Здание парламента Республики Таджикистан, архивное фото

Тасвиби қонуни шароити ҷангӣ дар Парлумони Тоҷикистон

177
Маҷлиси намояндагони Тоҷикистон қонуни шароити ҷангӣ дар ин кишварро, ки аз сӯи ҳукумат ироа шуда буд, тасвиб кард.

ДУШАНБЕ, 29 май — Sputnik. Ба гузориши дафтари матбуотии Маҷлиси намояндагони Тоҷикистон, тасвиби ин қонун ба мақомоти давлатӣ иҷоза медиҳад, ки дар шароити ҷанг амволу моликияти мардумро мавриди истифода қарор диҳанд ва дастрасӣ ба иттилоот ва ахборро маҳдуд кунанд.

Дар бандҳое аз ин қонун таъкид шудааст, ки дар шароити ҷанг, ки бо таҷовузи хориҷӣ ҳамроҳ мебошад, шаҳрвандони Тоҷикистон муваззаф мешаванд, ки барои дифоъ аз кишвари хеш басиҷ шаванд ва амволу дороиҳои худро дар ихтиёри нерӯҳои мусаллаҳ қарор диҳанд.

Ҳамчунин ишора мешавад, ки ҳукумат муваззаф ба ҷубронт хисоротт ворида ба амвол ва дороиҳои сокинонт ин кишвар пас аз поёнт ҷанг мебошад.

Нуктаи дигар дар ин қонун, ҳуқуқи мақомот барои қатъи иртибототи телефонӣ ва интернетӣ дар шароити ҷанг мебошад.

Дар шароити эъломи ҷангӣ, мақомоти давлатӣ фаъолияти тамоми расонаҳои хабариро таҳти назорат хоҳанд гирифт ва интишори матолиб низ танҳо бо муҷаввизи ин мақомот имконпазир хоҳад шуд.

Эмомалӣ Собирзода, муовини вазири дифои Тоҷикистон ҳангоми ироаи тарҳи қонуни шароити ҷангӣ ба Маҷлиси намояндагон гуфтааст, ки ҳадаф аз ин иқдом истифода аз амволи шаҳрвандон дар шароити изтирорӣ ба манзури дифоъ аз кишвар мебошад, ки бояд аз ҷанбаи ҳуқуқӣ бархурдор гардад.

Вай таъкид кардааст, ки дар сурати худдории шаҳрвандон аз вогузор кардани васоили нақлияи шахсӣ ва дигар имконоти мавриди ниёзи нерӯҳои мусаллаҳи Тоҷикистон алайҳи чунин афрод, муҷозоте низ дар назар аст.

Аммо аксари коршиносон муътақиданд, ки дар ҳоли ҳозир ҳеҷ навъ таҳдиди ҷиддӣ барои ҷанг дар Тоҷикистон вуҷуд надорад ва ин кишвар узви Созмони Паймони Амнияти Ҷамъӣ мебошад, ки муваззаф ба дифоъ аз кишварҳои узв дар баробари таҷовузи хориҷӣ ва ҳамалоти гурӯҳҳои террористӣ аст.

177
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

173
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

173
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

164
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

164
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон