Пожилой человек на велосипеде, архивное фото

Аз мошин даст кашед ба дучарха гузаред: Кумитаи ҷавонон ҳамоиши дучархаронӣ эълон кард

264
Кумитаи кор бо ҷавонон ва варзиши Тоҷикистон аз сокинони кишвар хоҳиш намудааст, ки барои як рӯз аз истифодаи мошинҳои шахсӣ даст кашанд ва аз дучархаҳо истифода намоянд

ДУШАНБЕ, 2 мая – Sputnik.  Рӯзи 5 майи соли равон дар кишвар ҳамоиши ҷумҳуриявии “Як рӯзи дучархаронӣ” доир карда мешавад, иттилоъ додааст дафтари матбуоти Кумитаи кор бо ҷавонон ва варзиши Тоҷикистон.

Бино бар иттилои манбаъ, иқдоми мазкур бо ташаббуси Кумитаи кор бо ҷавонон ва варзиши Тоҷикистон таҳти сарпарастии Президенти Федератсияи футболи Тоҷикистон, муҳтарам Рустами Эмомалӣ бахшида ба эълон гардидани солҳои 2019 -2021 “Солҳои рушди деҳот, сайёҳӣ ва ҳунарҳои мардумӣ” доир карда мешавад.

Манбаъ қайд намуд, иқдоми мазкур соли дуюм аст, ки дар Тоҷикистон бо мақсади оммавияти варзиш, тарғиби тарзи ҳаёти солим ва рушди навъи дучархаронӣ дар кишвар баргузор мегардад.

Манбаъ таъкид намудааст, ки иқдоми мазкур дар доираи таҷлили Рӯзи ҷавонони Тоҷикистон, ки ҳамасола дар кишвар 23 май таҷлил мешавад роҳандозӣ карда шудааст.

“Ҳадаф аз баргузории ҳамоиши мазкур пеш аз ҳама интихоби тарзи ҳаёти солим буда, аз тамоми сокинони кишвар, эҳтиромона даъват ба амал оварда мешавад, ки дар ин рӯз аз автомашинаҳои сабукрав ва воситаҳои нақлиётии ҷамъиятӣ даст кашида, аз дучархаҳо истифода намоянд”, - зикр намудааст Кумитаи кор бо ҷавонон ва варзиши Тоҷикистон.

264
Барчаспҳо:
эълон, ҳамоиш, дучархаронӣ, дучархасавор, Кумитаи ҷавонону варзиш, Тоҷикистон
На фабрике по производству тканей, архивное фото

Дар Тоҷикистон давоми сол беш аз 20 корхонаи ватанӣ ба кор шурӯъ кард

4
(Таҷдидшуда 10:18 29.10.2020)
Тибқи нақшаи саноатикунонии барвақтӣ дар Тоҷикистон, сарфи назар аз пандемия, зиёда аз бист корхонаи саноати сабук бо ҷойҳои нави корӣ бомуваффақият ба кор шурӯъ карданд

ДУШАНБЕ, 29 окт - Sputnik. Давоми соли ҷорӣ дар Тоҷикистон 26 корхона ва коргоҳҳои нави соҳаи саноати сабук ба кор шурӯъ карданд, хабар медиҳад Вазорати саноат ва технологияҳои нави кишвар.

Ба иттилои манбаъ, дар нӯҳ моҳи соли 2020, ба туфайли ифтитоҳи ин адад корхонаҳо, зиёда аз 490 нафар бо кор таъмин карда шуданд.

Манбаъ мегӯяд, қариб ҳамаи онҳо ба коркарди пахта, дӯхтани либосҳои гуногун, ҷӯробҳо, халтаҳои полипропиленӣ ва кӯрпаҳои пахта ихтисос додашудаанд.

Ҳамзамон корхонаҳои истеҳсоли пойафзол ва мебел низ мавҷуданд.

Тибқи маълумоти вазорат, соли ҷорӣ дар мамлакат корхонаҳои саноатии “Ваҳдат Текстайл” бо иқтидори солонаи истеҳсоли 19,2 миллион ҷуфт ҷӯробҳои гуногун, ҶДММ “Тоҷтекс” бо иқтидори 20 ҳазор дона маҳсулоти дӯзандагӣ дар як шабонарӯз дар шаҳри Душанбе ба кор оғоз карданд.

Дар Данғара марҳилаи дуюми ҶДММ "Фарм Текс" барои истеҳсоли докаи тиббӣ ба истифода дода шуд. Дар Хуҷанд дар заминаи "Сано" ва "Нассоҷи Хуҷанд" коргоҳҳои дӯзандагӣ боз шуданд.

Чунин корхонаҳои саноати сабук дар шаҳри Хоруғ, Ҳисор, ноҳияи Шаҳринавский низ пайдо шуданд.

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

Хабар дода мешавад, ки дар 9 моҳи соли равон барои васеъ кардани иқтидори истеҳсолӣ ва баланд бардоштани сифати маҳсулот дар корхонаҳои саноати сабук ба маблағи 85 миллион сомонӣ (8,2 миллион доллар) барои қолинбофӣ, гулдӯзӣ ва дӯзандагӣ таҷҳизот насб карда шудааст.

4
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

33
(Таҷдидшуда 00:51 29.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 26 октябр эълон кардааст

ДУШАНБЕ, 29 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1308 сомонӣ  ва дар бозори нақд бошад то 0.1370 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3398 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1286 то 12.5000  сомонӣ арзёбӣ кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1385 то 0,1410 сомонӣ муқаррар кардааст.

Дар “Спитаменбонк” бошад арзиши 1 рубл аз 0.134 то 0.141 ва дар “Алифбонк” бошад 1 рубл аз 0,133 то 0,141 сомонӣ нишон дода шудааст.

Интизори беқурбшавӣ: дар тирамоҳ бо доллар чӣ рӯй хоҳад дод

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

 

 

33
Барчаспҳо:
қурби асъор, Бонки Миллӣ, Тоҷикистон