Награды ветерана ВОВ, архивное фото

"Крыша мира" мегуфтем баъд мешинохтанд: нақли куҳансарбоз аз Дарвоз-видео

876
(Таҷдидшуда 11:58 10.05.2019)
Солеҳов Додихудо куҳансарбози ҶВБ мегӯяд, дар солҳои ҷанг Тоҷикистонро касе намешинохт, вале бо раҳбарии Эмомалӣ Раҳмон кишвар машҳур шуд

ДУШАНБЕ, 10 май — Sputnik. Намояндагони мақомоти ВМКБ ба дидорбинӣ ва аёдати собиқадори Ҷанги Бузурги Ватанӣ Солеҳов Додихудо, ки дар ноҳияи Дарвоз ба сар мебарад, рафтанд. Дар ин бора сухангӯи раиси ВМКБ Ғолиб Ниятбеков хабар медиҳад.

Бобои Додихудо дар суҳбаташ аз фаъолияти раҳбарияти кунунии кишвар ситоиш карда, мегӯяд даврони пеш Тоҷикистонро, чуноне имрӯз машҳури ҷаҳон аст, касе намешинохт.

"Мо аз президенти муҳтарам, беҳад миннатдорем. Тоҷикистонро ягон давлати дунё намешинохт. Дар давраи Ҷанги Бузурги Ватанӣ мегуфтанд аз коӣ, мегуфтем Таджикистан, мегуфтанд, не знаем, боз мегуфтам аз Ғарм, мегуфтанд не знаем, оқибат омада мегуфтем аз вилояти Бадахшон, ааа "Крыша мира", знаем. Имрӯз таҳти роҳбарии президент, Тоҷикистони мо гул гул шукуфта, нашъунамо кардааст. Чунон ободӣ",-гуфт Солеҳов Додихудо ва барои дарозумрии президент дуо кард.

Ӯ дар идомаи суҳбат ба ҳар як тоҷикдухтару тоҷикписар умри дароз " аз сад ҳам бигзаранду дусад ҳаму умри дароз бинад",-гуён орзуҳои нек кард.

Ба собиқадори ҶБВ Солеҳов Додихудо аз номи раиси ВМКБ Ёдгор Файзов кумакпӯлӣ тақдим шуд.

Эмомалӣ Раҳмон ба Аҳрулло Саидов 5000 сомонӣ фиристод

Ёдрас мешавем, ки солҳои Ҷанги Бузурги Ватанӣ (1941-1945) аз аҳолии он замон 1,5 млн. нафараи Тоҷикистон 270 ҳазор нафар ба ҷанг рафта, беш аз 100 ҳазор нафар дигар ба ватан барнагаштанд. Аз ин шумор 55 ҳазор нафар бо ордену медалҳо ва 54 нафар тоҷикистониёни иштирокчии ҷанг, аз ҷумла баъди марг ба унвони олӣ - Қаҳрамони Иттиҳоди Шӯравӣ сарфароз гардиданд.

Дар ҳоли ҳозир дар Тоҷикистон ҳамагӣ 244 нафар собиқадорони Ҷанги Бузурги Ватанӣ боқӣ мондааст.

876
Новая эстакада в 82-м микрорайоне в Душанбе

Эстакадаи нав дар Душанбе ифтитоҳ ёфт: Раҳмон ва Рустам бо ҳам лентаашро буриданд

209
(Таҷдидшуда 10:36 10.07.2020)
Эстакада дар доираи лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” бунёд гардидааст

ДУШАНБЕ, 10 июл – Sputnik. Субҳи имрӯз Эмомалӣ Раҳмон, раисҷумҳури Тоҷикистон  ҳамроҳ бо раиси шаҳри Душанбе Рустами Эмомалӣ дар ноҳияи Синои пойтахт эстакадаи навро ифтитоҳ карданд.

Бино бар иттилои дафтари матбуоти раисҷумҳури Тоҷикистон, дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

Манбаъ иттилоъ додааст, ки дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

Дар доираи корҳои сохтмонӣ ҳамчунин навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус, сабзазоркунии гулгашту роҳравҳо ва як қатор тадбирҳои дигар амалӣ карда шудаанд.

Ба Эмомалӣ Раҳмон, раисҷумҳури кишвар зимни ифтитоҳи иншоот иттилоъ дода шуд, ки барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид.

Гуфта шудааст, ки лоиҳаи мазкур аз ҷониби Ҳукумати Тоҷикистон, Бонки аврупоии таҷдид ва рушд ва Бонки осиёии сармоягузории инфрасохторӣ татбиқ шуд.

“Фармоишгари лоиҳа Вазорати нақлиёт, Маркази татбиқи лоиҳаҳои таҷдиди роҳҳо ва пудратчии он Ширкати “Ксинҷянг Коммуникейшн Констракшн Групп”-и Чин мебошад. Назорати сифати корҳоро дар ин лоиҳа Ширкати машваратии “Эптиса”-и Испания бар уҳда дошт”, - таъкид доштаааст манбаъ.

Тибқи лоиҳа, чорроҳаи хиёбони Сино, ки дар ин ҷо қаблан муҷассамаи Абуалӣ ибни Сино гузошта шуда буд, пурра навсозӣ гардид.

Эмомалӣ Раҳмон, зимни ифтитоҳи иншоот бо таъкид гуфт ин роҳҳо бояд солҳои дароз ба мардум хизмат расонанд.

Бояд қайд кард, ки дар доираи амалишавии лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” дар маҳаллаи 82-юми пойтахт низ чунин як эстакада қаблан аз тарафи Эмомалӣ Раҳмон, президенти кишвар ва раиси шаҳри Душанбе Рустами Эмомалӣ ба истифода дода шуда буд.

Сохтмони ин эстакада 22 июли соли 2016 оғоз гардида буд.

Иншоот дар муддати ду сол бо сатҳу сифати баланд дар рӯзҳои таҷлил аз 27-умин солгарди Истиқлолияти давлатии Тоҷикистон ифтитоҳ шуда буд.

Ин чорроҳа низ аз 3 сатҳ, роҳи давродаврӣ иборат мебошад. Дар сатҳи сеюм аз самти шарқ ба ғарб кӯпрук бо дарозии 123 метр ва паҳноии 25 метр мегузарад.

Дар лоиҳаи сохтмони эстакада 5 роҳи зеризаминӣ низ бо дарозии умумии 236 метр барои роҳгузарон бунёд шудааст.

209
Барчаспҳо:
Рустам Эмомалӣ, Эмомалӣ Раҳмон, ифтитоҳ, эстакада, Тоҷикистон
День 10 июля

Ҷашнҳои рӯзи 10 июл дар Тоҷикистон ва ҷаҳон

51
(Таҷдидшуда 03:32 10.07.2020)
Рӯзи даҳуми июл дар Русия аз Рӯзи қувваҳои ҳарбӣ таҷлил мешавад. Ҳамчунин дар ин рӯз дар Муғулистон Рӯзи парчами давлатӣ ҷашн гирифта мешавад

Рӯзи 10 июл дар ҷаҳон чӣ рух дод

Соли 1847 аввалин маротиба 35 муҳоҷири кории Чин ба Амрико рафтанд.

День 9 июля
© Sputnik / Стас Этвеш / Вишнякова Мария

Соли 1925 Агентии Телеграфии Иттиҳоди Шӯравӣ (ТАСС) таъсис дода шуд.

Соли 1962 ширкати америкоии "American Telephone and Telegraph" ба воситаи алоқаи моҳвораи «"elstar" миёни ИМА, Англия ва Фаронса аввалин санҷиши алоқаи телефониро ба роҳ монд.

Соли 2007 аввалин маротиба давоми навад сол дар пойтахти Аргентина боридани барф ба қайд гирифта шуд.

Соли 1878 дар Англия аввалин маротиба довари бозии футбол ҳуштак истифода бурд. То он вақт доварони футбол бо овози баланд фарёд мекарданд.

Ҷашнҳои рӯзи 8 июл дар Тоҷикистон ва ҷаҳон

Соли 1913 дар иёлати Калифорнияи ИМА ҳарорати баландтарини ҳаво – 57 дараҷа гармӣ ба қайд гирифта шуд.

Рӯзи 10 июл дар Тоҷикистон чӣ рух дод

Соли 2008 дар мулоқоти Президенти Ҷумҳурии Тоҷикистон Эмомалӣ Раҳмон бо Вазири корҳои дохилии вақти Ҷумҳурии Исломии Афғонистон Зарораҳмад Муқбил масоили ҳамкории байни сохторҳои қудратӣ ва мақомоти ҳифзи ҳуқуқу тартиботи Тоҷикистону Афғонистон баррасӣ гардиданд.

День 7 июля
© Sputnik / Стас Этвеш / Вишнякова Мария

Сли 2010 дар ноҳияи Бобоҷон Ғафурови вилояти Суғд бо иштироки Эмомалӣ Раҳмон корхонаи муштараки истеҳсолии Тоҷикистону Юнон "Олимпия" ба кор дароварда шуд.

Ҷашнҳои рӯзи 6 июл дар Тоҷикистон ва ҷаҳон

Соли 2012 раисҷумҳури Тоҷикистон Эмомалӣ Раҳмон бо сафари корӣ ба шаҳри Роғун ташриф оварда, бо ҷараёни корҳои барқарорсозӣ дар Неругоҳи барқи обии "Роғун" шинос шуда, бо фаъолони шаҳр мулоқот анҷом доданд.

Соли 2012 ширкати хавопаймоии  "Тоҷик Эйр" аввалин парвози худро ба самти Душанбе-Боку-Душанбе анҷом дод.

 

Самолет авиакомпании Таджик Эйр, архивное фото
© Пресс-служба авиакомпании "Tajik Air"
Самолет авиакомпании "Таджик Эйр", архивное фото

 

Соли 2014 ҷавони тоҷик Шаҳром Сулаймонов  беҳтарин футболбози Русия интихоб гардид.

Соли 2017 дар чемпионати XXII Осиё оид ба варзиши сабук, ки дар шаҳри Бҳубанешвари Ҳиндустон баргузор гардид, варзишгари маъруфи тоҷик, чемпиони Бозиҳои олимпии Рио-де-Жанейро-2016 Дилшод Назаров дар намуди гурзандозӣ маротибаи чаҳорум чемпиони Осиё шуд.

 

Дилшод Назаров на летних Азиатских играх 2018 в Джакарте
© AP / Lee Jin-man
Дилшод Назаров на летних Азиатских играх 2018 в Джакарте

Соли 2017 Телевизиони Ӯзбекистон филми мустанади "Ӯзбекистон-Тоҷикистон: дӯстие, ки аз санҷиши замон гузаштааст"-ро, ки онро шабакаи телевизиони "O‘zbekiston" таҳия кардааст, намоиш дод.

 

Ҷашнҳои рӯзи 10 июл

Дар Мавритания — Рӯзи армия.

Дар Муғулистон – Рӯзи Парчами давлатӣ.

Дар Русия – Рӯзи қувваҳои ҳарбӣ.

Рӯзи 10 июл дар Тоҷикистон кӣ ба дунё омадааст

Солҳои (1913-1982) – ходими давлатӣ Ҷаббор Расулов.

Солҳои (1914-1995) – академик Муҳаммадқул Нарзиқулов.

Солҳои (1926-2000)  – Ҳофизи миллии Тоҷикистон Иброҳим Кобулиев.

Соли 1959 – адабиётшинос Аъзами Яздонӣ.

51
Барчаспҳо:
ҷашн, ҷаҳон, Тоҷикистон