Врачи в операционной, архивное фото

Аз норасоии табибон то афзоиши сирояти ВНМО: нигаронии прокурорҳо дар Суғд

257
Мақомоти прокуратураи вилояти Суғд дар як ҷаласа масоили иҷрои қонунгузориҳо дар самти ҳифзи саломатии аҳолиро муҳокима намуда, дар бораи норасоии духтурони соҳа, фурӯши маводи дорувории пастсифат, парвандаи табибон ва афзоиши бемории ВНМО иттилоъ дод

ДУШАНБЕ, 3 май – Sputnik. Прокуратураи вилояти Суғд, дар ҷаласаи рӯзи 2 -юми май, ки иҷрои қонунгузориҳо дар ҷодаи ҳифзи саломатии аҳолиро ба баррасӣ мегузошт, дар бораи норасии табибони соҳа, фурӯши маводи дорувори пастсифат, сироятшавӣ ба ВНМО ва аз парвандаи ҷиноии духтурон хабар дод.

Дар ҷаласа зикр гардид, ки дар вилоят феълан 1 ҳазору 61 муассисаҳои соҳаи тандурустӣ мавҷуд буда, дар онҳо 5 ҳазору  143 нафар табибон ва беш аз 17 ҳазор кормандони миёнаи тиб фаъолият мебаранд. Аммо дар баъзе шаҳру ноҳияҳои Суғд табибон намерасанд, гуфтаанд дар прокуратураи Суғд.

"Дар шаҳру ноҳияҳои вилоят 938 нафар муттахассисони соҳаи тиб намерасанд. Ин дар ҳолест, ки ҳамасола Донишгоҳи тиббии Тоҷикистонро зиёда аз 1000 нафар ва коллеҷу муассисаҳои тиббиро зиёда аз 11 ҳазор нафар хатм мекунанд. Хуб мебуд, ки масъулин, ҷиҳати таъмини соҳаи тандурустӣ бо муттахассисони соҳа талош меварзиданд. Ин иқдом барои сарсон нашудани сокинон дар  шаҳру ноҳияҳо мусоидат карда, ба фоидаи кор мебуд", - таъкид намуд, Ҳабибулло Воҳидов, прокурори Суғд.

Зикр гардид, ки дар ин давра аз ҷониби мақомоти ҳифзи ҳуқуқи вилоят 79 парвандаи ҷиноӣ дар соҳаи тандурустӣ оғоз карда шудааст, ки 35 адади он марбут ба кормандони соҳаи тиб будааст.  Бино ба гуфти Ҳабибулло Воҳидов, оғоз шудани парвандаҳо нисбати табибон бар асоси шикояти сокинон сурат гирифтааст. 

“Мазмуну моҳияти шикоятҳо нисбати табибон аз он иборат аст, ки нодуруст муолиҷа намудан, ё ба бемор муносибати беэҳтиромона намудан, маблағ талаб кардан будааст. Ҳамаи ин аз ҳаракатҳои нодуруст ва аз вайронкунии қонунгузории соҳаи тандурустӣ шаҳодат медиҳад”, - афзуд прокурори Суғд.

Амир Зайниддинзода, сардори шӯъбаи умумии прокуратураи Суғд дар кори ҷасала гуфт, ки дар паи санҷиш дар муассисаҳои тиббӣ ва фармасефтӣ муомилоти маводи дорувории пастсифат ва муҳлати истифодаашон гузашта ошкор карда шудааст. Ӯ гуфт, ки 171 ҳазору 526 маводҳои доруворӣ ва 264 ҳазору 725 маводҳои ороишиву гигении мӯҳлати истифодаашон гузашта, ки 15 тоннаву 581 килограманд ба маблағи маблағи 4, 4 милион сомонӣ аз муомилот боз дошта ва нобуд карда шудааст.

Дар ҷаласаи прокуратураи вилояти Суғд ҳамчунин аз афзоиши сироятёбӣ ба бемории ВНМО ва ё СПИД маълумот ироа карда шуд. Бино ба иттилоъи масъулин давоми соли 2018 ва чор моҳи соли ҷорӣ аз ҷониби мақомоти ҳифзи ҳуқуқи вилоят 138 лаҳзаи аз тарафи шахси бемор дидаву дониста сироат кардани нафари дигар ошкор гардида, нисбати 33 нафар сирёткунандаи бемории ВНМО парвандаи ҷиноӣ оғоз карда шудааст.

257
Задержание, архивное фото

Боздошти марди 33-сола барои дуздии 22 ҳазор доллар аз хонаи ҳамдеҳааш

159
(Таҷдидшуда 12:25 26.05.2020)
Кормандони милитсияи Тоҷикистон марди 33-солаи сокини ҷамоати деҳоти Чортеппаи ноҳияи мазкурро дастгир карданд, ки дар дуздии 22 ҳазор долларро муттаҳам мешавад

ДУШАНБЕ, 26 май – Sputnik.  Бино бар иттилои вазорати умури дохилаи Тоҷикистон, ахиран ба ШВКД-1 дар ноҳияи Рӯдакӣ марди 59-солаи сокини ҷамоати деҳоти Чортеппаи ноҳияи мазкур шикоят овардааст.

Дар шикояти ин мард гуфта шудааст, ки санаи 25-уми майи соли равон, шахси номаълум бо роҳи пинҳонӣ ба хонаи истиқоматиаш даромада, аз дохили ҷевон 22 ҳазор доллари амрикоӣ ва 26 ҳазор сомониро дуздида, аз ҷойи ҳодиса ғайб задааст. 

ВУД таъкид доштааст, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 33-солаи сокини ҷамоати деҳоти Чортеппаи ҳамин ноҳия ҳамчун гумонбар дар содир намудани кирдори дуздӣ дастгир карда шуд.

Дар ҳоли ҳозир, гумонбаршаванда дар боздоштгоҳ қарор дошта, нисбати ин ҳодиса тафтишот аз ҷониби кормандони милитсия идома дорад.

159
Барчаспҳо:
боздошт, дуздӣ, дастгир, милитсия, Тоҷикистон
Самолет авиакомпании Уральские авиалинии, архивное фото

Парвози махсуси ҳавопаймои ширкати русӣ: 162 муҳоҷир ба Ватан баргашт

225
(Таҷдидшуда 12:05 26.05.2020)
Вазорати умури хориҷаи Тоҷикистон хабар дод, ки субҳи имрӯз бо парвози махсуси ҳавопаймои ширкати “Уральские авиалинии” 162 муҳоҷири тоҷик аз Русия ба кишвар баргардонида шуд

ДУШАНБЕ, 26 май – Sputnik. Бино бар иттилои дафтари матбуоти вазорати умури хориҷаи Тоҷикистон, субҳи 26 май дар ҳамкорӣ бо ҷониби Русия 162 нафар шаҳрванди Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, бо парвози махсуси ҳавопаймои ширкати “Уральские авиалинии” аз Екатеринбург ба Душанбе баргардонида шуданд.

 Манбаъ қайд кардааст, ки бо ин ҳавопаймо инчунин ду ҷасади муҳоҷири тоҷик барои хоксупорӣ баТоҷикистон интиқол дода шудааст.

Ёдрас мешавем, ки чанде пеш сафорати Тоҷикистон дар Русия хабар дод, ки аз ин кишвар дар марҳилаи аввал шаҳрвандони Тоҷикистон, ки дар марказҳои нигоҳдории муваққатии шаҳрвандони хориҷии (МНМШХ) Русия тайи се моҳи охир қарор доранд, ба Ватан баргардонида мешаванд.

Дар ин росто, тайи рӯзҳои охир ва давоми ҳафтаи ҷорӣ дар мувофиқа бо мақомоти Русия ҳамаи шаҳрвандони Тоҷикистон, ки дар марказҳои нигоҳдории муваққатӣ мондаанд, ба Ватан баргардонида мешаванд.

225
Барчаспҳо:
Русия, муҳоҷир, ҳавопаймо, парвоз, вазорати умури хориҷа, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Тахмина Бахронова

Баҳронова: ба сабаби вируси корона дар шаҳри Душанбе дархост ба такси 60 дарсад коҳиш ёфт

0
(Таҷдидшуда 14:17 26.05.2020)
Таҳмина Баҳронова, роҳбари ширкати Atlas Taxi гуфт, чӣ тавр вируси корона ба кори таксиҳои шаҳри Душанбе хисорот ворид кардааст

Ба гуфтаи Баҳронова пас аз 20 март ба далели баста шудани роҳҳо, шумори дархостҳо ба такси коҳиш ёфтааст. Ниёз ба такси пас аз эълони Ситоди ҷумҳуриявӣ дар бораи вуҷуди коронавирус дар Тоҷикистон якбора ба маротиб коҳиш ёфт.   

“Аксари ширкатҳо комилан ба фаъолияти фосилавӣ гузаштанд. Кори макотибу донишгоҳҳо дар шаҳри Душанбе низ қатъ шуд. Ин ҳама ба кори таксиҳо таъсир гузошт. Дархостҳо тақрибан 60 дарсад коҳиш ёфт. Ин раванд миёни тамоми ширкатҳои пойтахт мушоҳида мешавад. Ронандаҳое, ки аз бонкҳо қарздор буданд, зарари ҷиддӣ диданд. Аксари онҳо мошинҳои харидаи худро ба фурӯш гузоштанд, то аз ин вазъи мушкил роҳи наҷот пайдо кунанд”, - гуфт роҳбари ширкати Atlas Taxi Таҳмина Баҳронова ба Sputnik Тоҷикистон.

 

Бахронова: из-за коронавируса заказы такси упали на 60% по всему Душанбе

Вай таъкид дошт, ки дар шароити пандемия таксиҳо ба расонидани маводи ғизоӣ даст заданд, ки қаблан ин хизматрасонии иловагӣ ба шумор мерафт ва пардохти ҳаққи хизмати он алоҳида ҳисоб мешуд.

“Ҳоло ба ҳама чизе лозим аст ва сокинон ба якдигар ҳар лавозимоте мефиристанд. Аз доруворӣ то либоса интиқол медиҳем. Ҳоло мо танҳо пули хатсайро ҳисобу китоб мекунем”, -  илова кард Баҳронова.

Роҳбари Atlas Taxi зикр кард, ки ширкат ронандаҳои худро бо ниқоб ва маводҳои антисептикӣ пурра таъмин менамояд. Ҳамчунин ширкат таксиҳои худро ҳамарӯза дезинфексия ё безарар мекунад.    

Баҳронова қайд кардааст, ки пандемия дар Тоҷикистон чанд моҳи дигар тӯл мекашад ва ба ҳамин хотир ширкат бо маркетологҳо барои ҷори намудани хизматрасониҳои нав гуфтушунид дорад.

0
Барчаспҳо:
дархост, такси, роҳбар, ширкат, хисорот, Душанбе, вирус