Платный участок дороги в Варзоб, архивное фото

IRS барои ҳаракати мошинҳо дар роҳи Душанбе–Чаноқ маҳдудияти мавсимӣ ҷорӣ мекунад

565
(Таҷдидшуда 16:38 30.04.2019)
Маҳдудияти мавсимӣ ба воситаҳои нақлиёти гаронвазн дахл дошта, ба ҳар як тири пешбаранда на зиёда аз 6 тонна пешбинӣ шудааст

 ДУШАНБЕ, 30 апр - Sputnik. Бо дарназардошти фаро расидани мавсими гармо, шурӯъ аз 1-уми майи соли равон ба ҳаракати мошинҳои гаронвазн маҳдудияти мавсимӣ ҷорӣ карда мешавад.

Бино бар иттилои дафтари матбуоти филиали ширкати IRS, маҳдудият бинобар сабаби фарорасии мавсими тобистон ҷорӣ шуда, то 31 август идома меёбад.

“Филиали Ширкат, ки барои давраи муайян нигоҳдории роҳи мавриди назарро ба зимма дорад, баҳри дар ҳолати хуб нигоҳ доштани он мунтазам тадбирандешӣ менамояд. Бо дарназардошти фаро расидани мавсими гармо, шурўъ аз 1-уми майи соли равон то 31 августи ҳамин сол дар сурати аз 25 дараҷа боло будани ҳарорати ҳаво маҳдудият ҷорӣ мешавад. Ин маҳдудият ба воситаҳои нақлиёти гаронвазн дахл дошта, ба ҳар як тири пешбаранда на зиёда аз 6 тонна пешбинӣ шудааст”, - таъкид намудааст манбаъ.

 Манбаъ қайд намудааст, ки ин ин иқдом барои дар ҳолати хуб нигоҳ дошнаи роҳ ҷорӣ мегардад, зеро дар гармии рӯзона асфалт мулоим шуда, ҳаракати мошинҳои гаронвазн рӯи он ба вайроншавии рӯйпӯши роҳ боис мегардад.

“Маҳдудият дар ҳаракати мошинҳои гаронвазн аз соати 10:00 то 20:00 ҷорӣ мешавад”, -  хабар додааст ширкати IRS.

Ширкати IRS зикр намудааст, ки чунин тадбирандешӣ на танҳо дар Тоҷикистон, балки дар аксарияти кишварҳои дунё роиҷ буда, натиҷаҳои хуб ба бор овардааст.

565
Барчаспҳо:
мавсими, маҳдудият, шоҳроҳ, Душанбе-Чаноқ, душанбе, Тоҷикистон
Садамаи маргборе, ки дар пайи он Баҳром Ғафурӣ ба ҳалокат расид

КҲФ низ садамаи Баҳром Ғафуриро шарҳ дод ва чанд акс аз ҷои ҳодиса нашр кард

1897
Кумитаи ҳолатҳои фавқуллода менависад, ки агар ҳодиса соати 4:00 рух дода бошад, соати 4:18 дастаи наҷоти КҲФ ба ҷои ҳодиса сафарбар шуданд. Аммо мутаассифона ҳунармандро натавонистанд аз марг наҷот диҳанд

ДУШАНБЕ, 7 авг — Sputnik. КҲФ низ садамаи мудҳишеро, ки дар пайи он овозхони номӣ Баҳром Ғафурӣ ҳалок шуд шарҳ додааст.

Бино бар иттилои манбаъ, 04:16 дақиқа ба навбатдори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар шаҳри Душанбе хабар расид, ки дар кўчаи  Рудакӣ  106 ноҳияи И.Сомонӣ, садамаи нақлиёти рўх додааст.

Соати 04:18 дақиқа Дастаи зудамали наҷоти Раёсат ба ҷои ҳодиса сафарбар шуд, афзудааст манбаъ.

Садамаи маргбори Баҳром Ғафурӣ
Дафтари матбуоти КҲФ
Садамаи маргбори Баҳром Ғафурӣ

Гуфта мешавад, дар натиҷа муаян карда шуд, ки ронандаи автомашинаи тамғаи «Тайота-Ланкурузер» (200)  рақами давлатиаш 1991 КК 01ТҶ, аз ўҳдаи идораи мошин набаромада, ба автомашинаи партовкаши тамғаи «Камаз»  бармехӯрад.

Бар асари ин бархурди мудҳиш як нафар мусофири он сарояндаи хушхону маъруф Баҳром Ғафурӣ ба ҳалокат расидааст. Дар ин садама ду нафари дигар: Зарипов Баҳодур ва Анварзода Ислом бо ҷароҳатҳои вазнини ҷисмонӣ ба беморхонаи Қарияи Боло интиқол дода шудаанд.

Сабаби ҳодисаи мазкур аз ҷониби кормандони шуъбаи ВКД ва БДА-и ноҳияи Исмоили Сомонӣ муаяйн карда мешавад.

1897

Вазорати тандурустӣ омори тозаи коронавирусро нашр кард

321
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

321