Пассажиры заходят в троллейбус на проспекте Рудаки. Архивное фото

Мақомоти шаҳри Душанбе: ҳаракати тролейбуси №12 муваққатан қатъ карда мешавад

149
(Таҷдидшуда 09:40 10.04.2019)
Мақомоти шаҳри Душанбе эълон намудааст, ки ба сабаби корҳои таъмирию навсозӣ ҳаракати тролейбусҳои №12 муваққатан қатъ карда мешавад

ДУШАНБЕ, 10 апр - Sputnik.  Дастгоҳи раиси шаҳри Душанбе сокинони пойтахтро огоҳ кардааст, ки аз 10 апрели соли равон ҳаракати тролейбусҳо дар хатсайри рақами №12 муваққатан қатъ карда мешавад.

Дар ин бора дафтари матбуоти раиси шаҳри Душанбе хабар додааст.

Манбаъ таъкид намудааст, ки дар хатсайри троллейбусии мазкур муваққатан ҳаракати автобусҳо бо рақами хатсайри №12 ба роҳ монда мешавад. 

“Сабаби муваққатан қатъ гардидани ҳаракати тролейбусҳоро дар ин хатсайр, ин корҳои таъмирию навсозӣ дар хиёбони С. Шерозии шаҳри Душанбе мебошад”, - қайд намудааст дастгоҳи раиси шаҳри Душанбе.

Мақомоти иҷроияи ҳокимияти давлатии шаҳри Душанбе аз сокинони пойтахт хоҳиш намудааст, ки муваққатан ба ҷои  троллейбусҳо дар хатсайри №12   аз  хизматрасонии  автобусҳо бо рақами хатсайри №12  истифода намоянд. 

149
Барчаспҳо:
хатсайр, ҳаракат, автобус, троллейбусҳои нав, сокинон, душанбе, шаҳрдорӣ, Тоҷикистон