Заместитель премьер-министра Таджикистана Азим Иброхим, архивное фото

Муовини сарвазир ҷараёни иҷрои корҳоро дар Душанбе нокифоя баҳогузорӣ кард

309
(Таҷдидшуда 10:57 23.05.2019)
Азим Иброҳим, муовини сарвазири Тоҷикистон, зимни ҷаласаи навбатии Гурӯҳи корӣ доир ба пешвоз гирифтани ҷашни 30-солагии Истиқлолият дар шаҳри Душанбе аз муовинони раиси шаҳри Душанбе, сарпарастони ноҳияҳои шаҳр ва раисони ноҳияҳои он талаб намуд, ки суръати иҷрои корҳо ва сифати онҳоро баланд бардоранд

ДУШАНБЕ, 23 май — Sputnik.  Ахиран дар бинои Мақомоти иҷроияи ҳокимияти давлатии ноҳияи Исмоили Сомонии шаҳри Душанбе зери роҳбарии муовини Сарвазири мамлакат Азим Иброҳим ҷаласаи навбатии Гурӯҳи корӣ оид ба сазовор пешвоз гирифтани ҷашни 30-солагии Истиқлолияти давлатӣ дар шаҳри Душанбе баргузор гардид, иттилоъ додааст хабаргузории "Ховар" дар истинод ба дафтари матбуоти Ҳукумати кишвар.

Бино бар иттилои манбаъ, дар рафти ҷаласа ҳисоботи раисони ноҳияҳои шаҳри Душанбе, раиси кумитаи замини шаҳр ва сармеъмори шаҳри Душанбе доир ба корҳои анҷомдодашуда пешниҳод гашт.

Зимни ҷаласа зикр гардид, ки  то  1 майи соли равон аз 4095 адад чорабиниҳои ба нақшагирифташуда 504 адади онҳо иҷро гардиданд, ки ин 12,3%-и нақшаро ташкил медиҳад.

Корҳои бунёдкориву созандагӣ фарогири самтҳои ташкили инфрасохтори иҷтимоӣ, сохтмони мактаб, бунёди кӯдакистон, сохтмони биноҳои баландошёна, марказҳои ташхисию табобатӣ, хизматрасонӣ, сохтмони роҳҳои пиёдагарду автомобилгард, таъсиси корхонаҳои хурду миёна, таъмиру рангу бори биноҳо ва азнавсозии нуқтаҳои партовпартоӣ дар шаҳри Душанбе мебошанд.

Муовини Сарвазир зимни ҷаласа таъкид намудааст, ки ҳангоми муҳокимаи барномаҳои вобаста ба омодагӣ ба ҷашни 30-солагии Истиқлолияти давлатӣ раиси шаҳри Душанбе Рустами Эмомалӣ таъкид дошт, ки новобаста аз  тадбирҳои муайяни андешидашуда  иҷрои корҳо вусъати тозаро талаб  мекунанд.  

“Аз ин рӯ, муовини Сарвазир ҷараёни иҷрои корҳоро нокифоя баҳогузорӣ намуда, аз муовинони раиси шаҳри Душанбе, сарпарастони ноҳияҳои шаҳр ва раисони ноҳияҳои он талаб намуд, ки  суръати иҷрои корҳо  ва сифати  онҳоро баланд бардоранд. Аз ҷумла, сухан дар бораи ташкили корхонаҳои саноатӣ ва таъсиси ҷойҳои нави корӣ дар минтақаи саноатии “Зебунисо” меравад”, - қайд намудааст манбаъ.

Тибқи маълумоти муовини сарвазир аз 10 корхонаи бунёдшавандаи саноатӣ дар 8 тояш корҳо бо маром идома доранд,  як корхона  табдили самти истеҳсолот намудааст ва дар як корхонаи дигар  корҳо ҳанӯз оғоз нагардидаанд.

Манбаъ таъкид намудааст, ки муовини  сарвазир ба раисони ноҳияҳои шаҳри Душанбе супориш дод, ки бо соҳибкорон ҳамкориҳоро вусъат бахшанд ва ҷараёни иҷрои корҳои бунёдкории онҳоро мавриди дастгирии доимӣ қарор диҳанд.

“Дар ин раванд афзалияти нисбӣ бояд ба соҳибкороне дода шавад, ки тасмими онҳо ташкили корхонаҳои саноатӣ ва таъсиси ҷойҳои нави корӣ барои сокинони пойтахт мебошад”,- гуфт ӯ.

Тибқи маълумоти масъулини шаҳр, бисёр аз соҳибкорон бо ташаббусҳои нав барои саҳмгузорӣ дар корҳои бунёдкорӣ бахшида ба ҷашни 30-солагии Истиқлолият дар шаҳри Душанбе муроҷиат намуда истодаанд.

 Вобаста ба ин ба масъулини ноҳияҳои шаҳр супориш дода шуд, ки маҷмӯи лоиҳаҳои созандагиву бунёдкориро аз санҷиш гузаронанд. Дар баробари ин рӯйхати ташаббусҳои навро дар якҷоягӣ бо сохторҳои дахлдори шаҳр омода намуда, барои илова кардан ба нақшаи чорабиниҳо тибқи талаботи нақшаи генералии шаҳри Душанбе пешниҳод намоянд.

“Ташаббусҳои соҳибкорон бояд дастгирӣ ёбанд ва ҳеҷ яки онҳо набояд аз мадди назар дур монанд”,-қайд намудааст Азим Иброҳим муовини Сарвазир.

309
Барчаспҳо:
раиси шаҳри Душанбе, шаҳри Душанбе, Рустам Эмомалӣ, раиси шаҳр, истиқлолият, Азим Иброҳим, Душанбе, Тоҷикистон
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Муттаҳам дар таҷовузи духтари сесола: оғози мурофиаи парвандаи Зиеёв дар суди Душанбе: акс

1113
(Таҷдидшуда 00:00 04.07.2020)
Додгоҳи шаҳри Душанбе ба баррасии парвандаи марде оғоз кардааст, ки дар таҷовузи духтарчаи сесола муттаҳам мешавад

ДУШАНБЕ, 3 июл — Sputnik. Дафтари матбуотии додгоҳи пойтах бо нашри аксҳо аз оғози баррасии парвандаи таҷовузи духтари сесола хабар додааст.

Тибқи иттилои манбаъ, мурофиаи додгоҳӣ имрӯз, 3 июли дар толори судии суди шаҳри Душанбе бо парвандаи ҷиноятӣ бо айбдории Зиёев Юсуф Раҷабалиевич барои содир намудани таҷовуз ба номуси духтарчаи се сола оғоз шудааст.

Ба иттилои манбаъ Зиёев Юсуф  бо моддаҳои 138 қисми 3 банди “а”, 139 қисми 4 банди “а” ва 127 қисми 1 Кодекси ҷиноятии ҷумҳурии Тоҷикистон гунаҳгор дониста мешавад.

Дафтари матбуотии додгоҳи Душанбе ҷузъиёти пурраи парвандаро нашр накардааст.

Тибқи Кодекси ҷиноятии Тоҷикистон қисими сеюми моддаи 138 (таҷовуз ба номус нисбат ба духтари баръало ба синни чордаҳсолагӣ нарасида ё хеши наздик) – аз 12 то 25 соли зиндон ё ҳукми қатл ё ҳабси умрбод пешбинӣ шудааст.

  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
1 / 3
Пресс-служба столичного суда
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Ҳамчунин қисми чори моддаи 139-и Кодекси ҷиноии кишвар барои ҳаракати зўроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида аз 15 то 20 соли зиндонро дар бар мегирад.

Қисми якуми моддаи 127 бошад дидаю дониста дар хатар монондан ва нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз сабаби оҷизии худ имконияти андешидани чораҳои худмуҳофизатиро надорад, ҳангоме, ки шахси гунаҳгор метавонист ба ин шахс ёрӣ расонад ва вазифадор буд нисбати ў ғамхорӣ зоҳир намояд ё худаш ўро дар ҳолати барои ҳаёт ё саломатиаш хатарнок гузоштанро дар бар гирифта, ашхоси муттаҳам бо чунин моддаро ду сол зиндон таҳдид мекунад.

1113
Жители города Душанбе в защитных масках на улице

Бидуни фавт: 50 ҳолати ҷадид ва шифо ёфтани 72 нафар аз коронавирус дар Тоҷикистон

482
(Таҷдидшуда 19:01 03.07.2020)
Вазорати тандурустии Тоҷикистон омори ҷадиди сироятшавӣ ва шифоёфтагон аз маризии коронавирусро нашр намуд

ДУШАНБЕ, 3 июл — Sputnik. Шабонарӯзи гузашта дар Тоҷикистон 50 ҳолати нави сироятёбӣ ба вируси COVID-19 сабт гардидааст, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Ба иттилои манбаъ, шабонарӯзи гузашта ба мисли чанд ҳафтаи охир ягон мавриди фавти маризони коронавирус ба қайд гирифта нашудаст.

Зимнан, аз 30 апрел то 3 июл дар кишвар шумораи гирифторони COVID-19 ба 6108 нафар баробар шудааст, ки аз ин беморӣ то кунун дар мамлакат 4762 нафар шифо ёфтаанд.

Ҳолатҳои сироятёбӣ ба коронавирус дар Тоҷикистон якбора афзуд

Ҳамзамон, дар муддати зикргардида дар мамлакат аз ин беморӣ 52 нафар фавтидаанд.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 216 нафар гумонбарон зери назорати табибон қарор дошта, 72 нафар баъд аз муолиҷа ба хонаҳояшон рухсат дода шуданд.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

482
Барчаспҳо:
омор, сироят, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон