Вакили парлумони Тоҷикистон Миралиён Қиёмиддин

Мақоми нави Миралиён Қиёмиддин вакили парлумон, дар сохтори ИДМ

274
(Таҷдидшуда 20:08 31.05.2019)
Вакили парлумони Тоҷикистон Миралиён Қиёмиддин Абдусалимзода ҳамоҳангсози Ассамблеияи ҷавонони байнипарламентии кишварҳои ҳамсуд интихоб гардид

ДУШАНБЕ, 31 май — Sputnik.  Имрӯз зимни ҷаласаи навбатии Ассамблеияи ҷавонони байнипарламентии давлатҳои аъзои ИДМ шаҳри Қазон пойтахти Ҷумҳурии Тотористони Русия, вакили парлумони Тоҷикистон Миралиён Қиёмиддин Абдусалимзода ҳамоҳангсози Ассамблеияи ҷавонони байнипарламентии давлатҳои аъзои ИДМ интихоб гардид.

Дар ин бора Муҳаммадато Султонов, сухангӯи парлумони Тоҷикистон хабар додааст.

Бино бар иттилои манбаъ, бо интихоби Миралиён Қиёмиддин  роҳбарии ниҳоди мазкур аз Русия  ба Тоҷикистон гузашт.

 Тибқи иттилои манбаъ, Ассамблеияи ҷавонони байнипарламентии давлатҳои аъзои ИДМ яке аз воҳидҳои сохтории Ассамблеияи байнипарламентии давлатҳои аъзои ИДМ буда, аз ҳисоби вакилони ҷавони давлатҳои аъзои ИДМ ташкил ётфта, аз соли 2012 инҷониб масъалаҳои мубрами ҳаёти ҷавононро, аз ҷумла ҳифз ва рушди манфиатҳои қонунии онҳро баррасӣ намуда, қарорҳои дахлдор қабул менамояд.

Тавре Ҳамоҳангсози пешини Ассамблеияи ҷавонон вакили Шӯрои Федератсияи Русия Лебедева Т. Р. Таъкид намудааст, Миралиён Қиёмиддин аз соли 2015 инҷониб ҳайати намояндагони ҷавони Тоҷикистонро дар Ассамблеияи ҷавонони байнипарламентии давлатҳои аъзои ИДМ роҳбарӣ намуда, ба таҳияи чанде қонунҳои моделӣ даст доштааст.

Ба гуфтаи вай, аз ҷумла ӯ муаллифи Тавсияҳо доир ба ташкил ва рушди парламенти ҷавонон дар кишварҳои аъзои ИДМ мебошад.

Манбаъ қайд намудааст, ки номзадии Миралиён Қиёмиддин барои ишғоли ин вазифаи байналмилалии ҷамъиятӣ аз ҷониби ҷонишини котиби генералии Ассамблеияи байнипарламентии давлатҳои аъзои ИДМ Раҳимов И. Ҳ. муаррифӣ гардида, ҳамаҷониба дастгирӣ ёфт.   

274
Барчаспҳо:
кишварҳои ҳамсуд, ИДМ, Душанбе, вазифа, вакил, парлумон, Тоҷикистон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

58
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

58
Барчаспҳо:
ҶБВ, куҳансарбоз, собиқадорон, Норак, Тоҷикистон
Спикер верхней палаты парламента Таджикистана Рустам Эмомали в Москве

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

1426
(Таҷдидшуда 22:45 24.11.2020)
Раиси шаҳри Душанбе дар дидор бо раиси Шӯрои Федератсияи Русия Валентина Матвиенко таъкид кард, ки барои Тоҷикистон ҳамкориҳои гуногунҷанба бо Русия аҳамияти ҷиддӣ ва аввалиндараҷа дорад

ДУШАНБЕ, 24 ноя — Sputnik.  Рустам Эмомалӣ, раиси шаҳри Душанбе зимни сафари расмӣ ба шаҳри Маскав бо Валентина Матвиенко, раиси Шӯрои Федератсияи Русия дидору гуфтугӯ кард.

Зимни дидор Рустам Эмомалӣ таъкид дошт, ки ҳамкориҳои дустона ва шарикии Тоҷикистону Русия имрӯз дар тамоми самтҳо мунтазам рушд доранд.  

“Боварӣ дорам, ки натиҷаҳои гуфтушуниди имрӯза ба рушди ҳамкориҳои минбаъда дар тамоми соҳаҳо такони ҷиддӣ мебахшанд. Рушди ҳамкориҳои гуногунҷанба бо Русия ҷанбаи муҳими рушди сиёсати хориҷии Тоҷикистон аст”, - гуфт Рустами Эмомалӣ.  

Вай инчунин дар бораи ҳамкориҳои байнипарлумонии ду кишвар таъкид дошт дошт.

“Тамоси доимии байнипарлумонӣ миёни кишварҳо заминаи тамоми ҳамкориҳо миёни ду кишвар аст. Ҳамкориҳои байнипарлумонӣ имкон медиҳад бо як дигар бештар дидор кунем ва масоили муҳиму мубрамро  баррасӣ намоем ва ба масоили гуногун табодули назар намоем”, - қайд кард Раиси шаҳри Душанбе.

Рустам Эмомалӣ ҳамчунин ба ҳамкориҳои иқтисодӣ миёни ду кишвар низ ишора кард.

Вай гуфт, барои рушди ҳамкориҳои Тоҷикистону Русия имрӯзҳо механизмҳои зиёди ҳамкорӣ вуҷуд дорад.  

“Имрӯз Тоҷикистону Русия дар соҳаҳои гуногун ҳамкориҳои хубро ба роҳ монданд, аз ҷумла ду кишвар дар соҳаи сиёсӣ, тиҷорӣ, гуманетарӣ, низомӣ, низомӣ-техники ва ғайра ҳамкории зич доранд”, - қайд кард шаҳрдори Душанбе.

Вай махсусан зикр кард, ки гардиши савдои хориҷӣ миёни Тоҷикистону Русия дар нуҳ моҳи соли равон ба 723 миллион доллар расидааст.

Шаҳрдор илова кард, ки Русия сармоягузори муҳими Тоҷикистон аст.

Аммо Рустами Эмомалӣ аз истифода набурдани имкониятҳои иқтисодии ду кишвар изҳори нигаронӣ кард.

Вай гуфт имкониятҳои сармоягузории мустақими Русия ба иқтидори иқтисодии Тоҷикистон ҷававобгӯ нест ва имконятҳои иқтисодии ду кишвар ба андозаи кофӣ истифода намешавад.

Рустам Эмомалӣ афзуд, ки ҳоло Тоҷикистон бо беш аз 80 минтақаи Русия ҳамкории иқтисодӣ дорад.

Вай гуфт, афзоиши гардиши савдои хориҷии Тоҷикистон маҳз ба рушди ҳамкориҳо бо минтақаҳои Русия вобастагӣ дорад.

Ҳамзамон Рустам Эмомалӣ аз вазъи муҳоҷирати меҳнатӣ ва мушкили муҳоҷирони тоҷик дар Русия низ ёддошт шуд.

Ба гуфтаи раиси шаҳри Душанбе, шаҳрвандони Тоҷикистон аз бозори меҳнатӣ Русия ҳавасманд мебошанд.

“Хадамотҳои дахлдори ду кишвар бояд корҳоро барои ҳалли мушкилоти муҳоҷирон идома диҳанд. Мо хоҳони қоидаҳои муносиб барои муҳоҷирони меҳнатии Тоҷикистон ҳастем. Аз ҷумла дар масъалаи содашудани сабти иқомати шаҳрвандони Тоҷикистон”, - таъкид дошт Рустам Эмомалӣ, раиси шаҳри Душанбе. 

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

1426
Барчаспҳо:
Валентина Матвиенко, Матвиенко, дидор, Маскав, сафар, Душанбе, раиси шаҳр, Рустам Эмомалӣ, Тоҷикистон