Гурезаҳои Сурия ва Ироқ. Акс аз бойгонӣ

Намояндаи ВУХ Ироқ: "барои баргардонидани занони тоҷик аз зиндонҳои Ироқ талош менамоем"

65
(Таҷдидшуда 14:18 17.05.2019)
Ал Юсуфӣ Ҳазим Аҳмад имрӯз зимни баргузории Конфронси сатҳи баланд зикр намудааст, ки дар кори  аз Ироқ ба Тоҷикистон овардани кӯдакон нақши Вазорати корҳои хориҷии Ироқ ва Вазорати корҳои хориҷии Тоҷикистон хеле бузург аст

ДУШАНБЕ, 17 май — Sputnik. "Мо барои баргардонидани занони тоҷик, ки имрӯз дар зиндонҳои Ироқанд, талош менамоем", суханҳои намояндаи Вазорати корҳои хориҷии Ҷумҳурии Ироқ Ал Юсуфӣ Ҳазим Аҳмадро интишор кардааст агентии "Ховар".

Манбаъ афзудааст, ки Ал Юсуфӣ Ҳазим Аҳмад имрӯз зимни баргузории Конфронси сатҳи баланд таҳти унвони "Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил" зикр намудааст, ки дар кори  аз Ироқ ба Тоҷикистон овардани кӯдакон нақши Вазорати корҳои хориҷии Ироқ ва Вазорати корҳои хориҷии Тоҷикистон хеле бузург аст.

"Бояд гуфт, ки баъд аз анҷоми ҷанг дар шаҳри Мосул ин кӯдакон дар зери муҳосираи Қувваҳои мусаллаҳи Ҷумҳурии Ироқ монданд. Дар ин ҷанг бисёре аз кишварҳои ҷаҳон иштирок доштанд, аз ҷумла, шаҳрвандони Тоҷикистон, бахусус кӯдакону модарон. Ҳоло баъд аз интиқоли кӯдакони тоҷик аз Ироқ ба Тоҷикистон 43 нафар занони тоҷик низ дар маҳбасхонаҳои Ироқ қарор доранд, ки барои баргардондани онҳо ҳамкорӣ ва муносибатҳои дипломатӣ байни Ҷумҳурии Тоҷикистон бо Ҷумҳурии Ироқ идома дорад".

Ба гуфтаи Ал Юсуфӣ Ҳазим Аҳмад, одамони зиёде дар ин ҷанги ба ном Давлати Исломӣ дар Ироқ иштирок намуданд, ки бисёр кишварҳо шаҳрвандони худ, бахусус кӯдакону модарони худро ба давлати худ баргардониданд.  Мо низ барои баргардонидани занони тоҷик, ки имрӯз  дар зиндонҳои Ироқанд, талош менамоем.

"Ман фикр мекунам, ки баргузории чунин як конфронси сатҳи баланд  дар шаҳри Душанбе  ҷиҳати баррасии масоили терроризму ифротгароӣ ва пешгирии даҳшатафкании аср  барои решакан намудани терроризму ифротгароӣ  дар минтақаи Шарқи наздик ва  Осиёи Марказӣ нақши бузург хоҳад гузошт",- гуфт Ал Юсуфӣ Ҳазим Аҳмад.

Ҳамчунин ӯ зикр намуд, ки онҳо дар оянда талош менамоянд, ки чунин ҳодисаҳо бори дигар дар ин минтақаи мо такрор наёбанд ва занону модарони тоҷик,  ки имрӯз дар  зиндонҳои Ироқ қарор доранд, бо сари баланд ба Ватани худ  баргарданд.

Бояд зикр намуд, ки имрӯз   дар Бӯстонсарои шаҳрии Ҳукумати Тоҷикистон Конфронси сатҳи баланд таҳти унвони “Ҳамкории байналмилалӣ ва минтақавӣ дар мубориза бо терроризм ва манбаъҳои маблағгузории он, аз ҷумла гардиши ғайриқонунии маводи мухаддир ва ҷиноятҳои муташаккил” баргузор гардида истодааст. Дар кори он  Президенти Тоҷикистон Эмомалӣ Раҳмон иштирок ва суханронӣ карданд.

Ёдовар мешавем, ки дар кори конфронс муовини Дабири кулли СММ, Котиби генералии СҲШ, намояндагони САҲА, СААД, вазирони корҳои хориҷии Узбакистон, Афғонистон, Қазоқистон, Қирғизистон, Япония, муовини Котиби генералии Иттиҳоди Аврупо ва  коршиносони даҳҳо кишварҳои хориҷӣ иштирок доранд.

65
Барчаспҳо:
гуреза, зиндон, занон, ҳамкорӣ, Ироқ, Тоҷикистон

Омори нави гирифторӣ, шифо ва фавт аз COVID-19 дар Тоҷикистон

276
(Таҷдидшуда 21:34 19.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта дар кишвар 44 ҳолати нави гирифторӣ ба COVID-19 сабт шудааст. Рӯзи гузашта ин нишондод 45 нафарро ташкил дода буд

ДУШАНБЕ, 19 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмуъ дар кишвар 9 ҳазору 303 ҳолати гирифторшавӣ ба коронавирус ба қайд гирифта шудааст.

Манбаъ афзуд, ки аз шумораи умумии гирифторшудагон то имрӯз 8 ҳазору 66 нафар шифо ёфтаанд. Теъдоди фавт аз коронавирус тайи рӯзҳои охир бетағйир монда, ҳамоно 73 ҳолатро ташкил медиҳад.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

276
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

302
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

302
Барчаспҳо:
ҷарима, ҳабс, ҳамсоя, латукӯб, Душанбе
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон