Сел дар Даштак. Дарвоз

Сел хонаҳоро харобу чорворо бурд: борони сел дар шаҳри Конибодом

2578
(Таҷдидшуда 11:47 04.06.2019)
Сел даҳҳо хонаҳои сокинони шаҳри Конибодомро вайрон карда, чорвои онҳоро бо худ бурдааст

ДУШАНБЕ, 3 июн — Sputnik. Борони сел дар шаби 2 ба 3-юми июн даҳҳо манзили сокинон дар ҷамоатҳои ба номи Ғафурҷон Ортиқов ва Пӯлотон дар шаҳри Конибодомро вайрон кардаву чорвои онҳоро бо худ бурдааст.

Бино ба гуфти манобеъ борони сел танҳо аз як худи ҷамоати Ғафуровҷон Ортиқов беш аз 40 хонаро хароб карда ва ҳудуди 50 сар чорвои сокинонро бо худ бурдааст.

Дар кӯчаи ба номи Бобокалонови тобеъи шаҳр низ беш аз 20 хонаву дари сокинон хароб шудааст.

Ҷамоати деҳоти Ғафурҷон Отриқов ва Пӯлотон аз калонтарин ҷамоатҳои шаҳри Конибодом ба ҳисоб рафта, аз ду як роҳи миёни Конибодом ва Исфара аз марзи ин ҷамоатҳо мегузарад. Феълан купруки болои сой дар ин минтақаро сел вайрон кардааст.

Манобеъи Sputnik Tоҷикистон дар шаҳри Конибодом мегуянд, борони сел ба дараҷае шиддатнок буд, ки дар паи он хонаву дар, чорво ва воситаҳои нақлиёти сокинон зарар дидааст.

“Борони сел дар соатҳои 22- шаби 2-ум замоне сар кардааст, ки сокинон ҳама дар хонаҳои худ, буданд. Дар натиҷаи зиёд шудани боришот, сел омада, хонаҳои мардумро вайрон карда, чорвоҳоро бо худ бурда ва воситаҳои нақлиёти сокинонро корношоям кардааст. Дар бораи талафоти ҷонӣ аз ин ҳодиса ҳоло чизе гуфта намешавад”, - гуфт, як нафари огоҳ аз ҷараёни офати табиӣ дар Конибодом.

Дар Раёсати Кумитаи ҳолатҳои фавқуллода дар Суғд, гуфтанд, ки ҳоло дар паи ин ҳодиса дар шаҳри Конибодом як комисияи вижа бо иштироки масъулини ҳукумат таъсис дода шуда, дар ҷои ҳодиса хисороти расидаро месанҷанд.

Як манбаъ гуфт, ки раиси шаҳри Конибодом Зафарбек Давлатзода ҳам сӯбҳи рӯзи Душанбеи 3-юми июн ба ҷамоатҳои Ғафурҷон Ортиқов ва Пӯлотони шаҳр рафта, барои сари вақт бартараф кардани оқибатҳои офати табиӣ ва расонидани кӯмак ба зарардидагон дастур додааст.

2578
Барчаспҳо:
хона, чорво, харобӣ, Конибодом, Суғд, сел, Тоҷикистон
Мужчина в защитной маске в городе Душанбе

Тоҷикистон ва Швейтсария ҳамроҳ бар зидди COVID - 19 мубориза мебаранд

46
Ин масъала рӯзи 2 июл дар суҳбати телефонии вазири корҳои хориҷии Тоҷикистон Сироҷиддин Муҳриддин бо сардори Департаменти федералӣ оид ба корҳои хориҷии Конфедератсияи Швейтсария Игнасио Кассис баррасӣ шуд

ДУШАНБЕ, 2 июл — Sputnik. Имрӯз, 2 июл, вазири корҳои хориҷии Тоҷикистон Сироҷиддин Муҳриддин бо сардори Департаменти федералӣ оид ба корҳои хориҷии Конфедератсияи Швейтсария Игнасио Кассис телефонӣ суҳбат кард.

Бино ба гузориши Вазорати умури хориҷии Тоҷикистон дар рафти суҳбат вазирон дар робита ба ҳамагирии COVID-19 ва ҳолати кунунии муносибатҳои дуҷонибаи Тоҷикистону Швейтсария мубодилаи афкор намуданд.

"Аз ҷумла Вазири корҳои хориҷии Ҷумҳурии Тоҷикистон аҳаммияти иқдомҳои Ҳукумати кишвар барои маҳдуд намудани паҳншавии COVID-19 ва мусоидати шарикони рушд, аз ҷумла Ҳукумати Швейтсарияро, дар ҷараёни бартараф кардани паёмадҳои он таъкид намуд", - омадааст дар хабарнома.

Тибци иттилои манбаъ, мусоҳибон бори дигар пойбандии худро ба муборизаи муштарак бо ҳамагирии COVID-19 изҳор намуда, зарурати тавсеаи ҳамкориҳои мутақобилан судмандро дар соҳаҳои сиёсӣ, иқтисодӣ ва башардӯстона таъкид карданд. Шарокат ва дастгирии тарафайн дар чаҳорчӯби созмонҳои байналмилалӣ ва ниҳодҳои молиявӣ муҳим дониста шуд.

Манбаъ афзуда, ки ҳамзамон раванди амалисозии тавофуқҳое, ки ҳангоми боздиди расмии Президенти Ҷумҳурии Тоҷикистон Эмомалӣ Раҳмон аз Конфедератсияи Швейтсария (5-6 ноябри соли 2019) ҳосил шуда буданд, мавзӯи меҳварии ин сӯҳбатро ташкил дод.

46
Барчаспҳо:
мубориза, вируси нав, Швейтсария, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

219
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

219
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон

Омори сирояту шифоёбӣ аз COVID - 19 дар моҳи июн

0
(Таҷдидшуда 21:01 02.07.2020)
Омори гирифторон, шифоёфтагон ва фавтидагон аз коронавируси навъи COVID - 19 дар моҳи июнро аз тасвирбаёни Sputnik Тоҷикистон бубинед
Коронавирус дар Тоҷикистон: омори моҳи июн
© Sputnik /

Тибқи додаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар давоми моҳи июн дар Тоҷикистон 2024 нафар ба коронавирус сироя 2564 нафар аз ин беморӣ шифо ёфт ва 5 кас ҷони худро аз даст дод.

Дар умум бино бар омори Вазорати беҳдошти кишвар аз 30 апрели соли равон то 30 июн дар Тоҷикистон 5954 кас гирифтори коронавирус шуда, 4568 нафар шифо ёфтанд ва 52 кас қурбони ин вабои аср гардиданд.

Ҳукумати Тоҷикистон барои пешгирии паҳншавии ин беморӣ чораҳоеро дар моҳи май роҳандозӣ карда буд, ки бархе аз онҳо бардошта шуданд ва баъзеи дигар ҳамоно фаъол боқӣ мемонанд.

Ҳамин тавр, боғчаҳо ва мактабҳо то 18 август баста буда, донишҷӯён пеш аз муҳлат ба таътил фиристода шуданд. Дар кишвар пӯшидани ниқоб ҳатмӣ буда, масҷидҳо баста шуда, намози дастаҷамъома манъ шуд.

Кадом маҳдудиятҳо дар Тоҷикистон бардошта шуданд

Равуо миёни вилоятҳо ва навоҳии кишвар озод шуд. Баргузории маросими дафн иҷоза дода шуд.

Аз 15 июн дар шаҳри Душанбе фаъолияти бозорҳои либоса, марказҳои савдо, кинотеатрҳо, театрҳо, сартарошхонаҳо, кошонаҳои ҳусн оғоз шуд.

Баргузории маросими арӯсӣ иҷоза дода шуд: бо ширкати на бештар аз 100 меҳмон, пӯшидани ҳатмии ниқоб, дастпӯш ва санҷиши ҳарорати бадан.

Бозии футбол бидуни тамошобин иҷоза дода шуд.

Аз 25 июн барои бозгардонии шаҳрвандони Тоҷикистон, аз Русия ба Тоҷикистон парвозҳои махсус роҳандозӣ шуд. То имрӯз беш аз 600 шаҳрвандони Тоҷикистон ба Ватан бозгардонида шуданд.

0
Барчаспҳо:
омор, вируси нав, Тоҷикистон