Мулоқоти Сироҷиддин Муҳриддин ва Мевлут Чавушоғлу дар Туркия

Мулоқоти вазирони хориҷаи Тоҷикистону Туркия: Муҳриддин ба Чавушоғлу чӣ пешниҳод кард?

256
(Таҷдидшуда 10:01 24.04.2019)
Вазири корҳои хориҷии Тоҷикистон Сироҷиддин Муҳриддин дар Туркия бо Мевлут Чавушоғлу ҳамтои туркиаш ҳамкории сиёсӣ, иқтисодӣ, тиҷоратӣ, сармоягузорӣ, маориф, илм, фарҳанг, тандурустӣ, сайёҳӣ, таъмини амният, мубориза бо терроризмро баррасӣ кард

ДУШАНБЕ, 24 апр - Sputnik.  Вазири корҳои хориҷии Тоҷикистон Сироҷиддин Муҳриддин дар доираи сафари расмӣ  22 апрели соли равон бо Вазири корҳои хориҷии Туркия Мевлут Чавушоғлу мулоқот кард, иттилоъ додааст дафтари матбуоти Вазорати корҳои хориҷаи Тоҷикистон. 

Бино бар иттилои манбаъ, дар ҷараёни мулоқот доираи васеи масъалаҳои вобаста ба ҳолати кунунии муносибатҳои дуҷониба  ва дурнамои густариши ҳамкорӣ мавриди баррасӣ қарор гирифт.

“Аз ҷумла тарафҳо дар мавриди ҳамкории сиёсӣ, иқтисодӣ, тиҷоратӣ, сармоягузорӣ, маориф, илм, фарҳанг, тандурустӣ, сайёҳӣ, таъмини амният, мубориза бо терроризм ва тақвияти заминаи ҳуқуқии муносибатҳо  табодули афкор намуданд”, - таъкид намудааст вазорати хориҷа.

Манбаъ қайд намудааст, ки дар баробари ин тарафҳо иқдомоти муштараки минбаъдаи худро дар робита ба ҳамкорӣ дар доираи созмонҳои байналмилалӣ ва минтақавӣ ҳамоҳанг намуданд.

Дар анҷоми мулоқот Вазирони корҳои хориҷии Тоҷикистону Туркия ёддошти тафоҳум дар бораи ҳамкорӣ дар соҳаи бойгонӣ байни Вазорати корҳои хориҷии Тоҷикистон ва Вазорати корҳои хориҷии Туркияро ба имзо расонданд.

Пас аз мулоқот вазирони корҳои хориҷии ду кишвар барои намояндагони воситаҳои ахбори омма нишасти матбуотӣ баргузор намуда, ба саволҳои хабарнигорон ҷавоб гуфтанд.

256
Барчаспҳо:
тақвияти ҳамкориҳо, дидор, вазирони хориҷӣ, мулоқот, ҳамкорӣ, Туркия, Тоҷикистон
Гробы с умершими от заражения вирусом

Фавти боз як бемор аз коронавирус дар Тоҷикистон: вазорат тасдиқ кард

1561
Вазорати тандурустии Тоҷикистон омори нави сироят, шифо ва фавт аз коронавирусро нашр карда, марги як нафари дигарро аз коронавирус дар Тоҷикистон тасдиқ кардааст

ДУШАНБЕ, 10 июл — Sputnik. Шабонарӯзи гузашта дар Ҷумҳурии Тоҷикистон 47 ҳолати нави сироятёбӣ ба COVID-19 ва 1 мавриди фавти гирифторони он ба қайд гирифта шуд, хабар медиҳад Вазорати тандурустии Тоҷикистон.

Бино ба иттилои манбаъ, дар муддати аз 30 апрел то 10 июл дар кишвар шумораи гирифторони COVID-19 ба 6457 нафар расида, аз ин беморӣ то кунун дар мамлакат 5115 нафар ё худ 79,2%-и гирифторон шифо ёфтаанд.

"Ҳамзамон, дар муддати зикргардида дар мамлакат аз ин беморӣ 55 нафар фавтидаанд", - таъйид мекунад вазорати тандурустӣ.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 208 нафар гумонбарон зери назорати табибон қарор дошта, 48 нафар баъд аз муолиҷа ба хонаҳояшон рухсат дода шуданд.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Дар Русия 40% муҳоҷирон бо сабаби коронавирус бекор мондаанд

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд

 

1561
Руки в наручниках, архивное фото

Аз андоз сарпечӣ кард: Ожонси зидди фасод намояндаи "Озод сохтмон"-ро дастгир кард

336
(Таҷдидшуда 20:49 10.07.2020)
Ожонси мубориза ба фасод намояндаи ширкати "Озод сохтмон"-ро ба иттиҳоми надодани бештар аз 2 миллион сомонӣ андоз дастгир карддаст

ДУШАНБЕ, 10 июл — Sputnik. Дар ин бора вебгоҳи Ожонси зидди фасод гузориш дода, навиштааст, Туйғунов Фурузон Ҳақназарович ҳамчун намояндаи ваколатдори ширкати "Озод Сохтмон" дар давраи фаъолияти кориаш аз 29 октябри соли 2018 то 01 январи соли 2020 пули андозро насупоридааст.

Тавре манбаъ афзудааст, "ба воридоту содироти молу маҳсулоти ниёзи мардум машғул шуда, дидаву дониста бо роҳи дар эъломияҳои андоз пешниҳод намудани маълумотҳои баръало таҳрифшуда аз пардохти андоз аз арзиши иловашуда саркашӣ кардааст".

"Туйғунов Фурузон Ҳақназарович ба маблағи 1973526 сомонӣ андоз аз арзиши иловашуда ва андоз аз истифодабарандагони роҳҳои автомобилгард ба маблағи 130297 сомонӣ, ҷамъ ба маблағи 2103823 сомонӣ маблағи андозро надодааст", - афзудааст манбаъ.

Дар Душанбе аз фасод пешгирӣ мекунанд

Оиди ин ҳолат нисбати Туйғунов Ф.Ҳ. бо моддаи 292 қисми 1 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад. 

336
Пассажирский самолет вылетает из аэропорта города Красноярска

Санаи барқароршавии парвозҳои байналмилалӣ дар Русия дақиқ шуд

0
(Таҷдидшуда 09:24 11.07.2020)
Муовини сарвазири Русия Татяна Голикова дубора барқарор шудани парвозҳои байналмилалии ҳавоӣ дар Русияро эълом кард

ДУШАНБЕ, 11 июл – Sputnik. Иҷозати парвозҳои байнулмилалӣ дар Русия 15 июл оғоз хоҳад шуд, гуфт муовини сарвазири ин кишвар Татяна Голикова.

Барои барқарор кардани парвозҳо бо кишвар се омил муҳим аст: бемории COVID-19 бояд ба 100 ҳазор нафар аҳолӣ тақрибан 40 нафар бошад, афзоиши миёнаи шабонарӯзии сироятҳо набояд аз 1% зиёд бошад ва паҳншавии вирус набояд аз 1 зиёд бошад.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ин меъёрҳоро гурӯҳи машваратии эпидемиологҳо таҳия намуданд.

Фаъолияти дубора ба роҳ мондани парвозҳои байналмилалии ҳавоӣ ба туфайли коҳиши дарозмуддати бемории коронавирус дар Русия имконпазир гардид, гуфт муовини сарвазир.

Русия омода аст парвозҳоро ба 13 кишвар барқарор кунад 

Ёдовар мешавем, ки бар асари пандемияи коронавирус, Русия парвозҳои байналмилалии нақшавӣ ва чартериро 27 март ба таъхир андохт.

 

0