Раҷаббой Аҳмадзода, раиси вилояти Суғд аз деҳаи Амондара боздид намуд

Аҳмадзода ба сокинони ҷамоати деҳоти Амондара, ки аз сел зарар диданд, чӣ ваъда дод?

1127
Бар асари боронҳои пайдарпайи шаби 5 апрел дар Ҷамоати деҳоти Амондараи шаҳри Панҷакент сел омад, ки дар натиҷа хонаҳои истиқоматии бархе аз сокинон аз лойу об зарар дид

ДУШАНБЕ, 9 апр - Sputnik. Раҷаббой Аҳмадзода, раиси вилояти Суғд зимни сафари кории худ ба шаҳри Панҷакент аз деҳаи Амондара боздид намуда, бо сокинон дидору гуфтугӯ кард.

Зимни мулоқот, раиси вилояти Суғд аз мушкилоту камбудиҳои сокинон хабардор шуд ва ба масъулин барои ҳалли мушкилот супоришҳо дод.  

Аз ҷумла Раҷаббой Аҳмадзода, ба масъулини ниҳодҳои марбута, аз ҷумла Идораи хоҷагии роҳҳои автомобилгард ва Раёсати беҳдошти замин ва обёрӣ дастур дод, ки техникаҳои заруриро ҷудо намуда, барои тоза сохтани сой ва анҷом додани корҳои соҳилмустаҳкамкунӣ тадбирҳои заруриро амалӣ намоянд.

Манбаъ қайд намудааст, ки барои тоза кардани сой ва корҳои соҳилмустаҳкамкунӣ аз буҷети вилоятӣ маблағҳои зарурӣ ҷудо карда мешавад.

1127
Барчаспҳо:
дидор, мулоқот, Суғд, сел, Раҷаббой Аҳммадзода, Панҷакент, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

81
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

81
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

485
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

485
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон