Премьер-министр Таджикистана Кохир Расулзода, архивное фото

Расулзода макони ҷашни 28-солагии Истиқлолият бо ҳузури Президентро гуфт

2771
Қоҳир Расулзода, сарвазири Тоҷикистон, гуфт, 28 – умин солгарди Истиқлолияти кишвар имсол дар шаҳри Кӯлоб таҷлил мешавад. Ӯ масъулинро муваззаф намуд, ки иншоотро барои ифтитоҳ аз ҷониби раисиҷумҳур омода кунанд

ДУШАНБЕ, 12 апр - Sputnik. Ахиран дар маҷлисгоҳи мақомоти иҷроияи ҳокимияти давлатии шаҳри Кӯлоб ҷаласаи сайёри Қоҳир Расулзода, сарвазири Тоҷикистон,  бо роҳбарон фаъолони шаҳр доир ба шиносоӣ бо вазъи иҷтимоию иқтисодии шаҳри Кӯлоб ва сатҳи омодагӣ ба ҷашни 30-солагии Истиқлолияти Тоҷикистон баргузор гардид. 

Дар ин бора дафтари матбуоти ҳукумати вилояти Хатлон хабар додааст.

Бино бар иттилои манбаъ, дар ҷаласаи мазкур се мавзӯъ баррасӣ шуд.

"Дар ҷаласаи масъалаи натиҷаҳои иҷрои барномаҳои  мақомоти шаҳри Кӯлоб доир ба омодагии ҳамаҷониба ба ҷашни 30-солагии Истиқлолияти Тоҷикистон, масъалаи рафти иҷрои нақша чорабиниҳо вобаста ба дастуру супоришҳои Сарвазири Тоҷикистон ва дигар масъалаҳо вобаста ба ҷамъбасти фаъолияти мақомоти шаҳри Кӯлоб дар 3-моҳаи соли ҷорӣ баррасӣ шуд", -тавзещ додааст манбаъ.

Қоҳир Расулзода, сарвазири Тоҷикистон аз натиҷаи сафари кории худ ба ноҳияи Ҳамадонӣ ва шаҳри Кӯлоб, ки рӯзҳои 10-11-уми апрел сурат гирифт, дар назди ҳозирин гузориш дод.

Қоҳир Расулзода зимни мулоқот қайд намудааст, ки дар иҷрои барномаҳо бахшид ба ҷашни 30-солагии Истиқлолияти Тоҷикистон нисбати сафари қаблӣ, ки моҳи ноябри соли гузашта сурат гирифта буд, каме пешравӣ дида мешавад.

"Он иҷроишеро, ки роҳбари давлат хоҳон асту таваҷҷуҳи бештар дорад, бояд тезонида шавад ва то ҷашни 28 – солагии Истиқлолияти Тоҷикистон, ки дар шаҳри Кӯлоб баргузор мегардад, ба истифодадиҳии иншооти гуногунро барои ифтитоҳи раисҷумҳури кишвар омода карда шавад", - таъкид намудааст Расулзода.

Инчунин вай қайд намудааст, ки омода кардани боғу гулгаштҳоро то моҳи август бояд ба анҷом расонида шавад.

Манбаъ зикр намудааст, ки дар анҷоми ҷаласа қарорҳо дар бораи рафти иҷрои барномаҳо бахшида ба ҷашни 30-солагии Истиқлолияти Тоҷикистон қабул карда шуд.

2771
Барчаспҳо:
Кулоб, Хатлон, нақша, сарвазир, Қоҳир Расулзода, Тоҷикистон
Люди в масках в городе

Омори ҷадиди фавт, сироят ва шифоёбӣ аз коронавирус дар Тоҷикистон давоми як рӯз

970
Вазорати тандурустии Тоҷикистон омори ҷадиди фавт сироят ва шифоёбӣ аз маризии сироятии коронавирусро мунташир намуд

ДУШАНБЕ, 11 июл – Sputnik. Шабонарӯзи гузашта дар Ҷумҳурии Тоҷикистон 49 ҳолати нави сироятёбӣ ба COVID-19 ошкор гардидааст, хабар медиҳад Вазорати тандурустӣ.

Ба ҳамин минвол, шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Баъди марги боз як нафар: сироятёбӣ аз коронавирус дар Тоҷикистон коҳиш ёфт - омори расмӣ

Манбаъ меафзояд, то имрӯз дар мамлакат 5176 нафар ё худ 79,5 дарсади гирифторони COVID-19 шифо ёфтаанд. Ҳамчунин шабонарӯзи гузашта ягон ҳолати фавт аз коронавирус дар ҷумҳурӣ ба қайд гирифта нашудааст ва теъдоди умумии қурбониён 55 нафар арзёбӣ мешавад.

"Шабонарӯзи охир 196 нафар гумонбарон зери назорати табибон қарор дошта, 61 нафар пас аз муолиҷа ба хонаҳояшон рухсат дода шуданд", — таъкид мешавад дар хабар.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

970
Барчаспҳо:
омор, Тоҷикистон, вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон

Таъсири COVID -19 ба туйҳои арӯсию домодӣ дар Хуҷанд

522
(Таҷдидшуда 16:38 11.07.2020)
Зарфи як моҳ, яъне аз замоне, ки Ситоди ҷумҳурӣ оид ба пешгирӣ ва мубориза бо бемории COVID-19 ба баргузории маъракаҳои туйи домодию арӯсӣ иҷоза дод, дар шаҳри Хуҷанд 47 ҳолати бастани ақди ниқоҳ сабт шудааст

ДУШАНБЕ, 11 июл – Sputnik. Масъулони Идораи сабти асноди ҳолати шаҳрвандӣ (ЗАГС) дар шаҳри Хуҷанд мегуянд, бемории COVID - 19 ҳатто ба баргузории маросимҳои ақди никоҳ таъсири худро расондааст.

Фирӯза Раҳимӣ, мудири хонаи ақди никоҳ дар Хуҷанд гуфтааст, ки танҳо дар як моҳи охир аз замоне, ки Ситоди мубориза бо COVID – 19 барои баргузории туйҳои арӯсию домодӣ иҷоза дод, дар шаҳри Хуҷанд дар умум 47 мавриди бастани ақди ниқоҳ доир шудааст. Бино ба гуфтаи Раҳимӣ, ин теъдод назар ба моҳҳои гузашта ба маротиб кам будааст.

Ду тӯй дар як хонавода: арӯс ва 12 меҳмон мубталои коронавирус шуданд

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқарраротҳои нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам бо иштироки то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Абдуғаффор Ҷабборов, сардори Маркази назорати давлатии санитарию эпидемологии Суғд чанде пеш дар суҳбат ба Sputnik Тоҷикистон гуфт, ки риояи ин муқарраротҳо дар вақти баргузории маъракаҳо, аз сӯи кормандони ин ниҳод дар шаҳру ноҳияҳо назорат мешавад.

"Ба ҳамаи роҳбарони туйхонаҳо пешниҳод дода шудааст, ки баргузории маъракаҳоро дар доираи муқарраротҳои Ситоди ҷумҳуриявӣ оид ба мубориза бо COVID-19 доир намоянд. Даромад бо ниқобҳои муҳофизатӣ барои ҳар як иштирокчии туй, ҳатто арӯсу домодро назорат кунанд, фосилаи ҷои нишаст барои иштирокчиёнро нигоҳ доранд. Инчунин дар даромадгоҳҳо бояд дастгоҳҳои ҳароратсанҷ (тепловизор) фаъол карда шуда, маводи антисептикӣ, дастмолҳои яккарата ва маводи дастшӯӣ (собун) таъмин карда шавад", - гуфт Ҷабборов.

Ҳоло волидоне, ки барои баргузории туйи фарзандонашон зарурат доранд, тибқи муқарраротҳои Ситоди пешгирии COVID – 19 дар доираи маҳдуд баргузор мекунанд. Аммо бархеи дигар интизор доранд, ки “вируси корона” ба пуррагӣ маҳв гардад ва онҳо туйи аъзои хонаводаи худро дар доираи васеъ ва бидуни ниқоббандӣ доир кунанд.

Дар Тоҷикистон ҳамасола то 60 ҳазор бастани ақди никоҳ ба қайд гирифта мешавад, ки аз ин шумор бештар аз 23 ҳазор маврид ба вилояти Суғд рост меояд.

522
Барчаспҳо:
тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон