Глава МИД Таджикистана Сироджиддин Мухриддин и генеральный секретарь ООН Антонио Гутерреш

Вазъи Афғонистонро дабири кулли СММ ва вазири хориҷаи Тоҷикистон баррасӣ карданд

139
Вазъи минтақаи Осиёи Марказӣ ва Афғонистон зимни мулоқоти вазири корҳои хориҷаи Тоҷикистон ва дабири кулли СММ баррасӣ шуд

ДУШАНБЕ, 28 мар — Sputnik.   Дар шаҳри Ню-Йорк дар Қароргоҳи Созмони Милали Муттаҳид мулоқоти Сироҷиддин Муҳриддин, вазири корҳои хориҷии Тоҷикистон ва Дабири кулли СММ Антониу Гутерриш баргузор шудиттилоъ додааст дафтари матбуоти Вазорати хориҷаи Тоҷикистон. 

Бино бар иттилои манбаъ зимни тарафҳо масъалаҳои умдаи ҳамкорӣ миёни Тоҷикистону СММ-ро баррасӣ намуданд.

Инчунин, манбаъ қайд намудааст, ки тарафҳо зимни мулоқот вазъ дар минтақа ва Афғонистон, мубориза бо терроризм, ҳамкорӣ дар пешбарии татбиқи Даҳсолаи байналмилалии амал “Об барои рушди устувор, 2018-2028” ва дигар масъалаҳои мубрам мавриди баррасӣ қарор гирифтанд.

Ёдрас мешавем, ки Сироҷиддин Муҳриддин, вазири корҳои хориҷии Тоҷикистон дар ин рӯзҳо дар чорабинии сатҳи баланд таҳти унвони “Ҳамбастагӣ байни об ва иқлим”, ки дар ар шаҳри Ню-Йорк дар Қароргоҳи Созмони Милали Муттаҳид баргузор шудааст, иштирок дорад.

Чорабинии мазкур, ки дар ҳамкорӣ бо намояндагиҳои Канада, Япония, Мексика, Марокаш, Россия, Сингапур, Швейтсария, Департаменти иқтисодӣ ва иҷтимоии СММ ва ниҳоди СММ-Об доир шуд, намояндагон ва мутахассисони зиёда аз 130  кишвари аъзои СММ ва созмонҳои байналмилалиро гирди ҳам овард.

139
Барчаспҳо:
Дабири кулли СММ, СММ, мулоқот, Сироҷиддин Аслов, Вазорати хориҷаи Тоҷикистон, Тоҷикистон
Дорожная техника расчищает автомобильную дорогу от лавины, архивное фото

Садамаҳо зиёд шудааст эҳтиёт кунед: ҳушдор ва муроҷиати КҲФ Тоҷиикистон ба ронандагон

93
Кумитаи ҳолатҳои фавқулоддаи Тоҷикистон хабар додааст, ки тайи рӯзҳои охир дар роҳҳои мухталифи кишвар садамаҳои нақлиётӣ хеле зиёд бамал омадааст, ки дар бисёре мавридҳо сокинон ҷони худро аз даст доданд

ДУШАНБЕ, 29 ноя — Sputnik. Бино бар иттилои дафтари матбуоти Кумитаи ҳолатҳои фавқулодда ва мудофиаи граждании Тоҷикистон, миёни қурбониёни садамаҳои марговар ронандагон, мусофирон, занону мардон, пирсолону ноболиғон низ зиёд ба назар мерасанд.

Тибқи иттилои манбаъ, аксари ин садамаҳо бар асари риоя нашудани қоидаҳои ҳаракат аз ҷониби ронандагон рух медиҳанд, ки хеле нигаронкунанда аст. 

Таъкид шудааст, ки Кумитаи ҳолатҳои фавқулодда борҳо дар мавридҳои гуногун ба ронандагон муроҷиат карда буд, ки риояи қоидаҳои ҳаракат гарави аслии ҳифзи  саломатии худи онҳост.

Тибқи маълумоти Агентии обуҳавошиносии кишвар, аз 28 ноябр то 3 декабри соли 2020 дар минтақаҳои гуногуни доманакӯҳ ва кӯҳистони кишвар боридани борон ва барф пешгӯӣ карда мешавад.

Ин манбаъ гуфтааст, ки дар аксар мавридҳо борони шадид ба барфи тар табдил мешавад ва табиист, ки ин ҳолат ҳаракати мошинҳо ва одамонро дар роҳҳои кӯҳӣ мушкилу хатарзо мекунад. 

Дар ҳамин ҳол, бо назардошти ин, Кумитаи ҳолатҳои фавқулода ба ронандагон хотиррасон мекунад, ки ронандагӣ дар чунин ҳаво вижагиҳои хоси худро дорад.

“Ронандагон бояд махсусан дар роҳ эҳтиёткор бошанд, қоидаҳои ҳаракатро қатъиян риоя кунанд. Онҳое, ки нав мошинрониро омӯхтаанд, беҳтараш аз сафар бо роҳҳои мушкилгузар худдорӣ намоянд. Роҳҳои кӯҳӣ дар ҳавои сарду боронӣ сангрезишу тарма доранд ва барои ин ронандагон бояд маҳорату малакаҳои хуби ронандагиро дошта бошанд”, - қайд кардааст КҲФ Тоҷикистон. 

KҲФ ба ронандагон хотиррасон мекунад, ки либоси гарм, чароғаки дастӣ, бели хурд, ресмон, сӯзишвории эҳтиётӣ, дар термос оби гарм бо худ дошта бошанд. Инчунин, дорухонаи ёрии аввалияро дар мошин нав кардан лозим аст. Бо худ якчанд симкорт ва пуркунандаи барқ ​​барои телефонҳои мобилӣ дошта бошед.

Инчунин КҲФ ҳушдор додааст, ки асвалти тоза дар ҳавои сард таҳдидҳои зиёд ба ронанда дорад. Он метавонад бо қабати номаълум ва басо нафиси як пӯшида шуда бошад. Аз ин рӯ риояи фосила миёни мошинҳо ва боло набурдани суръати ҳаракат як роҳи эминӣ аз ҳар гуна хатарҳост!

Кумитаи ҳолатҳои фавқулодда ба ба ронандагон муроҷиат кардааст, ки дар роҳ шитоб накунанд ва , дар роҳ эҳтиёткор бошанд.

93
Барчаспҳо:
ҳушдор, сокинон, нақлиётӣ, роҳ, садама, КҲФ, Тоҷикистон
Шерали Кабиров, новый министр промышленности

Шералӣ Кабир бо сафири Эрон Муҳаммадтақӣ Собирӣ чӣ масъаларо баррасӣ кард?

122
(Таҷдидшуда 01:48 29.11.2020)
Сафири Эрон Муҳаммадтақӣ Собирӣ бо вазири саноат ва технологияҳои нави Тоҷикистон Шералӣ Кабир дар Душанбе мулоқот кард

ДУШАНБЕ, 29 ноя — Sputnik.  Дар дидорҳои ҷудогонаи сафирони Эрон ва Олмон дар Душанбе бо вазири саноат ва фанновариҳои навини Тоҷикистон заминаҳои ҳамкориҳои чандҷонибаи саноатӣ ва фанноварии дуҷониба ба баҳсу табодули назар гузошта шуд.

Сафири Эрон дар Тоҷикистон Муҳаммадтақӣ Собирӣ ахиран дар саҳифаи Инстаграмми худ навишт, ки дар дидор бо вазири саноат ва фанновариҳои навини Тоҷикистон Шералӣ Кабир заминаҳои ҳамкории ду кишвар Эрон ва Тоҷикистон дар ҳавзаҳои гуногуни саноат, маъдан ва фанновариҳои навин мавриди табодули назар ва гуфтугӯ қарор гирифт. 

Бояд қайд кард, ки чанде пеш вазири саноат ва фанновариҳои навини Тоҷикистон бо сафири Олмон дар Душанбе дар мавзӯи тақвияти равобити дуҷониба дидору гуфтугӯ кард. 

Дар дидори Шералӣ Кабир ва Андреас Протманн тарафҳо дар бораи истифода аз таҷрибаҳои Олмон барои рушди фанновариҳои навини саноатӣ дар Тоҷикистон табодули назар карданд.

122
Барчаспҳо:
Душанбе, саноат, мулоқот, сафир, Эрон, Тоҷикистон
Флаг с эмблемой саммита ШОС

Эрон аз СҲШ хостори муҳокимаву муҷозоти муртакибони террори Муҳсини Фахризода шуд

0
(Таҷдидшуда 11:21 29.11.2020)
Сафири Эрон дар Чин дар номае ба дабири кули Созмони Ҳамкории Шанхай аз вай хост, аз тамоми зарфиятҳои дипломатӣ ва қонӯнии ин созмон ба манзури кумак ба шиносоӣ ва муҳокимаву муҷозоти муртакибони террори шаҳид Муҳсини Фахризода истифода кунад

ДУШАНБЕ, 29 ноя — Sputnik. Ба нақл аз хабаргузории ИРНА, дар остонаи баргузории нишасти сарони созмони Шанхай, Муҳаммади Кишоварззода, сафири Эрон дар Чин дар номае хитоб ба Владимир Норов, дабири кули Созмони Ҳамкории Шанхай бо ишора ба террори яке аз барҷастатарин донишмандони эронӣ дар сояи сукӯт ва беамалии ҷомеъаи байналмилалӣ таъкид кардааст: “ин ҷиноят аввалин маврид аз ин дасти набуда ва дар идомаи сиёсатҳо ва иқдомоти ғайриқонӯнӣ ва хасмонаи бархе давлатҳо алайҳи Ҷумҳурии Исломии Эрон дар террори донишмандон ва нухбагони эронӣ аст”.

Дар идомаи ин нома омадааст: яке аз аҳдофи аслӣ аз ташкили Созмони Ҳамкории Шанхай, ки Эрон низ ба унвони узви нозир дар он ҳузур дорад, талоши ҷамъии мутааҳҳидонаи кишварҳои узв барои таъмини амният ва субот дар минтақаи Авруосиёва муқобила бо таҳдидоти ношӣ аз тероризм, ҷудоиталабӣ ва ифротгароӣ аст.

Сафири Эрон дар Чин таъкид кардааст, акнӯн ва дар шароите, ки бархе кишварҳои минтақаӣ ва фароминтақаӣ бо иртикоби ҷиноёти мухталиф саъй дар афзоиши танишҳо ва моҷароҷӯиҳои хатарнок дар ғарби Осиё доранд, шоиста аст Созмони Шанхай зимни маҳкӯмияти иқдоми террористии ахир, аз тамоми зарфиятҳои дипломатӣ ва қонӯнии дар ихтиёри худ ба унвони як созмони байналмилалӣ барои кумак ба шиносоӣува муҳокимаи муртакибон ва омирону ҳомиёни давлатӣ ва ғайридавлатии ин амали муҷримона ва ҷилавгирӣ аз такрори он дар оянда истифода кунад.

19- умин нишасти сарони кишварҳои узви Созмони Ҳамкории Шанхай рӯзи душанбе дар Деҳлии Нав баргузор ме‌шавад.

0
Барчаспҳо:
донишмандон, муҷозот, муҳокима, хостор, СҲШ, Эрон