Председатель Согдийской области Раджаббой Ахмадзода

Раҷаббой Аҳмадзода зимни машварати корӣ аз мансабдорони Суғд чӣ хост?

566
Дар бинои ҳукумати вилояти Суғд машварати кории назди Раиси вилоят баргузор гардид, ки дар он масоили гуногун, аз ҷумла ҷараёни омодагиҳо ба ҷашни 30-солагии Истиқлолияти Тоҷикистон баррасӣ шуд

ДУШАНБЕ, 26 мар - Sputnik.  Раиси вилояти Суғд Раҷаббой Аҳмадзода бо роҳбарони воҳидҳои сохтории ҳукумати вилоят ва ташкилоту идораҳои вилоятӣ, раисони шаҳру ноҳияҳо ва дигар шахсони масъул машварати корӣ анҷом дод, иттилоъ додааст дафтари матбуоти ҳукумати вилояти Суғд.

Раиси вилоят зимни таҳлили вазъи соҳаи саноат ба масъулини сохторҳои вилоятӣ ва раисони шаҳру ноҳияҳо дастур дод, ки сохтмони иншооти ҷашнӣ ва корхонаҳои саноатиро зери назорати доимӣ бигиранд ва барои таъмини ҳарчи бештари сокинон бо ҷойи корӣ, афзун намудани ҳаҷми истеҳсоли маҳсулоти воридотивазкунанда ва рақобатпазир тадбирҳои зарурӣ андешанд.

Инчунин, раиси вилоят масъулинро вазифадор намуд, ки барои сари вақт ба роҳ мондани кишти пахта, иҷрои нақшаи кишти картошка ва омода намудани пойгоҳҳои обкашӣ ба мавсими нав чораҳои ҷиддӣ андешанд.

Вай таъкид намудааст, ки соли равон барои таъмиру омодасозии пойгоҳҳои обкашии шаҳру ноҳияҳо аз буҷети вилоятӣ 6 милион сомонӣ ҷудо шудааст, ки ин тадбир барои бо оби полезӣ таъмин намудани заминҳо мусоидат хоҳад кард.

Дар машварат ҳамчунин дигар масъалаҳои мавриди таваҷҷуҳ баррасӣ гардида, ҷиҳати таҷлили шоистаи ҷашни 30-солагии Истиқлолият ба роҳбарони шаҳру ноҳияҳо ва сохторҳои марбута супоришҳо дода шуд.

Тавре қайд карда шуд, тибқи нақшаи чорабиниҳои тасдиқгардида то ҷашни таърихии 30-солагии Истиқлолият дар шаҳру ноҳияҳои вилоят беш аз 6500 иншооти таъиноташон гуногун, аз ҷумла 300 корхонаи саноатӣ сохта мешавад. Айни замон дар садҳо иншооти ҷашнӣ корҳои сохтмонӣ идома дорад.

566
Барчаспҳо:
Хуҷанд, супориш, машварати корӣ, Суғд, Раҷаббой Аҳммадзода, Тоҷикистон
Паспотр РФ, архивное фото

Хонавайронӣ ба хотири ба даст овардани шаҳрвандии Русия

262
Дар ноҳияи Хуросони вилояти Хатлон давоми 8 моҳи соли ҷорӣ 71 оила ақди никоҳи худро бекор карданд, ки ин теъдод нисбати ҳамин давраи соли гузашта ду ҳолат кам аст

ДУШАНБЕ, 24 сен — Sputnik. Соҷида Нуридинзода, мудири бахши сабти асноди ҳолати шаҳрвандии ноҳияи Хуросон дар суҳбат бо рӯзномаи “Фараж” таъкид кардааст, ки  гарчанде ҳолатҳои ҷудошавии оилаҳо имсол камтар ба қайд гирифта шудааст, ин вазъ нигаронкуннад аст.

Вай афзудааст, ки дар ҳоли ҳозир, аризаҳое, ки барои ҷудо кардани оилаҳо аз ҷониби шаҳрвандон ба бахши САҲШ-и ноҳия ворид шуданд хело зиёд аст.

Соҷида Нуридинзода қайд кардааст, ки аз теъдоди ҷудошавии оилаҳо танҳо 7 ҳолаташ бо аризаи тарафҳо  ва 64 ҳолати дигар бо ҳалномаи суд бекор шудаанд.

Ин шахси масъул, омили ҷудошавии оилаҳоро дар ноҳияи Хуросон гирифтани шаҳрвандии Русия арзёбӣ кард.

“Ҳангоми суҳбату вохуриҳо бо оилаҳое, ки ақди никоҳи худро бекор карданд маълум гашт, онҳо зиндагии муштарак доранд, аммо ба хотири шаҳрвандии Федератсияи Русияро ба даст овардан, ақди никоҳашонро бекор кардаанду маълумотномиа муҷаррад буданро мегиранд”, - таъкид дошт Соҷида Нуридинзод.

Ҳамчунин вай сабиб бекор шудани 7 оилаи дигарро, ки бо розигии тарафҳо ҷудо шудаанд, бефарзандӣ арзёбӣ кард.

262
Барчаспҳо:
бекор кардан, никоҳ, оила, ҷудошавӣ, шаҳрвандии Русия, Русия, Тоҷикистон

Вазорати тандурустӣ: боз 45 мавриди ҷадиди гирифторшавӣ ба маризии COVID-19 сабт шуд

149
(Таҷдидшуда 20:23 24.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 24 сен — Sputnik. Бино бар иттилои Вазорати тандурустии Тоҷикистон шабонарӯзи гузашта боз 45 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 101 нафар гумонбарон зери назорати табибон қарор дошта, 52 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9520  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  24 сентябр дар кишвар  8296  (87,1%) нафар аз бемории COVID-19 шифо ёфта,  бар асари он 74  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

149
Барчаспҳо:
Вазорати тандурустӣ, вирус, маризӣ, гирифторон, омор, вируси корона, Тоҷикистон

Амрико ба хотири қатъи сохтмони “Маҷрои шимолӣ-2” шарик меҷуяд

0
(Таҷдидшуда 21:15 24.09.2020)
Мақомоти Амрико эълон кардааст, ки эътилофи зидди “Маҷрои шимолӣ-2”- ро ташкил хоҳад кард

Нашрияи Die Welt  навиштааст, ки Амрико фишорашро бар зидди ширкатҳое, ки дар лоиҳаи “Маҷрои шимолӣ-2” иштирок доранд зиёд кардааст.

Вазири хорҷаи Амрико Майк Помпео, ахиран эълон кардааст, ки кишвараш барои қатъи сохтмони “Маҷрои шимолӣ-2” эътилоф ташкил хоҳад дод.

Ба гуфтаи вай, ин лоиҳа метавонад вобастагии Аврупоро аз Русия зиёд намояд ва ба амнияти Украин хатар ворид кунад. Ба ҳамин хотир амрико набояд гузорад ин лоиҳа иҷро шавад.

Бояд гуфт, ки Русия борҳо таъкид кард, ки тарҳҳои энержии ин кишвар, аз ҷумла "Маҷрои шимолӣ-2" дар Аврупо бо ҳадафҳои сиёсӣ дучори монеа шудаанд.

Лоиҳаи “Маҷрои шимолӣ-2” бунёди ду лӯлаи газ бо иқтидори умумии 55 миллиард метри мукааб газ дар як сол аз соҳили Русия тавассути баҳри Балтика то Олмонро дар бар мегирад.

Владимир Путин борҳо таъкид кардааст, ки Русия ба лӯла танҳо ба унвони як лоиҳаи иқтисодӣ ишора мекунад. Маскав даъват мекунад, ки онро ҳамчун воситаи таъсирот қабул накунед. Сохтмони “Маҷрои шимолӣ-2” аз ҷониби Олмон, Австрия ва Норвегия фаъолона дастгирӣ карда мешавад.

0
Барчаспҳо:
мақомот, ташкил, эътилоф, Амрико, Русия