Селевой поток

КҲФ 60 ҳазор сокинонро аз рустоҳои осебпазир ба маконҳои амн кӯчонд

318
(Таҷдидшуда 11:20 25.04.2019)
Кумаитаи ҳолатҳои фавқулоддаи Тоҷикистон эълон намудааст, ки ба хотири коҳиши хатарҳои офати табиӣ аз манотиқи гуногуни кишвар ҳудудан 60 ҳазор сокинон аз рустоҳои осебпазир ба маконҳои амн кӯчонида шуданд

ДУШАНБЕ, 25 апр - Sputnik. Ба хотири коҳиши хатарҳои офати табиӣ, бо қарори комиссияи ҳолатҳои фвақулодаи ноҳияи Рӯдакӣ аҳолии 5 деҳаи ҷамоати шаҳраки ба номи Мирзо Турсунзода ва 2 деҳаи ҷамоати Зайнабобод ба ҷойҳои амн кӯчонида шуданд, иттилоъ додааст дафтари матбуоти Кумитаи ҳолатҳои фавқулоддаи Тоҷикистон.

Бино бар иттилои манбаъ ҳамчунин бо қарори комиссияи шаҳри Ҳисор 60 оила аз қитъаҳои хатарноки деҳаи Кӯҳнабой ба макони амн бурда шуданд.

“Дар маҷмӯъ наздики 6 ҳазор нафар аҳолӣ ба макони амну бехавф кӯчонида шуданд”, иттилоъ додааст КҲФ.

Инчунин манбаъ хабар додааст, ки дар як шабонарӯз бар сабаби боронгариҳои шадид чандин фоҷеаи дигар рух додааст.

Аз ҷумла дирӯз мавҷи селҳои азим сабабгори резиши санг дар қитъаҳои гуногуни роҳи мошингарди Душанбе-Чаноқ шуд.

“Дар натиҷа дар километри 155-уми ин роҳ бар асари резиши санг ронандаи 40-солаи мошини тамғаи “Тайота прадо”, ки ба самти Хукҷанд дар ҳоли ҳаракат буд, ба ҳалокат расид. Воҳиди вокуниши сареъи Кумита дар водии Зарафшон ҷасади ронандаро фаврӣ аз дохили мошини зери сангрезиш монда берун овард. 

Ҳамчунин резиши санг дар роҳҳои мошингарди  Душанбе-Дарвоз, Душанбе-Рашт-Лахш, қаламраи Масчои Кӯҳии вилояти Суғд ба қайд гирифта шудааст. Дар айни замон ин роҳҳо поккорӣ шуда, ҳаракати мошинҳо аз сар гирифта шудаанд, вале хавфи резиши санг боқӣ мондааст.

Инчунин КҲФ таъкид намудааст, ҳангоми чаронидани чорво дар қаламрави ҷамоати Дӯстмурод Алиеви ноҳияи Файзобод сокинони 54 ва 14-солаи ин русто ба ҳалокат расиданд. Ҷасади аввалӣ пайдо шудаву ҷустуҷӯи ҷасади дуюмӣ, писарбачаи ноболиғ идома дорад.

Дар ҳамин ҳол Кумита ҳушдор додааст, ки тибқи Ожонсии обуҳавошиносии кишвар дар қаламрави кишвар то охири моҳи апрел ҳавои номусоид боқӣ мемонад. Бар асари ин обу ҳавои номусоид об шудани барфҳо дар кӯҳҳо ва сарозер шудани оби зиёд ба водиҳо сабабгори якбора боло рафтани сатҳи оби рӯдхонаҳо мешавад. Ҳамчунин об шудани барфҳо метавонад хоки теппаҳоро нарм созад ва сабабгори рониши замин дар баъзе манотиқ гардад. Аз сӯйи дигар боришоти шадид хатари лағзиши тарма, омадани сел ва резиши сангро бештар мекунад. 

Кумитаи ҳолатҳои фавқулодда Тоҷикистон аз шаҳрвандон эҳтиромона хоҳиш намудааст, ки чораҳои бехатариро риоя кунанд, аз рафтан ба кӯҳҳо худдорӣ намоян.

318
Барчаспҳо:
Ҳисор, манотиқ, кӯчонидан, навоҳии осебпазири Тоҷикистон, КҲФ Тоҷикистон, Тоҷикистон
Девушка в наручниках, архивное фото

Занакҷанг: боздошти се зан барои латукӯби Саодати 23 сола соати 4-и субҳ-видео

71
(Таҷдидшуда 11:07 08.08.2020)
Мақомоти пулиси пойтахт аз боздошти се зан хабар медиҳад, ки дар ташкили занозании гуруҳӣ ва латукӯби ҷавонзани дигар муттаҳам мешаванд

ДУШАНБЕ, 8 авг — Sputnik. Бино ба иттилои сомонаи расмии РВКД Душанбе  боздошти занон дар пайи таҳқиқи навори дар шабакаҳои интернетӣ санаи 6 август паҳншуда сурат гирифтааст.

Манбаъ мегӯяд, дар навор лаҳзаи латукӯби як нафар ҷавонзан аз ҷониби гуруҳи 5-6 нафараи занон инъикос гардида, гуруҳи занони авбош бар замми он, ки ҷабрдидаро латукуб намуда истодаанд, боз аз дашному ҳақоратҳои қабеҳ истифода намуда, тартиботи ҷамъиятиро дар вақти шабона дағалона вайрон ва оромии сикононро халадор намудаанд.

Ин ниҳод гуфтааст, дар пайи баррасии навор Шаҳноза Ҳакимова, сокини 30-солаи ноҳияи Мӯъминобод, ки қаблан бо ҷурми дуздӣ маҳкум шуда буд, Дилбар Шарипова, сокини 33-солаи шаҳри Кӯлоб ва сокини шаҳри Ҳисор Садафмо Холоваи 29-сола боздошт шудаанд.

Гуфта мешавад, дар натиҷаи санҷиш муайян карда шуд, ки санаи 6 август тахминан соатҳои 4 ба 5-и саҳарӣ нафарони дастгиршуда ҳангоми қарор доштан дар кӯчаи Неъмат Қарабоев бо маслиҳати пешакӣ аз ҳиссиёти авбошӣ ва бадбинӣ нисбат ба шаҳрванд Назирова Саодат Рустамовна 23 сола, зода ва сокини шаҳри Душанберо дар ҳайати гуруҳӣ ва ба таври ваҳшиёна мавриди латукуби шадид қарор дода, тартиботи ҷамъиятиро дағалона вайрон намудаанд. 

Манбаъ мегӯяд, нисбат ба се тани боздоштшуда парвандаи ҷиноӣ оғоз шуда, ҳамзамон ду тани дигар дар ҳолати бозпурсиянд ва гар дар ин ҳодиса шарикияшон исбот шавад, онҳо низ ба ҷавобгарӣ кашида мешаванд.

71
Вице президент академии образования Таджикистана Каримова Ирина Холовна

Касбро намедонанд: Каримова дар бораи мушкили асосии довталабон дар Тоҷикистон

49
Довталабон дар Тоҷикистон аксаран ба факултаҳои иқтисод ва ҳуқуқ мераванд, зеро онҳо танҳо мехоҳанд  дипломи маълумоти олиро бигиранд ва намефаҳманд, ки пас аз донишгоҳ чи кор онҳо интизор аст, мегӯяд профессор Ирина Каримова

ДУШАНБЕ, 8 авг — Sputnik. Тӯли солҳои зиёд ҷавонони Тоҷикистон  ихтисосҳои техникӣ ва табииро (ба истиснои тиббӣ) сарфи назар карда, ба ҳуқуқшиносон, иқтисоддонон ва духтурӣ дохил мешаванд.

Ба гуфтаи Ирина Каримова, доктори илмҳои педагогӣ, профессори Академияи таҳсилот, далел он аст, ки дар самти омӯзиши касбӣ дар мактабҳо кор бурда намешавад ва ҷавонон як факултетро бо ихтисоси васеъ интихоб мекунанду  умедворанд мешаванд, ки маълумоти олӣ ба таври автомотӣ ҳадди аққал ягон корро таъмин мекунад.

Ба гуфти мутахассис онҳо дар бораи пас аз хат дар куҷо кор карданашон ва чи кас шуданашон фикр намекунанд.

“Эҳтимол баччаҳои ҷавонро гуногунрангии касбҳои ояндаи худ ҷалб мекунанд. Охир, боварӣ дорад, ки дар ҳама ҷо иқтисодчӣ лозим аст - вай метавонад ба муҳосиб, менеҷер, корманди бонк кор кунад.  Ҳамин тавр, қариб дар ҳама гуна ташкилотҳои тиҷоратӣ ҳуқуқшинос лозим аст. Аммо суол ин аст, ки оё онҳо дар бозор талабот хоҳанд дошт ", -шарҳ дод Каримова ба Sputnik Тоҷикистон.

Ба гуфтаи вай, ҳатто бо касби духтур, ки хеле маъмул ва обрӯманд аст, мушкилот вуҷуд дорад - аксарияти довталабон намефаҳманд, ки омӯзиши шашсола дар соҳаи тиб чӣ қадар душвор аст. Аз ин сабаб, бисёриҳо пас аз соли 1-2-юм донишгоҳро тарк мекунанд.

49