Обновление дорог на территории поселка Яван

Роҳи Хуҷанд Палоси ноҳияи Бобоҷон Ғафуров мумфарш мешавад

286
Мумфаршкунии роҳи Хуҷанд – Палос ва кӯчаи ба номи Саид Валиеви шаҳри Хуҷанд оғоз ёфт

ДУШАНБЕ, 29 май — Sputnik. Раҷаббой Аҳмадзода, раиси вилояти Суғд ба корҳои сохтмонӣ ва мумфаршкунии роҳи Хуҷанд – Палоси ноҳияи Бобоҷон Ғафуров ҳусни оғоз бахшид, иттилоъ додааст дафтари матбуоти ҳукумати вилояти Суғд.

Бино ба иттилои манбаъ, масофаи умумии роҳи мумфаршшаванда 12,3 километр ва паҳноияш 7 метр буда, аз мавзеи “Ором” - и шаҳри Хуҷанд то Боғи миллии “Ваҳдат” - ро фаро хоҳад гирифт.

“Ба ин мақсад аз ҳисоби буҷети Мақомоти иҷроияи ҳокимияти давлатии вилоят беш аз 10 миллиону 500 ҳазор сомонӣ маблағ ҷудо гардидааст ва он аз ҷониби ширкати роҳсозии “Тоҷроҳ” амалӣ мегардад”, - таъкид намудааст манбаъ.

Ҳамзамон, кӯчаи мазкур, ки аз шаҳраки Палос ва маҳаллаи Обшорон мегузарад, то гардиши роҳи Ҷамоати деҳоти Исмоили ноҳияи Бобоҷон Ғафуров чароғон карда мешавад.

Дар ин рӯз ҳамзамон мумфаршкунии кӯчаи ба номи Саид Валиеви шаҳри Хуҷанд низ оғоз гардид. Паймонкори корҳои сохтмонӣ Идораи сохтмони асосии вилоят буда, роҳи мазкурро ширкати “Тоҷроҳ” мумфарш менамояд. Ба ин мақсад аз буҷети ҳукумати вилоят 3,6 миллион сомонӣ ҷудо шуда, масофаи умумии роҳ 2,8 километр ва паҳноии он 10 – 11 метрро дарбар мегирад.

Раҷаббой Аҳмадзода гуфт, ки ба ин муносибати 30-солагии Истиқлолият дар вилоят беш аз 6500 иншоти мухталифи иҷтимоиву иқтисодӣ бунёд мегарданд. То ин дам дар шаҳру ноҳияҳои вилоят беш аз 2400 иншоот бунёд ва мавриди баҳрабардорӣ қарор гирифтааст.

Манбаъ қайд намудааст, ки дар соли равон бо дастгирии Мақомоти вилоят дар ҳамаи шаҳру ноҳияҳои вилоят, дар маҷмӯъ ба масофаи беш аз 100 километр роҳҳои мошингард мумфарш хоҳад шуд. Ҳамчунин, бо маблағгузории мақомоти иҷроияи ҳокимияти давлатии шаҳру ноҳияҳо, соҳибкорон ва ашхоси саховатманд роҳи деҳаву ҷамоатҳо ва маҳаллаҳо низ мумфарш ва таъмиру тармим мегардад.

286
Барчаспҳо:
Раҷаббой Аҳммадзода, мумфаршкунии роҳ, мумфарш, Суғд, роҳ, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

34
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

34
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Дождь в Душанбе, архивное фото

Ҳушдори ҳавосанҷон аз якбора сард шудани ҳаво дар Тоҷикистон: шамолу тӯфон ва борони сахт

311
(Таҷдидшуда 17:49 26.09.2020)
Сар аз 28 то 30 - юми сентябр ҳаво дар Тоҷикистон ноустувор мешавад. Дар қисмати ҷанубии кишвар тӯфони пурчанг мешавад ва ҳамзамон шамоли сахт ва боронгарии зиёд хоҳад шуд

ДУШАНБЕ, 26 сен — Sputnik. Кумитаи ҳолатҳои фавқулодаи Тоҷикистон аз бад шудани ҳавои Тоҷикистон дар ҳафтаи оянда ҳушдор медиҳад.

Кумитаи мазкур бо такя ба маълумоти Агентии обуҳавошиносони кишвар хабар медиҳад, ки аз 28 то 30-уми сентябри соли равон коҳиши ногаҳонии дамои ҳаво пешбинӣ мешавад.

Дар минтақҳои ҷудогона боронҳои кутоҳмуддат ва дар баъзе ноҳияҳои тобеъи ҷумҳурӣ боришоти пуршиддат дар назар дошта шудааст. Дамои ҳаво рӯзона 6-8 дараҷа коҳиш меёбад, шамоли сахт (то 12-17 м/с) мевазад, дар қисмати ҷанубии кишвар тӯфони пурчанг пешбинӣ мешавад.

Обу ҳаво: эҳтимоли омадани сел дар Ишкошим, Шуғнон ва Ванҷ

Дар ҳамин иртибот Кумитаи ҳолатҳои фавқулода аз аҳолии кишвар хоҳиш мекунад дар чунин рӯзҳо дар роҳандозии корҳои саҳро эҳтиёткор бошанд.

КҲФ ба ронандаҳо ва алоқамандони кӯҳгардӣ, сайёҳони кӯҳгард ёдовар мешавад, ки ҳангоми ҳаракат дар роҳҳои кӯҳӣ ҷиддан қоидаҳои ҳаракат дар роҳҳоро риоя кунанд, ҳамчунин риояи масофа як шарти аслии ҳаракат дар роҳҳои кӯҳист, ки хавфу хатарҳоро кам мекунад.

311
Барчаспҳо:
тӯфон, шамоли сахт, борон, Тоҷикистон