Ҳукми Сулаймонзода, сарбози фирории тоҷик, ки дар Маскав боздошт шуд

© Sputnik / Андрей Старостин / Гузариш ба медиабонкСудебный молоток, архивное фото
Судебный молоток, архивное фото - Sputnik Тоҷикистон
Обуна шудан
Додгоҳи низомии Душанбе сарбоз Ғоибназар Сулаймонзодаро, ки аз хизмати ҳарбӣ фирор карда, наздики 6 сол дар муҳоҷирати меҳнатӣ дар Русия паноҳ бурдааст, ба 1 соли зиндони низомаш умумӣ маҳкум кард

ДУШАНБЕ, 11 апр - Sputnik. Тавре Додгоҳи низомӣ 9-уми апрел иттилоъ дод, Ғоибназар Сулаймонзода 9-уми октябри соли 2012 аз тарафи комиссариати ҳарбии ноҳияи Файзобод ба хизмати ҳарбӣ даъват гардид. Ӯ ба қисми ҳарбии қушунҳои сарҳадӣ дар ноҳияи Фирдавсӣ сафарбар гардида, аз 25-уми декабри соли 2012 ба вазифаи командири отделенияи ротаи комендантӣ таъин карда шудааст.

Судебный молоток, архивное фото - Sputnik Тоҷикистон
Ҷоғи шикастаю 5 соли зиндон: оқибати латукӯби сарбоз барои як пиёла об

Манбаъ афзуд, ки Сулаймонзода 26-уми январи соли 2013 барои як шабонарӯз мурахассӣ гирифта,  ба муҳоҷирати меҳнатӣ ба шаҳри Маскав фирор намудааст.

Додгоҳи низомии Душанбе таъкид кард, ки Сулаймонзода аз иҷрои вазифаҳои хизматиаш 5 солу 8 моҳу 12 шабонарӯз дур мондааст. Манбаъ илова намуд, ки сарбози фирорӣ 19-уми марти соли 2018 аз ҷониби кормандони милиса дастгир шуда, 8-уми октябри соли 2018 ба Тоҷикистон интиқол дода шуд.

Додгоҳ Сулаймонзода Ғоибназари Мирзосалимро бар асоси моддаи 375 қисми 1, Кодекси ҷиноятии Ҷумҳурии Тоҷикистон гунаҳкор дониста, ба 1 соли зиндони низомаш умумӣ маҳкум кард.

Лентаи хабарҳо
0