Подписание договора, архивное фото

Ҳамкории ҷавонони Тоҷикистону Русия васеътар мешавад

160
Ҳамкории Кумитаи кор бо ҷавонон ва варзиши Тоҷикистон ва Агентии федералии кор бо ҷавонони Русия дар тамоми самтҳо васеътар хоҳад шуд

ДУШАНБЕ, 16 апр - Sputnik. Субҳи имрӯз дар Маскав зимни баргузории Форуми ҷавонони Россияву Тоҷикистон таҳти унвони “Роҳҳои умумӣ барои иқтисодиёти оянда” миёни Кумитаи кор бо ҷавонон ва варзиши Тоҷикистон ва Агентии федералии кор бо ҷавонони Русия ёддошти тафоҳум ба имзо расид.

Дилноза Аҳмадзода, муовини раиси Кумитаи кор бо ҷавонон ва варзиши Тоҷикистон дар суҳбат бо Sputnik Тоҷикистон қайд намуд, ки бо имзои ин санад ҳамкориҳои ҷавонони ду кишвар боз ҳам васеътар хоҳад шуд.

“Ба имзо расонидани ёддошт, нишонаи қаробати ҳамкорист. Баргузории форуми ҷавонон дар Русия аз он шаҳодат медиҳад, ки мо алакай қадами нахустинро барои иҷрои ҳамин ёддошти тафоҳум гузоштем”, - таъкид намуд муовини раиси Кумитаи кор бо ҷавонон ва варзиши Тоҷикистон Дилноза Аҳмадзода.

Ҳайати намояндагии Тоҷикистон бо роҳбарии Абдуллозода Аҳтам Рустам, раиси Кумитаи кор бо ҷавонон дар шаҳри Маскав дар форуми ҷавонони Русияву Тоҷикистон таҳти унвони “Роҳҳои умумӣ барои иқтисодиёти оянда” Русия ширкат доранд.

Форуми ҷавонони Россияву Тоҷикистон аз 15 то 17 апрели соли равон дар пойтахти Русия дар доираи баргузории 7 –умин конференсияи ҳамкории минтақавии Русияву Тоҷикистон бо доираи васеи ҷавонони ду кишвар баргузор карда мешавад.

Дар доираи Форум масъалаҳои ҳамкориҳо дар соҳаи сиёсати давлатии ҷавонон, фаъолияти соҳибкории ҳарду кишвар ва рушди соҳаи сайёҳӣ мавриди баррасӣ қарор дода мешавад.

Дар доираи Форум миёни Кумитаи кор бо ҷавонон ва варзиши назди Ҳукумати Тоҷикистон ва Агентии федералии кор бо ҷавонони Русия ва Иттифоқи ҷавонони Тоҷикистон ва Иттифоқи ҷавонони Русия ёддошти тафоҳум ба имзо расид.

160
Барчаспҳо:
Маскав, ҳамкорӣ, ҷавонон, Кумитаи ҷавонон, варзиш ва сайёҳӣ, Русия, имзои ёддошти тафоҳум, Тоҷикистон
Қурбон Ҳакимзода, раиси вилояти Хатлон, ҳангоми хонасозӣ барои зарардидагон дар ноҳияи Хуросон

Дар Чорбоғи Хуросон барои осебдидагон чӣ корҳо анҷом дода шудаанд - акс

78
(Таҷдидшуда 20:40 07.07.2020)
Мақомоти вилояти Хатлон дар бораи ҷараёни сохтмони манзил барои осебдидагон аз офати табиӣ дар ноҳияи Хуросон гузориш дода, аксҳоро нашр намуданд

ДУШАНБЕ, 7 июл — Sputnik. Котиботи ҳукумати Хатлон зикр кард, ки дар натиҷаи селбориши рӯзҳои 14-16 майи соли ҷорӣ дар ҷамоати деҳоти ба номи Садриддин Айнии ноҳияи Хуросон 67 манзили зист пурра ва қисман хароб шуда буд.

Манбаъ зикр кард, ки барои ҳамаи оилаҳои зарардида аз маҳалли бехавф 8-садякӣ қитъаи замин барои сохтмони манзилҳои нав ихтисос дода шуд. Ба ҳамаи хонаводаҳо дар баробари маводи фаровони ғизоӣ, инчунин масолеҳи сохтмонӣ кумак расонида шуд.

Котиботи ҳукумати Хатлон гузориш додааст, ки то имрӯз дар маҳаллаи Чорбоғ чӣ корҳо ба анҷом расиданд.

Таъкид шудааст, ки аз 67 хонаи бунёдшаванда дар 66 хона бардоштани девор ба охир расид. Дар 60 хона бардоштани бом ва болопӯш оғоз карда шуда, аз ин дар 18 хона бардоштани бом ва болопӯш ба ба итмом расид.

Дар 10 хона корҳои андовакунӣ оғоз шуда, аз ин дар 6 хона корҳои андовакунӣ ба охир расид. Дар 16 хона корҳои фаршу шифтсозӣ идома дошта, дар 2 хона ин корҳо ба анҷом расид.

Манбаъ афзуд, ки таъмини ҳамаи 67 хона бо дару тиреза аз ҷониби мақомоти давлатӣ пешбинӣ гардида, то имрӯз 24 хона бо дару тиреза таъмин ва ҳамаи он насб карда шудааст.

78
Барчаспҳо:
хона, Тоҷикистон
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

1701
(Таҷдидшуда 21:59 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкид намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

1701
Барчаспҳо:
маркази савдо, сӯхтор