Ҳилоли Аҳмари Тоҷикистон ба беш аз 10 ҳазор оилаи ниёзманд кумак мерасонд

© Sputnik / Стас ЭтвешНастольные флаги Красного Полумесяца и Красного Креста
Настольные флаги Красного Полумесяца и Красного Креста - Sputnik Тоҷикистон
Обуна шудан
Ҷамъияти Ҳилоли Аҳмари Тоҷикистон ба оилаҳои ниёзманд кумаки хайриявии маводи хӯрокӣ мерасонад

ДУШАНБЕ, 30 апр — Sputnik. Ҷамъияти Ҳилоли Аҳмари Тоҷикистон дар асоси дастури Ҳукумати Тоҷикистон ба 10 ҳазору 500 оилаи ниёзманд кумаки хайриявии маводи хӯрокӣ дастрас менамояд, иттилоъ додааст дафтари матбуоти Ҷамъият.

Встреча заместителя Министра иностранных дел РТ с Главой Делегации Международной Федерации Обществ Красного Креста в Центральной Азии - Sputnik Тоҷикистон
Дар Душанбе фаъолияти Салиби Сурх ва Ҳилоли Аҳмар баррасӣ шуд

Тавре Ҷамъияти Ҳилоли Аҳмари Тоҷикистон  қайд намудааст, кумакҳои мазкур танҳо ба оилаҳои ниёзманд расонида хоҳад шуд.

“Кумаки мазкур 50 кило орд, 3 литр равғани растанӣ, 3 кило биринҷ, 3 кило шакар, 3 кило макарон, 3 кило лӯбиё, 3 кило нахӯд ва дигар маҳсулоти хӯрокиро дар бар мегиранд”, — таъкид намудааст манбаъ.

Кумакҳои мазкур ба шаҳру ноҳияҳои Душанбе, Ваҳдат, Ҳисор, Хуҷанд, Варзоб, Рӯдакӣ, Шаҳринав, Восеъ, Темурмалик, Данғара, Вахш ва Панҷ равона карда шудаанд.

Манбаъ қайд намудааст, ки оғози тақсимоти кумакҳоро 27 апрели соли равон аз ноҳияи Рӯдакӣ ба роҳ мондааст. То 10 майи соли равон тибқи нақшаи муқарраргардида, кумакҳои башардўстона ба оилаҳои ниёзманди шаҳру ноҳияҳои мақсаднок дастрас карда мешаванд.

Лентаи хабарҳо
0