Дар марзи Тоҷикистону Қирғизистон боз муноқиша сар зад: гаравгонро ба волидонаш супурданд
(Таҷдидшуда 11:40 23.04.2019)
Шаҳрванди Тоҷикистон навраси 9-солаи қирғизро, ки бо санг шишаи экскватори ӯро зада шикаста буд, ба кормандони ҳифзи ҳуқуқ супурдДУШАНБЕ, 23 апр – Sputnik. Муноқишаи навбатӣ дар марзи Қирғизистону Тоҷикистон аз тарафи марзбонон хомӯш карда шудааст, иттилоъ додааст РИА Новости дар истинод ба маркази матбуотии хадамоти марзбонии Қирғизистон.
Ба иттилои манбаъ, рӯзи душанбе шаҳрванди Тоҷикистон дар ҳудуди ҷамоати Ворух писарбачаи 9-солаи қирғизро, ки шишаи экскватори ӯро зада шикаста буд, боздошт карда, ба кормандони ҳифзи ҳуқуқ супурд.
Шаҳрванди Тоҷикистон рудхонаи дарёро тоза мекардааст дар ин ҳол писарбачаи қирғиз омада шишаи экскватори ӯро зада шикастааст. Баъди дастгир кардану ба кормандони ҳифзи ҳуқуқ супурдани ӯ аз ҷониби шаҳрванди Тоҷикистон, 50-60 қирғиз аз деҳаи Оқсой бо ҷамъ шуда муноқиша бардоштаанд.
Дар ҳамин ҳол кормандони ҳифзи ҳуқуқи тоҷик писарбачаи қирғизро ба зудӣ ба қирғизҳо супурдаанд, бо ин ҳам қирғизҳо он ҷоро тарк накарда, муноқиша кардаанд. Танҳо марзбонони ҳарду ҷониб тавонистаанд муноқишаро хомӯш кунанд.
“Бо мақсади идора кардани вазъ дар марзи ҳарду кишвар дар ҳамин рӯз намояндагони марзбонии Қирғизистон дар ҳудуди Ботканд ва намояндагони марзбонии Тоҷикистон оид ба ноҳияи Исфара мулоқот барпо намуданд”, - иттилоъ додааст дафтари матбуотии хадамоти сарҳадии Қирғизистон.
Ғайр аз ин роҳбарони хадамоти марзбонии ҳарду кишвар дар суҳбати телефонӣ, зарурияти риоя кардани бандҳои созишномаҳои пештар ба имзо расидпро, таъкид намуданд.
Барчаспҳо:
Лимити барқ дар Тоҷикистон: Раҳмон аз Вазорати энергетика чӣ талаб кард
(Таҷдидшуда 17:16 26.01.2021)
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур додДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.
Роҳбари давлат ёдрас шуд, ки ҳукумати кишвар барои расидан ба истиқлолияти энергетикӣ то ҳол кӯшиш мекунад.
Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.
Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.
Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.
Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.
Лимити барқ нархи ангишт ва ҳезуму таппакро боло бурд
"Корҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.
Барчаспҳо:
Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем
ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.
"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.
Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.
Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.
“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.
Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.
Барчаспҳо:
COVID, президентии Трамп ва Apple Watch: пешгӯиҳои "Симпсонҳо" - видео
Масалан Доналд Трампро ҳанӯз 10 сол пеш дар ин филм ба ҳайси президенти ИМА интихоб карда буданд.
Трампро аз филми "Дар хона танҳо" ҳам хориҷ карданд - навор
Дар ҳамон филм аввалин маротиба соатҳои Apple Watch, чанд чол пеш аз инқилоби "себӣ" пайдо шуда буданд.
Ҳаводорони филми тасвирии "Сипмсонҳо" боз чанд лаҳзаи дигари пешбинишударо дарёфт карданд:
- ҷароҳати футболбози бразилиягӣ Неймар дар қаҳрамонии ҷаҳон;
- пайдоиши шахсияти Грета Турберг;
- вирусе, ки тамоми ҷаҳонро фаро гирифтааст. Дар ин бора дар сериале, ки ҳанӯз соли 1993 наворбардорӣ шудааст, гуфта мешавад. Он замон ин маризӣ "осака -вирус" ном гирифта буд;
- Камала Харрис дар маросими савгандёдкунии раҳбари нави "Қасри Сафед" - Ҷо Байден.
Дигар пешбиниҳои хонаводаи "Симпсонҳо" - ро дар навори боло тамошо кунед.
Барчаспҳо: