Манзара аз тиреза, акс аз бойгонӣ

Пиронсолон дар баландошёнаҳои белифти Душанбе дармондаанд

154
(Таҷдидшуда 18:06 20.05.2019)
Сокинони бархе аз биноҳои баландошёна, ки лифташон кор намекунад, изҳор медоранд, ки пиронсолҳо дар табақаҳои боло дармондаанд ва наметавонанд ба сайругашт бароянд

ДУШАНБЕ, 20 май - Sputnik. Гуруҳе аз сокинони кӯчаи Неъмат Қарабоев, гузаргоҳи 3, бинои 7  мегӯянд, даҳ сол боз дар ин бинои даҳошёна иқомат доранд, аммо ба шумор аз лифт истифода кардаанду халос.  Ба гуфтаи онҳо, бархе пирону барҷомондагони ошёнаҳои болои ин бино бо сабаби хароб будани лифт солҳо аз хона берун намешаванд.

Дилбар Шаҳидӣ, ки дар ошёни 10-уми бинои мазкур зиндагӣ мекунад, тариқи радиои “Тоҷикистон” изҳор дошт, ки ба далели кор накардани лифт наметавонад, модарашро ба берун барад.  Ӯ гуфт, лифт дар бинояшон аз тарафи ҶДММ “Мовароуннаҳр” васл гардида буд ва баъди муроҷиати сокинон масъулини шаҳрдорӣ санҷиш гузаронда, муайян намудаанд, ки  лифт бо камбудиҳои зиёд васл шудааст.

Ӯ афзуд, комиссия муайян намуд, ки барои таъмири лифт 4 ҳазор сомонӣ лозим аст ва истиқоматкунандагони бино низ ин маблағро ҷаъмоварӣ намуданд.

Корхонаи воҳиди давлатии “Лифттаъмир”-и ноҳияи Фирдавсӣ як корманди кирояро барои таъмир фиристодаааст, ки ин шахс лифти ин биноро қаблан ҳам тариқи кироя борҳо таъмир кардааст, вале лифт муддати кутоҳе фаъол будаасту сипас аз кор мондааст. Сокини дигари ин бино гила кард, ки падари беморашро аз деҳа барои табобат овардааст, аммо фаромадану баромадан ба ошёнаи 8-ум мушкилзо шудааст.

Ин дар ҳолест, ки мушкили лифт дар бисёре аз биноҳои баландошёнаи пойтахт ҷой дошта, сокинон аз шаҳрдорӣ дархост кардаанд, ки барои ҳалли ин мушкил чораандешӣ кунад.

154
Похороны в Таджикистане, архивное фото

Худкушӣ ё маризи COVID - 19 буд: даргузашти собиқ раиси филиали "Агроинвестбонк"

219
(Таҷдидшуда 18:28 11.08.2020)
Дар ноҳияи Шаҳринав собиқ раиси филиали "Агроинвестбонк" Зоирҷон Қурбонов дар синни 36 - солагӣ фавтидаст

ДУШАНБЕ, 11 авг – Sputnik. Даргузашти собиқ раиси филиали "Агроинвестбон" дар ноҳияи Шаҳринавро рӯзноманигори тоҷик Саидэҳсони Ҷалолиён дар сафҳаи худ дар Фейсбук нашр намудааст ва аз марҳум инсони хоксору заминӣ ёдовар шуд.

Зимнан, дар аксар расонаҳои кишвар хабари даргузашти Зоирҷон Қурбонов нашр шуд ва иллати марги ӯро худкушӣ навиштанд.

Андӯҳи маорифи Хуҷанд аз даргузашти мудири кӯдакистон аз беморӣ

Аммо манобеи Фараж бо такя ба гуфтаҳои наздикони Зоирҷон хабар дод, ки собиқ раиси филиали ин бонк дар ноҳияи Шаҳринав аз маризии коронавирус ба ҳалокат расидааст.

"Марҳум аз бемории илтиҳоби дутарафаи шуш азият мекашид ва тайи як ҳафтаи ахир дар бемористони ноҳияи Шаҳринав бистарӣ буд", - таъкид мешавад дар хабар.

Ба қавли наздикон, Зоирҷон Қурбонзода ду моҳ қабл ба бемории коронавирус гирифтор шуда будааст.

"Ин беморӣ баъдан ба шушҳояш таъсир гузошт", — афзудаанд пайвандони марҳум.

219
Барчаспҳо:
Агроинвестбонк, филиал, раис, собиқ, даргузашт, Тоҷикистон
Тонущий человек, архивное фото

Дар Лахш дучархарони 14 - сола ба рӯди Қизилсӯ сарозер шуд

30
Кумитаи ҳолатҳои фавқулодаи Тоҷикистон хабар медиҳанд, ки дучархарони 14 - сола дар Лахш ба дарёи Қизилсӯ сарозер шуд

ДУШАНБЕ, 11 авг – Sputnik. Ҳодисаи нохуш рӯзи 10 - уми август, тахминан соати 13:00 дақиқа рух додааст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, сокини 14-солаи деҳаи Қарасойи ҷамоати деҳоти Қашоти ноҳияи Лахш  бо дучарха дар поёнии деҳаи Қарасой ба дарёи Қизилсӯ сарозер шудааст.

Яке худкушӣ карду дигаре аз беэҳтиётӣ ғарқ шуд: фавти бону дар Язгулому ҷавон дар Рашт

Гуфта мешавад, аз сабабе, ки дар гирду атрофи ӯ касе қарор надошт, аз ин рӯ ӯ ғарқи об шуда ҷон бохт.

Зимнан, наҷотбахшон ҷасади ӯро аз мавзеъи "Мирзоқиштов" ҳудуди ҷамоати деҳоти Пилдони ноҳияи Лахш пайдо карданд ва ба волидонаш супурданд.

Кумитаи таъйид намудааст, ки ҷавон аз беэҳтиётӣ ғарқи дарё шуд.

30
Барчаспҳо:
ғарқ, дарё, дучархарон, Лахш