Бузкаши: национальная забава на лошадях

Бузкашӣ дар Панҷакент бо иштироки човандозони Тоҷикистон, Узбакистон ва Қирғизистон

760
Дар Ҷамоати деҳоти Чинори шаҳри Панҷакент мусобиқаи бузкашӣ баргузор шудааст, ки дар он дар на танҳо човандозони тоҷик балки паҳлавонони вилоятҳои Самарқанду Бухоро, Ҷиззаху Қашқадарёи Узбакистон ва шаҳрвандони Қирғизистон иштирок намуданд

ДУШАНБЕ, 9 апр - Sputnik. Бино бар иттилои дафтари матбуоти ҳукумати вилояти Суғд, ахиран бахшида ба Иди байналмилалии Наврӯз дар ҷамоати деҳоти Чинори шаҳри Панҷакент мусобиқаи бузкашӣ баргузор гардид, ки дар он човандозони беҳтарини вилояту ҷумҳурӣ ва кишварҳои ҳамсояи Узбакистону Қирғизистон иштирок намуданд.

Тибқи иттилои манбаъ, дар мусобиқаи мазкур паҳлавонон аз гӯшаву канори вилояту ҷумҳурӣ, вилоятҳои Самарқанду Бухоро, Ҷиззаху Қашқадарёи Ӯзбекистон ва Ҷумҳурии Қирғизистон ширкат карданд.

Манбаъ қайд намудааст, ки мусобиқаи бузкашӣ дар шаҳри Панҷакент ҳамасола дар рӯзҳои таҷлили ҷашни Наврӯз ва дигар идҳо гузаронида шуда, ҳаводорони зиёд дорад.

“Дар шаҳр 600 сар асп парвариш карда мешавад ва дӯстдорони ин навъи варзиш дар мусобиқаҳои бузкашиву пойга мунтазам иштирок менамоянд”, - таъкид намудааст ҳукумати вилояти Суғд.

Манбаъ зикр намудааст, ки дар мусобиқаи бузкашии хеле шавқовар, шоҳҷоиза – автомашинаи сабукрав насиби Фармон Бафоев бо аспи “Дракон” шудааст.

Раиси вилояти Суғд Раҷаббой Аҳмадзода калиди автомашинаро ба Фармон-паҳлавон тақдим кард.

760
Барчаспҳо:
Панҷакент, мошин, шоҳҷоиза, Суғд, бузкашӣ, мусобиқа, Қирғизистон, Узбакистон, Тоҷикистон
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

70
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

70
Барчаспҳо:
донишҷӯдухтар, ғарқ, Суғд
Здание МИД РТ в Душанбе, архивное фото

Нигаронии Тоҷикистон аз даргириҳои шадид дар Қарабоғи Кӯҳӣ: даъват ба оташбас кард

158
(Таҷдидшуда 18:22 28.09.2020)
Тоҷикистонро низ вазъияти Қарабоғи Кӯҳӣ бетараф нагузошт. Ҳукумати кишвар дар робита ба даргириҳои шадиди миёни Озарбойҷону Арманистон амиқан изҳори нигаронӣ кард

ДУШАНБЕ, 28 сен — Sputnik. Вазорати умури хориҷии Тоҷикистон дар робита ба вазъияти Қарабоғи Кӯҳӣ изҳороти расмӣ нашр намуд.

Дар изҳороте, ки торномаи ВУХ нашр намудааст, гуфта мешавад, ки Тоҷикистон аз задухӯрди низомӣ байни Ҷумҳурии Озарбойҷон ва Ҷумҳурии Арманистон амиқан изҳори нигаронӣ менамояд.

"Аз ҷонибҳо бо исрор даъват мекунем, ки барои қатъи амалиёти ҳарбӣ чораҳои таъхирнопазир андешанд. Бар онем, ки ҳалли низоъ дар Кӯҳистони Қаробоғ танҳо бо роҳҳои сиёсиву дипломатӣ имконпазир аст", - таъкид мешавад дар хабари вазорат.

Зимнан, Тоҷикистон аҳамияти истисноии ҳалли мусолиматомези ихтилофоти мавҷударо дар чаҳорчӯби меъёрҳои пазируфтаи байналмилалӣ таъкид менамояд.

Даргириҳои шадид дар Қарабоғи Кӯҳӣ: даҳҳо нафар аз ду ҷониб куштаву захмӣ шуданд - акс

Ёдовар мешавем, субҳи рӯзи якшанбе, вазорати дифоъи Озарбойҷон эълом кард, ки нерӯҳои мусаллаҳи Арманистон ба маҳалҳои аҳолинишини хатти тамос дар Қарабоғ тирандозӣ кардаанд.

Ҳарду ҷониб якдигарро дар шиддат гирифтани мухолифат муттаҳам карданд. Ин даргирӣ миёни аҳолии осоишта низ маҷруҳ ва ҳалокшудаҳо барҷой гузошт.

158
Барчаспҳо:
даргирӣ, Қарабоғи Кӯҳӣ, изҳорот, Тоҷикистон