Президент Таджикистана Эмомали Рахмон

Хатар ба ҷомеа доранд: Раҳмон дархости авфи 99 зиндониро рад кард

2161
(Таҷдидшуда 13:32 23.05.2019)
Дархости ин маҳбусон пас аз баррасӣ дар иртибот бо хусусият ва дараҷаи хатари умумии ҷиноятҳои содиркардаи онҳо рад карда шуданд

ДУШАНБЕ, 23 мая — Sputnik. Раисҷумҳури Тоҷикистон Эмомалӣ Раҳмон аризаи дархости авфи 99 зиндониро, ки ба мӯҳлатҳои гуногун ҳабс шудаанд, рад кардааст. Дар ин бора расонаҳои Тоҷикистон, аз ҷумла ТоҷикТА дар истинод ба Вазорати адлияи Тоҷикистон хабар медиҳад.

Бино бар иттилои вазорат, дархости ин маҳбусон пас аз баррасӣ дар иртибот бо хусусият ва дараҷаи хатари ҷамъиятии ҷиноятҳои содиркардаи онҳо рад карда шуданд.

Дар баррасии дархост шахсияти маҳбусон, ҳаҷми хисороти расонаидаи онҳо, рафтори онҳо дар муассисаҳои ислоҳӣ ва пешниҳоди комисияи вижаи назди раисҷумҳури Тоҷикистон дар масоили авф ба назар гирифта шудааст.

Ёдрас мешавем, охирҳои моҳи июни соли 2017 раисҷумҳури Тоҷикистон Эмомалӣ Раҳмон тибқи як фармонаш кимосияи вижаи авфи назди раисҷумҳури Тоҷикистонро ташкил карда буд. Тариқи ин комисия, ҳар як маҳбус метавонад аз раисҷумҳур дар як сол як бор дархости авф кунад.

Ин дар ҳолест, ки шоми 19 май дар дар зиндони "Кирпичний"-и шаҳри Ваҳдат ошӯб сар зад. Дар пайи он 2 нафар, аз ҷумла 3 зиндонбон кушта шуданд. Мақомот бо нашри як иттилоия ҷузъиёт, саркардаҳо ва қурбониҳои ин ошӯбро ном бурданд.

Ин дуюмин ошӯб тайи ним сол ва нахустин ошӯби хунин дар аҳди роҳбари нави зиндонҳо, сардори Сарраёсати иҷрои ҷазои ҷиноятии Вазорати адлия Умаров Мансурҷон Ғаффорович мебошад.

Ошӯби қаблӣ дар зиндони рақами 3-и Хуҷанд  8 ноябри соли 2018 рух дод. Ду ҳафта  баъд аз ин ошӯб Эмомалӣ Раҳмон, раисиҷумҳури Тоҷикистон  Изатулло Шарифзодаро аз мақоми сардори Сарраёсати иҷрои ҷазои ҷиноятии Вазорати адлия ба нафақа фиристода, ба ҷои ӯ генерал Мансурҷон Умаров, собиқ ноиби раиси КДАМ Тоҷикистонро таъин кард.

Дар пайи ошӯби қаблӣ нақзи қонунгузорӣ дар муассисаҳои ислоҳӣ ошкор карда шуда, роҳбарияти кишвар барои таъмини тартиботу қонуният дар ин бахш дастур дода буд.

2161
Қурбон Ҳакимзода, раиси вилояти Хатлон, ҳангоми хонасозӣ барои зарардидагон дар ноҳияи Хуросон

Дар Чорбоғи Хуросон барои осебдидагон чӣ корҳо анҷом дода шудаанд - акс

75
(Таҷдидшуда 20:40 07.07.2020)
Мақомоти вилояти Хатлон дар бораи ҷараёни сохтмони манзил барои осебдидагон аз офати табиӣ дар ноҳияи Хуросон гузориш дода, аксҳоро нашр намуданд

ДУШАНБЕ, 7 июл — Sputnik. Котиботи ҳукумати Хатлон зикр кард, ки дар натиҷаи селбориши рӯзҳои 14-16 майи соли ҷорӣ дар ҷамоати деҳоти ба номи Садриддин Айнии ноҳияи Хуросон 67 манзили зист пурра ва қисман хароб шуда буд.

Манбаъ зикр кард, ки барои ҳамаи оилаҳои зарардида аз маҳалли бехавф 8-садякӣ қитъаи замин барои сохтмони манзилҳои нав ихтисос дода шуд. Ба ҳамаи хонаводаҳо дар баробари маводи фаровони ғизоӣ, инчунин масолеҳи сохтмонӣ кумак расонида шуд.

Котиботи ҳукумати Хатлон гузориш додааст, ки то имрӯз дар маҳаллаи Чорбоғ чӣ корҳо ба анҷом расиданд.

Таъкид шудааст, ки аз 67 хонаи бунёдшаванда дар 66 хона бардоштани девор ба охир расид. Дар 60 хона бардоштани бом ва болопӯш оғоз карда шуда, аз ин дар 18 хона бардоштани бом ва болопӯш ба ба итмом расид.

Дар 10 хона корҳои андовакунӣ оғоз шуда, аз ин дар 6 хона корҳои андовакунӣ ба охир расид. Дар 16 хона корҳои фаршу шифтсозӣ идома дошта, дар 2 хона ин корҳо ба анҷом расид.

Манбаъ афзуд, ки таъмини ҳамаи 67 хона бо дару тиреза аз ҷониби мақомоти давлатӣ пешбинӣ гардида, то имрӯз 24 хона бо дару тиреза таъмин ва ҳамаи он насб карда шудааст.

75
Барчаспҳо:
хона, Тоҷикистон
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

1690
(Таҷдидшуда 21:59 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкид намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

1690
Барчаспҳо:
маркази савдо, сӯхтор