Руки  в наручниках

ВУД: аз дуздии бузу гусфанд то  телефону пулу хӯрокворӣ дар Тоҷикистон

161
Кормандони Вазорати умури дохилаи Тоҷикистон як қатор ҳолатҳои дуздиро дар минтақаҳои гуногуни киҳшвар ошкор намуда, шахсияти гумонбаронро муайян ва дастгир кардаанд

ДУШАНБЕ, 3 апр — Sputnik. Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони Вазорати умури дохилаи кишвар як қатор ҳолатҳои дуздӣ дар ҳудуди кишвар ошкор шудаанд, иттилоъ додааст дафтари матбуотии ВУД Тоҷикистон.

Манбаъ афзудааст, ки ба ШВКД-1 дар ноҳияи Рӯдакӣ бо ариза марди 27-солаи сокини шаҳри Ваҳдат муроҷиат намудааст, ки рӯзи 31-юми марти соли 2019 шахсони номаълум бо роҳи пинҳонӣ аз чарогоҳи зимистона, воқеъ аз ҳудуди деҳаи Эсанбойи ноҳияи Рӯдакӣ 5-сар чорвои майдаи шохдор, ки арзиши умумиашон 4300-сомониро ташкил медиҳад, дуздида, аз ҷойи ҳодиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 68 ва 35-солаи сокинони шаҳри Ваҳдат бо гумони дуздӣ дастгир гардида, оид ба ин ҳодиса тафтишот идома дорад.

Ҳамчунин ба ШВКД дар ноҳияи Спитамен аризаи зани 57-солаи сокини шаҳраки Навкати ноҳияи мазкур дар он хусус ворид гардидааст, ки рӯзи 29-уми марти соли ҷорӣ, тахминан соати 09:30 дақиқа, шахсони номаълум бо роҳӣ пинҳонӣ аз мағозаи шахсиаш, воқеъ дар бозори шаҳраки Навкат 1-адад сумкаи занона, ки дар дохилаш 3000-сомонӣ буд, дуздида аз ҷойи ҳодиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 46-солаи сокини ноҳияи Б.Ғафуров, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, бо ҷурми дуздӣ дастгир карда шуд.

Оид ба ин ҳодиса парвандаи ҷиноятӣ бо моддаи 244 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Инчунин оид ба ҳодисаи дуздӣ ба ШВКД дар ноҳияи Ашт аризаи марди 30-солаи сокини шаҳраки Шайдони ноҳияи мазкур, соҳибкори инфиродӣ, ворид гардидааст, ки санаи 17-уми марти соли равон, тахминан соати 05:00, шахсони номаълум бо роҳӣ пинҳонӣ аз мағозааш, воқеъ дар шаҳраки Шайдон 1-адад яхдони тамғаи “Саратов”, ки арзишаш 3000-сомониро ташкил медиҳад, дуздида, аз ҷои ҳодиса ғайб задаанд.

Зимни доир намудани чорабиниҳои оперативӣ-ҷустуҷӯӣ кормандони милитсия марди 40-солаи сокини деҳаи Шахакро бо гумони дуздӣ дастгир намуданд.

Оид ба ин ҳодиса парвандаи ҷиноятӣ бо моддаи 244 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Ба ШВКД-1 дар ноҳияи Фирдавсӣ бо ариза марди 47-солаи сокини шаҳри Душанбе муроҷиат намудааст, ки санаи 30-юми марти соли 2019, тахминан соати 04:35-дақиқа, шахсони номаълум бо роҳи пинҳонӣ ба мағозааш, воқеъ дар кӯчаи Фирдавсии пойтахт даромада, аз он ҷо маводҳои хӯрокворӣ ва порфюмерӣ, ҷамъ ба маблағи 2 ҳазору 711-сомониро дуздида, аз ҷойи ҳодиса ғайб задаанд. Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини кӯчаи Фирдавсӣ, ки пеш бо моддаи 249 Кодекси ҷиноятии Ҷумҳурии Тоҷикистон суд шудаст, бо гумони дуздӣ дастгир карда шуд.

Ҳамчунин ба ШВКД-1 дар ноҳияи Фирдавсӣ бо ариза марди 24-солаи сокини кӯчаи Туғрали пойтахт муроҷиат намудааст, ки рӯзи 25-уми марти соли 2019, тахминан соати 04:35-дақиқа, шахсони номаълум бо роҳи пинҳонӣ, бо тариқи шикастани дари даромадгоҳи фурӯши нуқтаи тезтаёр, воқеъ дар кӯчаи Борбад шуда, аз он ҷо 1-адад телефони мобилӣ, лавозимоти рӯзгор ва хӯроквориро, ки маблағи умумиашон 5000-сомониро ташкил медиҳад, дуздида аз ҷойи ҳодиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи дар боло номбаргардидаи сокини кӯчаи Фирдавсӣ, ки пеш бо моддаи 249 Кодекси ҷиноятии Ҷумҳурии Тоҷикистон суд шудаст, бо гумони дуздӣ дастгир карда шуд.

Аз рӯи ин ҳодисаҳо тафтишот идома дорад.

161
Барчаспҳо:
ғоратгарӣ, телефон, дуздӣ, ВУД, Тоҷикистон
День 26 мая

Ҷашнҳои рӯзи 26 май дар Тоҷикистон ва ҷаҳон

11
(Таҷдидшуда 02:47 26.05.2020)
Рӯзи бисту шашуми май аз Рӯзи байналмилалии забони ғайриоддӣ - эсперанто баргузор мегардад. Ҳамзамон дар Русия аз Рӯзи парашютчиён ҷашн гирифта мешавад

Рӯзи 26 май дар ҷаҳон чӣ рух дод

Соли 1788 Ню-Йорк иёлати 11-уми ИМА эътироф гардид.

Соли 1847  Ҷумҳурии Либерия истиқлолияташро ба даст овард.

День 25 мая
© Sputnik / Стас Этвеш / Вишнякова Мария

Соли 1906 дар ИМА Бюрои федералии тафтишотӣ таъсис дода шуд.

Соли 1858  Барон Ротшилд аввалин яҳудие буд, ки дар парлумони Англия ба сифати аъзо қабул шуд.

Соли 1993 манати озарбойҷонӣ дар ин кишвар ҳамчун пули миллӣ қабул гардид.

Рӯзи 26 май дар Тоҷикистон чӣ рух дод

Соли 2011 раисҷумҳури Тоҷикистон Эмомалӣ Раҳмон барои ба истифода додани чанд иншооти нави иҷтимоӣ ва мулоқот бо мардум ба ноҳияҳои Хуросони вилояти Хатлон сафар карданд.

Ҷашнҳои рӯзи 24 май дар Тоҷикистон ва ҷаҳон

Соли 2012 дар шаҳри Душанбе масоили ҳамкории амниятию низомии ду кишвари ҳамсоя — Тоҷикистону Афғонистон баррасӣ карда шуданд.

Соли 2013 Бунгоҳи интишороти "Майванд" китоби Эмомалӣ Раҳмонро таҳти унвони "Нигоҳе ба таърих ва тамаддуни ориёӣ" бо теъдоди ҳазор нусха, бо хати форсӣ ва бо сифати баланд дастраси хонандагони кишвари ҳамсоя – Ҷумҳурии Исломии Афғонистон гардонид.

Соли 2014 аз тарафи Сарвари давлат муҳтарам Эмомалӣ Раҳмон Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» ба имзо расонида шуд

Ҷашнҳои рӯзи 26 май

  • Рӯзи байналмилалии забони ғайриоддӣ – эсперанто.
  • Дар Мадагаскар — Рӯзи истиқлолият.
  • Дар Россия — Рӯзи парашютчиён.
11
Барчаспҳо:
ҷашн, ҷаҳон, Тоҷикистон
В Москве открыт третий коронавирусный центр сети РЖД-Медицина

Паём аз "вируси корона": як бемористони ноҳияи Бобоҷон Ғафуров аз "илтиҳоби шуш" холӣ шуд

523
(Таҷдидшуда 21:17 25.05.2020)
Ба ҳолати 25 - уми май яке аз ду бемористони ноҳияи ба номи Бобоҷон Ғафуров дар шимоли кишвар аз сироятёфтагони “илтиҳоби шуш” ё бемории “вируси корона” холи шуд

Душанбе, 25 май – Sputnik. Муродҷон Ҷураев, сартабиби ноҳияи бо исми Бобоҷон Ғафуров дар суҳбат ба Sputnik Тоҷикистон гуфт, рӯзи 23-уми май гурӯҳи 11 нафараи беморон аз бемористони № 2 воқеъ дар ҷаомати Ёва и ноҳия мураххас рухсат шуданд ва ба ин ҳол, ин яке аз бемористонҳои лозим барои табобати гирифторони "илтиҳоби шуш" холӣ мондааст.

"Дар ноҳияи Бобоҷон Ғафуров дар ду беморхона яке дар ҷамоати Ёва барои беш аз 40 рахти хоб ва дуюми дар ҷамоати Ҳайдар Усмонов дорои 100 кати беморӣ, барои муолиҷаи беморони “илтиҳоби шуш” омода карда шудаанд. Рӯзи 23 уми май 11 нафар аз бемористони ҷамоати Ёва ба манзилҳояшон рухсат шуданд. Ҳоло дар он ягон гирифтори “илтиҳоби шуш” боқӣ намондааст", - гуфт сартабиб.

Бино ба иттилоъи Ҷураев, то рӯзи 23 уми май дар бемористонии № 2 и ҷамоати Ёва, беш аз 200 нафар аз шумори гирифторони “илтиҳоби шуш” бистарӣ ва табобат гирифтаанд.

Бино ба иттилоъи манобеи наздик ба Ситод оид ба пешгирӣ ва мубориза бо бемории COVID -19 то ин замон дар ноҳияи Бобоҷон Ғафуров ҳудуди 600 мавриди “илтиҳоби шуш” сапт шуда, бештар аз 550 нафар аз бемористонҳои ҷамоатҳои Ёва ва Ҳайдар Усмонов шифо ёфта, кам ё беш аз 5 нафар аз теъдоди шумори беморон фавтидаанд. Ҳоло ҳудуди 27 нафар дар бемористони воқеъ дар ҷаомати Ҳайдар Усмонов таҳти тадовии духтурон қарор доранд.

Русия замони эмгузаронии сартосарӣ аз маризии коронавирусро эълон кард

Ноҳияи Бобоҷон Ғафуров бо доштани бештар аз 360 ҳазор аҳолӣ феълан аз калонтарин ноҳияҳои Тоҷикистон ба ҳисоб меравад.

Дилбар Турсунзода, муовини раиси ноҳияи Бобоҷон Ғафуров дар суҳбат ба Sputnik Тоҷикистон гуфт, зарфи ду се рӯзи охир ҳолатҳои гирифтории сокинон ба бемории “илтиҳоби шуш” коҳиш ёфта ва ба ин далел ҳоло зарурати бистарӣ кардани беморон дар бемористони № 2 дар ҷамоати ноҳия боқӣ намондааст.

"Ин бемористон дар авҷи хуруҷ маризӣ, барои табобати маризии “вируси корона” тайёр карда шуд. Ҳоло, ки шиддати ин беморӣ поён шудааст, рӯзҳои наздик ин беморхона ба мисли пештара ба фаъолияти маъмулӣ баргардонида мешавад", - гуфт Турсунзода.

Ба ин тартиб ноҳияи Б. Ғафуров, ҳоло аз аввалин ноҳияҳое дар шимоли Тоҷикистон ба ҳисоб меравад, ки бино ба гуфтаи масъулин бемористонаш аз тоза шудани гирифторони “вируси корона” муваффақ шудааст.

Чанде пеш ҳам баъзе дигар аз шаҳру навоҳии кишвар аз коҳишёбии гирифторони “илтиҳоби шуш” дар бемористонҳо хабар доданд. Аммо масъулин ва табибон таъкид меварзанд, ки ҳоло набояд барои кафкӯбию хурсандӣ шитоб кард, зеро эҳтимол дорад мавҷи дуюм ё давраи дигари ин маризӣ шурӯъ шавад.

Табибон мегуянд, барои пурра нобуд шудани “вируси корона” нақши сокинон ҳам муҳим аст ва ин корро бо риояи гигенаи тиббӣ, ҳар яке метавонад ба иҷро расонад.

Рақамҳо дар бораи сирояти вируси корона, дар ҷаласаи ситоди шаҳру ноҳияҳо баъд аз он сурат мегирад, ки ахиран раисиҷумҳур Эмомалӣ Раҳмон рӯзи 20 уми май дар як ҷаласаи Ситоди ҷумҳуриявӣ оид ба пешгирӣ ва мубориза бо бемори COVID – 19 иштирок намуд ба роҳбарону масъулини соҳа дастур дод, ки дар ин бора ҳеҷ чизро аз мардум пинҳон накунанд, балки кушоду равшан маълумотро барои аҳолӣ пешкаш намоянд.

"Ин бемориро ҳукумати ҷумҳурӣ насохтааст, балки дар ҳама ҷо, ҳатто давлатҳои пешрафтаи дунёро ҳам ин маризӣ сироят кардааст", - гуфт раисиҷумҳур.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

Бино ба оморе, ки имрӯз 25 - уми май ин Вазорат эълон кард, теъдоди умумии беморон ба 3100 нафар баробар шуда, то кунун 1395 нафар аз ин шумор сиҳат шудаанд. Вазорати тандурустӣ теъдоди қурбониён аз ин бемориро то ин сана 46 нафар арзёбӣ мекунад.

Ҳукумати Тоҷикистон бо таъсиси Ситод оид ба пешгирӣ ва мубориза бо бемории COVID -19 аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

523
Мавзуҳо:
Пайомадҳои COVID-19 дар Тоҷикистон ва ҷаҳон