При въезде в Куляб, архивное фото

Вазъи корхонаҳои саноатӣ дар шаҳри Кӯлоб ташвишовар будааст

366
Масъулини ҳукумати вилояти Хатлон зимни вохӯрӣ бо соҳибкорону сармоягузорон эълон намуданд, ки вазъи корхонаҳои саноатӣ дар шаҳри Кӯлоб ташвишовар буда, барқарорсозии онҳо таҳти назорати ҳукумати Тоҷикистон қарор дорад

ДУШАНБЕ, 29 апр - Sputnik. Ахиран дар маҷлисгоҳи Донишгоҳи давлатии Кӯлоб ба номи Абӯабдуллоҳи Рӯдакӣ вохӯрии соҳибкорону сармоягузорон бо роҳбарияту масъулони бахши иқтисодии шаҳру ноҳияҳои минтақаи Кӯлоб баргузор гардид, иттилоъ додааст дафтари матбуоти ҳукумати вилояти Хатлон.

Бино бар иттилои манбаъ, дар вохӯрии мазкур масъалаи дастгирии соҳибкорӣ ва беҳтар намудани фазои сармоягузорӣ дар Тоҷикистон мавриди баррасӣ қарор гирифт.

Манбаъ афзудааст, ки масъулин зимни вохӯрӣ бо соҳибкорон эълон намуданд, ки дар шаҳри Кӯлоб вазъи корхонаҳои саноатӣ ташвишовар буда, барқарорсозии онҳо таҳти назорати Ҳукумати Тоҷикистон қарор дорад.

Азҷумла зимни мулоқот масъулин зикр намуданд, ки рушди соҳибкории истеҳсолӣ дар манотиқи ҷумҳурӣ бояд боло бардошта шавад.

Дар вохӯрии мазкур, масъулини ҳукумати ноҳияи Хатлон қайд намуданд, ки  ки айни ҳол дар вилоят 25 ҳазору 873 нафар соҳибкорон бо патент ва 6085 нафар бо шаҳодатнома ва 67 ҳазор хоҷагиҳои деҳқонӣ (фермерӣ) фаъолият мекунанд.

Инчунин масъулин таъкид намуданд, ки бо фармони Президенти Тоҷикистон аз 16 январи соли 2019, дар вилоят 511 субъекти соҳибкорӣ дар соҳаи истеҳсолӣ ба мараторий фаро гирифта шудааст.

Дар ҳамин ҳол масъулуини ҳукумати вилояти Хатлон ёдрас шуданд, ки ҳоло дар вилоят шумораи корхонаҳои саноатӣ 542 ададро ташкил менамояд.

Манбаъ қайд намудааст, ки тибқи нақшаи тасдиқшуда бахшида ба ҷашни 30-солагии Истиқлолияти Тоҷикистон дар вилоят бунёди 6060 адад биною иншоот ва корҳои ободонию созандагӣ ба нақша гирифта шудааст, ки бештари онҳоро соҳибкорони маҳаллӣ амалӣ менамоянд.

366
Барчаспҳо:
Ҳукумат, сармоягузорӣ, корхонаҳои саноатӣ, корхона, шаҳри Кӯлоб, Тоҷикистон
Дискотека в ночном клубе, архивное фото

Вақти рақс халал расондӣ: навори занозании 6 зани ҷавон дар клуби шабона дар Душанбе

131
РВКД Душанбе навори занозании шаш зани ҷавони аз 19 то 25-соларо дар клуби шабонаи "Аура" нашр кардааст. Онҳо ба ҳамдигар танҳо барои онки нафареашон вақти рақс бо китф ба дигаре расидааст, дарафтодаанд. РВКД мегӯяд, ин қабил номи занро доғдор мекунанд

ДУШАНБЕ, 23 янв— Sputnik. Раёсати Вазорати корҳои дохилӣ дар шаҳри Душанбе аз боздошти шаш зани ҷавон ба иттиҳоми авбошӣ гузориш медиҳад.

Тавре манбаъ тавзеҳ медиҳад, ин занони ҷавон, ки ҳамагӣ аз 19 то 25-сола будаад, дар пайи занозанӣ дар клуби шабонаи "Аура" дастгир шудаанд.

Гуфта мешавад, бо сабаби ночиз ба ҳамдигар дарафтодаву тартиботи ҷамъиятиро вайрон кардаанд.

Ҳамин тавр, тавре РВКД менависад, "ду гурӯҳ ҷавонзанон аз ду ҷониб, бо ҳамдигар муноқиша намуда, тартиботи ҷамъиятиро дағалона вайрон кардаанд".

"Сабаби муноқишаи мазкур “расидани китфи яке ба китфи дигаре дар вақти рақс ва ба ин тартиб халал расонидан ба истироҳати ҳамдигарӣ” унвон гардидааст. Дар ин замина номбурдагон ба ҳамдигар дарафтода, бо мушту пой ва зарфҳои шишагин якдигарро латукӯб намудаанд", - омадааст дар гузориш.

Афзун бар ин, онҳо ба эроди атрофиён аҳамият надода, тартиботро дар мавзеи ҷамъиятӣ ба таври дағалона ва ба муддати тулонӣ вайрон кардаанд.

Нисбати ҳамаи боздоштшудагон тибқи талаботи моддаи 237 қисмҳои 2 ва 3 Кодекси ҷиноятии Ҷумҳурии Тоҷикистон (авбошӣ дар ҳайати гуруҳӣ) парвандаи ҷиноятӣ оғоз карда шуда, мавриди тафтиши пешакӣ қарор дорад.

Навор ва аксҳои ин гурӯҳи боздоштшударо РВКД нашр кардааст.

Ёдрас мешавем, қисмҳои 2 ва 3-и моддар 237(авбошӣ) Кодекси ҷиноии Тоҷикистон аз 5 то 7 соли зиндонро пешбинӣ мекунад.

131

Фавт аз коронавируси навъи "бритонӣ" бештар аст: СҶБ иллаташро шарҳ дод

86
(Таҷдидшуда 13:42 23.01.2021)
Ба маълумоти Созмони ҷаҳонии беҳдошт, навъи нави коронавируси "бритонӣ" дар муқоиса бо SARS-CoV-2 метавонад аз инсон ба инсон 50 -70 дарсад зудтар интиқол ёбад

ДУШАНБЕ, 23 янв — Sputnik. Иллати маргумири зиёд аз навъи нави коронавирус метавонад ба сарбории мақомоти беҳдошт вобаста бошад, хабар медиҳад РИА Новости бо такя ба изҳороти Мария Ван Керкхове намояндаи СҶБ.

Бӯйи коронавирус: сагҳо ба шинохти COVID - 19 ва навъҳои нави он омӯхта шудаанд

Рӯзи гузашта, сарвазири Британия, Борис Ҷонсон хабар дод, ки мутатсияи нав аз навъҳои қаблӣ 30 фисад марговартар ва 70 дарсад бештар сирояткунанда аст. 

Илова бар ин, ӯ таъкид намуд, ки маҳдудиятҳои ҷорӣ, ҳоло сабук нахоҳанд шуд, чун сатҳи сироятшавӣ ниҳоят зиёд буда, дармонгоҳҳо дар шаҳрҳои калон наметавонанд бо ҷараёни ин беморӣ мубориза баранд.

"Агар суръати интиқоли вирус зиёд шавад, ҳолатҳои сироятёбӣ бештар мешаванд. Ман медонам, ки ин ба назар  наменамояд, аммо агар теъдоди маризони нав ба ҳамин суръат афзоиш ёбад, пас шумораи бистаришавӣ низ меафзояд....Ин вазъ сарбории системаи тандурустиро ба бор меорад, ки дар натиҷа боиси зиёд шудани ҳолатҳои фавт мегардад", - шарҳ додааст Ван Керкхове.

Ёдовар мешавем, ки навъи нави коронавирус мобайнҳои моҳи декабр дар Британия буруз кард ва мутахассисон ба хулосае омаданд, ки вируси мазкур аз COVID-19 наздики 70 фисад хавфноктар аст ва суръати паҳншавии ӯ низ бамаротиб фарқ мекунад.

Чанде пеш намояндаи Роспотребнадзор низ хабар дод, ки навъи нави коронавируси "бритонӣ" - ро як нафар аз Британия ба Русия низ интиқол дод.

86
Мавзуҳо:
Пайомадҳои COVID-19 дар Тоҷикистон ва ҷаҳон