Командующий пограничными войсками Государственного комитета национальной безопасности Таджикистана Раджабали Рахмонали

Раҷабалӣ Раҳмоналӣ, фармондеҳи Қушӯнҳои сарҳадии Тоҷикистон чаро ба Тошканд меравад

885
(Таҷдидшуда 13:47 26.03.2019)
Дар Шӯрои фармондеҳони Қушӯнҳои сарҳадии кишварҳои узви ИДМ , ки дар пойтахти Узбакистон баргузор мегардад, таҳкими амният дар сарҳадҳо ва тартиби омодагӣ ва баргузории амалиётҳои махсуси муштараки марбут ба посбонии сарҳад ва вазъияти Афғонистон баррасӣ мешавад

ДУШАНБЕ, 26 мар - Sputnik. Раҷабалӣ Раҳмоналӣ, фармондеҳи Қушӯнҳои сарҳадии Тоҷикистон барои иштирок дар кори ҷаласаи навбатии Шӯрои фармондеҳони Қушӯнҳои сарҳадии кишварҳои узви ИДМ, ки рӯзи 28 март дар шаҳри Тошканд баргузор мешавад, ба пойтахти Узбакистон меравад, иттилоъ додааст Кумитаи иҷроияи ИДМ.

Бино бар иттилои манбаъ, дар кори ҷаласа фармондеҳони қушнҳои сарҳадии Озарбойҷон, Арманистон, Белорус, Қазоқистон, Қирғизистон, Русия, Тоҷикистон, Туркманистон, Узбакистоен иштирок хоҳанд кард.

Манбаъ таъкилд намудааст, ки дар кори ҷаласаи мазкур баррасии вазъ дар сарҳадҳои давлатҳои узви Иттиҳод дар минтақаи Осиёи Марказӣ ва тамоилҳои ҷараёни ояндаи он дар назар аст.

Фармондеҳони Қушӯнҳои сарҳадии кишварҳои ИДМ инчунин Барномаи ҳамкории давлатҳои узви Иттиҳодро дар самти таҳкими амният дар сарҳадҳо барои давраи солҳои 2021-2025, тартиби омодагӣ ва баргузории амалиётҳои махсуси муштараки марбут ба посбонии сарҳад дар ин давра ва лоиҳаи Нақшаи кори Шӯроро дар соли 2020 баррасӣ хоҳанд кард.

Иштирокчиёни машварат ба ташкили кори омодагӣ ва баргузор намудани Эстафета дар сарҳадҳои кишварҳои узви ИДМ ба муносибати 75-солагии Ғалаба дар Ҷанги Бузурги Ватанаии солҳои 1941-1945 таваҷҷуҳи хосса зоҳир хоҳанд кард.

Дар ҷараёни саафар ба Тошканд дидору гуфтушунидҳои дуҷониба Р.Раҳмоналӣ ба нақша гирифта шудааст. Аз ҷумла зимни мулоқот бо раҳбарияти нерӯҳои марзбонии Узбакистон масъалаи густариши ҳарчи бештари ҳамкориҳо байни нерӯҳои сарҳадбонии ҳарду кишвар баррасӣ хоҳад шуд.

885
Барчаспҳо:
сарҳад, марзбонон, марзбонӣ, марз, ИДМ, Узбакистон, Тоҷикистон
Рустам Эмомали

Рустам Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

176
(Таҷдидшуда 20:23 24.11.2020)
Раиси шаҳри Душанбе дар дидор бо раиси Шӯрои Федератсияи Русия Валентина Матвиенко таъкид кард, ки барои Тоҷикистон ҳамкориҳои гуногунҷанба бо Русия аҳамияти ҷиддӣ ва аввалиндараҷа дорад

ДУШАНБЕ, 24 ноя — Sputnik.  Рустам Эмомалӣ, раиси шаҳри Душанбе зимни сафари расмӣ ба шаҳри Маскав бо Валентина Матвиенко, раиси Шӯрои Федератсияи Русия дидору гуфтугӯ кард.

Зимни дидор Рустам Эмомалӣ таъкид дошт, ки ҳамкориҳои дустона ва шарикии Тоҷикистону Русия имрӯз дар тамоми самтҳо мунтазам рушд доранд.  

“Боварӣ дорам, ки натиҷаҳои гуфтушуниди имрӯза ба рушди ҳамкориҳои минбаъда дар тамоми соҳаҳо такони ҷиддӣ мебахшанд. Рушди ҳамкориҳои гуногунҷанба бо Русия ҷанбаи муҳими рушди сиёсати хориҷии Тоҷикистон аст”, - гуфт Рустами Эмомалӣ.  

Вай инчунин дар бораи ҳамкориҳои байнипарлумонии ду кишвар таъкид дошт дошт.

“Тамоси доимии байнипарлумонӣ миёни кишварҳо заминаи тамоми ҳамкориҳо миёни ду кишвар аст. Ҳамкориҳои байнипарлумонӣ имкон медиҳад бо як дигар бештар дидор кунем ва масоили муҳиму мубрамро  баррасӣ намоем ва ба масоили гуногун табодули назар намоем”, - қайд кард Раиси шаҳри Душанбе.

Рустам Эмомалӣ ҳамчунин ба ҳамкориҳои иқтисодӣ миёни ду кишвар низ ишора кард.

Вай гуфт, барои рушди ҳамкориҳои Тоҷикистону Русия имрӯзҳо механизмҳои зиёди ҳамкорӣ вуҷуд дорад.  

“Имрӯз Тоҷикистону Русия дар соҳаҳои гуногун ҳамкориҳои хубро ба роҳ монданд, аз ҷумла ду кишвар дар соҳаи сиёсӣ, тиҷорӣ, гуманетарӣ, низомӣ, низомӣ-техники ва ғайра ҳамкории зич доранд”, - қайд кард шаҳрдори Душанбе.

Вай махсусан зикр кард, ки гардиши савдои хориҷӣ миёни Тоҷикистону Русия дар нуҳ моҳи соли равон ба 723 миллион доллар расидааст.

Шаҳрдор илова кард, ки Русия сармоягузори муҳими Тоҷикистон аст.

Аммо Рустами Эмомалӣ аз истифода набурдани имкониятҳои иқтисодии ду кишвар изҳори нигаронӣ кард.

Вай гуфт имкониятҳои сармоягузории мустақими Русия ба иқтидори иқтисодии Тоҷикистон ҷававобгӯ нест ва имконятҳои иқтисодии ду кишвар ба андозаи кофӣ истифода намешавад.

Рустам Эмомалӣ афзуд, ки ҳоло Тоҷикистон бо беш аз 80 минтақаи Русия ҳамкории иқтисодӣ дорад.

Вай гуфт, афзоиши гардиши савдои хориҷии Тоҷикистон маҳз ба рушди ҳамкориҳо бо минтақаҳои Русия вобастагӣ дорад.

Ҳамзамон Рустам Эмомалӣ аз вазъи муҳоҷирати меҳнатӣ ва мушкили муҳоҷирони тоҷик дар Русия низ ёддошт шуд.

Ба гуфтаи раиси шаҳри Душанбе, шаҳрвандони Тоҷикистон аз бозори меҳнатӣ Русия ҳавасманд мебошанд.

“Хадамотҳои дахлдори ду кишвар бояд корҳоро барои ҳалли мушкилоти муҳоҷирон идома диҳанд. Мо хоҳони қоидаҳои муносиб барои муҳоҷирони меҳнатии Тоҷикистон ҳастем. Аз ҷумла дар масъалаи содашудани сабти иқомати шаҳрвандони Тоҷикистон”, - таъкид дошт Рустам Эмомалӣ, раиси шаҳри Душанбе. 

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

176
Барчаспҳо:
Валентина Матвиенко, Матвиенко, дидор, Маскав, сафар, Душанбе, раиси шаҳр, Рустам Эмомалӣ, Тоҷикистон
Миристр здравоохранения Таджикистана Джамолиддин Абдуллозода

Вазир ва муовинаш ба тафтиши беморхонаҳои шаҳри Душанбе баромаданд

17
(Таҷдидшуда 18:51 24.11.2020)
Роҳбарияти Вазорати тандурустӣ ва ҳифзи иҷтимоии аҳолии Тоҷикистон бо мақсади аз наздик шинос шудан бо вазъи беморхонаҳо ва марказҳои саломатии шаҳру ноҳияҳои кишвар гаштҳои рӯзона ва шабонаро ба роҳ мондаанд

ДУШАНБЕ, 24 ноя — Sputnik. Ҷамолиддин Абдуллозода, вазири тандурустии Тоҷикистон шахсан аз рафти фаъолияти Маркази тиббии шаҳрии №1-и шаҳри Душанбе дидан намуд, иттилоъ додааст дафтари матбуоти ин ниҳод.

Бино бар иттилои манбаъ, зимни боздид вазири тандурустии кишвар бо фаъолияти  муассисаи мазкур аз наздик шинос шуда, оид ба рафъи мушкилиҳои мавҷуда ба масъулин дастуру супоришҳои мушаххас дод.

Гуфта шудааст, ки вазир дар ҳамин муассиаи тиббӣ бо чанд беморон дидору гуфтугӯ кард.

Инчунин манбаъ, таъкид доштааст, ки шаби 22 ноябри соли равон муовини вазири тандурустӣ Зулфия Абдусаматзода аз рафти  хизматрасонии шӯъбаи таваллудхонаи Маҷмааи тандурустии “Истиқлол” ва як қатор шӯъбаҳои таваллуди беморхонаҳои шаҳри Душанбе дидан намуд.

Вазорат зикр кардааст, ки муовини вазир бо фаъолияти шӯъбаҳои таваллуд, шинос шуд ва бо наздикону пайвандони беморон низ вохурӣ кард.

Қайд карда шудааст, ки зимни вохурӣ по беморон вобаста ба хизматрасонии тиббӣ суҳбат намуданд.

17
Барчаспҳо:
муовин, санҷиш, беморхона, тандурустӣ, вазир, Тоҷикистон

Низомиёни тоҷику рус дар кӯҳҳои Тоҷикистон "террористон" - ро маҳв карданд - навор

0
(Таҷдидшуда 19:19 24.11.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, террористони шартиро дар паи амалҳои вижа нобуд карданд

Сарбозони пойгоҳи низомии 201-и Русия ва Қувваҳои Мусаллаҳи Тоҷикистон дар тамрингоҳи Лоҳур як тамрини навбатӣ баргузор карданд.

Дар ҷараёни тамрин, онҳо маҳви террористҳои шартиро дар шароити кӯҳистон нишон доданд.
Задухӯрд пас аз рахна шудани марзи давлатӣ аз ҷониби террористон оғоз ёфт.

Дар ин асно, экипажи ҳавопаймои бесарнишин бо миномётҳо ва мошинҳои зиреҳпӯш якчанд сутунҳои душманро пайдо карда, фавран макони ҷойгиршавии онҳоро ба пости фармон интиқол дод.

Шойгу ба низомиёни Тоҷикистон медал тақдим кард

Дар видео маълум аст, ки душман тавасути "Гвоздика" ва чархболҳои Ми-24  иҳота гардида, ҳамин тариқ гурӯҳҳои мусаллаҳи ғайриқонунӣ шикаст дода шуданд.

Ёдовар мешавем, дар тамринҳои муштарак беш аз 3 ҳазор низомии Русия ва беш аз 550 адад силоҳу таҷҳизот ба кор бурда шуд.

Аз ҷумла, аз БМП-2М, зиреҳпӯшҳои БТР-82А, БТР-80, системаҳои артиллерии "Град", "Ураган", гаубитсаи худгарди "Гвоздика" ва "Акатсия" истифода бурда шуд.

0
Барчаспҳо:
навор, маҳв, террористон, рус, тоҷик, низомиён