенти Ҷумҳурии Тоҷикистон   Эмомалӣ Раҳмонро бо Ордени «Сеситорагии дараҷаи 1» бо занҷираи заррин ва Сарвари давлати Тоҷикистон Эмомалӣ Раҳмон Валдис Затлерсро бо Ордени «Исмоили Сомонӣ дараҷаи 1» сарфароз гардониданд.

Соли 2009 Мирзо Зиёев, собиқ вазири ҳолатҳои фавқулодаи Тоҷикистон, зимни як амалиёти махсус оид ба безараргардонии гуруҳҳои мусаллаҳи ғайриқонунӣ дар ноҳияи Тавилдара кушта шуд.

Соли 2010 Сарвари давлат Эмомалӣ Раҳмон дар шаҳри Қайроққум бо роҳбарият ва фаъолони вилояти Суғд машварати корӣ доир намуда, натиҷаҳои рушди иҷтимоӣ-иқтисодии вилоят дар шашмоҳаи якуми соли 2010-ро мавриди таҳлилу баррасӣ қарор доданд.

Соли 2013 маркази нави ҷумҳуриявии ташхиси тиббии судӣ ба фаъолият оғоз кард.

Ҷашнҳои рӯзи 11 июл

  • Рӯзи умумиҷаҳонии нуфузи аҳолӣ.
  • Рӯзи байналмилалии шоколад.

Рӯзи 11 июл кӣ ба дунё омадааст

Соли 1920 — Юл Бриннер (соли даргузашт 1985), ҳунарманди амрикоӣ - зодаи Русия.

Соли 1934 - Джорджио Армани, мудели арманӣ, асосгузори ширкати Armani.

Соли 1976 — Эдгард Запашний, артист, ҳунарманди халқии Русия.

Рӯзи 11 июл дар Тоҷикистон кӣ ба дунё омадааст

Борис Баршаковский (1916- 1987)- арбоби фарҳангӣ, Корманди шоистаи маданияти Тоҷикистон.

Валентина Бикова (1936) – Журналисти шоистаи Тоҷикистон.

Александр Денисов (1938) – сарояндаи опера, Ҳунарпешаи шоистаи Тоҷикистон.

Павел Евтеев (1914-1989)- журналист, Корманди шоистаи маданияти Тоҷикистон.

Сироҷиддин Комилов (1950) – доктори илми иқтисод, профессор.

Александр Осипов (1906- 1986)- журналист, Корманди шоистаи маданияти Тоҷикистон.

Пир Садиров (1911 – 1993) – Ҳофизи халқи Тоҷикистон.

Мақсуд Умаров (1954) – доктори илмҳои физикаю математика, профессор.

Султон Усмонов (1958) – коргардони театр, Ҳунарпешаи шоистаи Тоҷикистон.

Шери Дўст (1958)- шоир.

0
Барчаспҳо:
ҷашн, Тоҷикистон, Ҷаҳон
Мавзуъ
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон