Министр обороны Республики Таджикистан Шерали Мирзо, архивное фото

Чаро Шерали Мирзо вориди Русия шуд?

311
(Таҷдидшуда 10:19 05.06.2019)
Имрӯз дар Анапаи Русия ҷаласаи Шӯрои вазирони мудофиаи кишварҳои ҳамсуд баргузор мегардад

ДУШАНБЕ, 5 июн — Sputnik. Бино бар иттилои сомонаи кумитаи иҷроияи ИДМ  дар ҷаласа вазирони мудофиаи ИДМ беш аз бист масъалаи мубрами вобаста ба вазъи ҳарбӣ-сиёсӣ дар ҷаҳон ва таъсири он ба авзои амнияти кишварҳои ИДМ, усулҳои консептуалии рушди ҳамкории низомӣ миёни кишварҳои узви ИДМ то соли 2025, таҷрибаи ба эътидол овардани баъдиҷангӣ дар Сурияро баррасӣ намоянд.

Қарор аст дар ҷаласаи мазкур Шералӣ  Мирзо, вазири мудофиаи Тоҷикистон иштирок хоҳад кард.

Инчунин Вазирони мудофиаи ИДМ баргузории машқҳои  муштараки низомии неруҳои тирандози ҷангӣ низоми муттаҳидаи дифоъии зиддиҳавоии  ИДМ — “Боевое Содружество-2019” , ки дар соли равон пешбинӣ шудааст, самтҳои асосии ҳамкорӣ дар  соҳаи истифодаи  авиатсияи бесарнишин ва мубориза бо воситаҳо  ва дастгоҳҳои  бесарнишини  ҳавоии парвозкунанда, чорабиниҳои муштараки Қувваҳои Мусаллаҳи давлатҳои ИДМ –ро дар соли 2020 матраҳ хоҳанд кард.

Дар  ҷаласа ҳамзамон доир ба рушди ҳамкорӣ  дар соҳаи мудофиаи зиддиҳавоӣ, варзиш ва омода намудани мутахассисон сухан хоҳад рафт.

Инчунин, аъзои Шӯро иҷрои Нақшаи татбиқи Консепсияи рушди системаи ягонаи маълумоти ҷуғрофии таъйиноти низомидоштаро  барои неруҳои мусаллаҳи кишварҳои узви ИДМ, тағйиру иловаҳо ба Низомномаи Кумитаи ҳамоҳангсози хадамоти топографии Қувваҳои Мусаллаҳ дар назди Шӯрои вазирони мудофиаро баррасӣ менамоянд.

Дар ҷаласа аъзои Шӯро санаи баргузорӣ ва рӯзномаи вохӯрии ояндаи вазирони мудофиаи ИДМ-ро муайян хоҳанд кард.

 

311
Барчаспҳо:
Шурои вазирони дифоъ, ИДМ, ҳамкорӣ, Русия, Тоҷикистон
Пачка долларов

Мошинашро бо доллар фурухт: парвандаи як ҷавони 24 сола

141
(Таҷдидшуда 12:00 26.11.2020)
Мақомоти милистияи Суғд нисбати як ҷавони 34 сола парвандаи ҷиноӣ боз кардааст. Нафари дастгиршуда, сокини ноҳияи Рӯдакӣ буда, бар хилофи қонун, мошинашро бо асъори хориҷӣ (доллар) ба фурӯш гузоштааст

ДУШАНБЕ, 26 ноя – Sputnik. Акбар Шарифӣ, котиби матбуоти РВКД дар вилояти Суғд дар шарҳи ин хабар ба Sputnik Тоҷикистон гуфт, Як сокини 34 солаи ноҳияи Рӯдакӣ, ҳангоми гирифтани 4 000 доллари амрикоӣ, ки қисме аз арзиши мошинаш аст аз сӯи мақомоти милитсия дастгир шудааст.

“Сокини ноҳияи Рӯдакӣ, рӯзи 23 ноябр автомашинаи Mercedess-Benz -ро дар тавқифгоҳи воқеъ дар шаҳраки ба номи Бобоҷон Ғафуров бо арзиши 11 ҳазор доллари амрикоӣ нархгузорӣ карда, аз хариддор 4 ҳазор долларро ҳамчун аванс гирифтааст”,- гуфт Шарифӣ.

Котиби матбуоти РВКД Суғд мегуяд, оиди ин ҳолат нисбати дасгир шуда бо моддаи 286 (муомилоти ғайриқонунӣ бо асъори хориҷӣ) и Кодекси ҷиноӣ парванда боз карда шуда, тафтиши онро прокуратураи ноҳияи Бобоҷон Ғафуров пеш мебарад.

Ҳукумати Тоҷикистон соли 2013 бо қабули Қонун “Дар бораи танзими асъор ва назорати асъор” савдо бо пули хориҷӣ аз ҷумла доллар дар ҳудуди кишварро манъ намудааст.

Масъулини Бонки миллӣ дар шарҳи қабули қонуни мазкур иброз медоранд, ки савдо бо асъори хориҷӣ дар ҳудуди кишвар, латма ба қурби пули миллӣ мезанад.

141
Барчаспҳо:
фурӯхтан, мошин, доллар, дастгир, Тоҷикистон
Кати хоб дар яке аз беморхонаҳои Тоҷикистон. акс аз бойгонӣ

Соҳибкор Раҷабов барои сокинони Муъминобод Маркази саломатӣ сохт

46
Дар маркази мазкур 12 нафар пизишкони маҳаллӣ бо ҷойи кор таъмин шуда, барои аҳолии се деҳа хизматрасонӣ хоҳанд кард

ДУШАНБЕ, 26 ноя — Sputnik. Бо ибтикори соҳибкори ватанӣ, сокинони се деҳаи дурдасти ноҳияи Муъминобод соҳиби  Маркази замонавии саломатӣ гардиданд.

Вазорати тандурустии Тоҷикистон хабар медиҳад, ки Раҷабов Шодибек дар деҳаи Деҳбаланди Ҷамоати деҳоти Деҳбаланди ноҳияи Муъминобод бо маблағи 400 ҳазор сомонӣ Маркази тиббӣ сохт.

Вазири мудофиа аз ҳисоби худ дар деҳа Маркази саломатӣ сохту мошин туҳфа кард (АКС)

Бар хабари манбаъ, Маркази саломатӣ аз ҳуҷраҳои  қабули беморон, табиби оилавӣ,  ташхиси занон, хатна ва  доругузаронӣ  иборат  буда, бо таҷҳизоти муосири тиббӣ муҷаҳҳаз гардонида шудааст.

"Муассисаи мазкур аз маркази ноҳияи Муъминобод 7 километр дур буда, дар Ҷамоати деҳоти Деҳбаланд калонтарин муассисаи тиббӣ ба ҳисоб меравад", - таъкид мешавад дар хабар.

Дар маркази мазкур 12 нафар табибони маҳаллӣ фаъолият намуда, ба сокинони се деҳаи атрофи ҷамоат, ки дорои 605 хоҷагӣ ва 4176 аҳолӣ мебошанд, хизмати тиббӣ мерасонанд.

46
Барчаспҳо:
соҳибкор, Маркази саломатӣ, ноҳияи Муъминобод

Сатҳи камбизоатӣ дар Тоҷикистон: беҳбудӣ ё баръакс

0
(Таҷдидшуда 12:14 26.11.2020)
Таҳлилгарон бар ин назаранд, ки пандемия ба иқтисодиёти Тоҷикистону аксар кишварҳои ҷаҳон латмаи сахт мезанад ва сатҳи камбизоатиро афзун мекунад
Сатҳи камбизоатӣ дар Тоҷикистон чӣ гуна тағйир ёфтааст
© Sputnik

Пандемияи коронавирус ба иқтисодиёти кишварҳо таҳдид мекунад. Инро таҳлил карда, иқтисоддонҳо афзоиши сатҳи камбизоатиро дар кишварҳои рӯ ба тараққӣ пешгӯӣ мекунанд.

Дар ин робита, Sputnik Тоҷикистон маълумотҳоро дар тӯли 30 соли ахир фыамъ овард то нишон дищад, ки чӣ гуна омилҳои асосии иқтисодӣ ва сатҳи камбизоатӣ дар ҷумҳурӣ тағир ёфтааст.

Аз ҷумла, аз соли 1995 инҷониб Тоҷикистон ба таври назаррас афзоиши ММД-ро ба ҳар сари аҳолӣ нишон додааст: то соли 2015 ин рақам ба 921 доллар афзоиш ёфт.

Ятимӣ, зангирӣ бо қарз, кулбаи бедар ва духонагии Президент: саргузашти Муҳаммад-видео

Инчунин, қабл аз пандемия, Тоҷикистон музди миёнаи меҳнатро афзоиш дод, аммо дар соли 2020 пардохтҳои миёнаи моҳона бинобар ихтисори кормандон ва аз ҳисоби коронавирус коҳиш ёфтанд.

Фоизи камбизоатон дар кишвар ҳар сол коҳиш меёбад: дар тӯли 10 сол шумораи онҳо 10% коҳиш ёфт.

Агар вазъро дар минтақаҳо ба назар гирем, пас вазъ дар Душанбе ва вилояти Суғд беҳтар аст. Бадтарин ҳолат дар вилояти Хатлон аст: ҳиссаи камбизоатон дар он ҷо 32,8% -ро ташкил медиҳад.

Дар рейтинги байналмилалии камбизоатӣ, Тоҷикистон дар байни 191 кишвар дар мақоми 157-ум қарор гирифтааст.

0
Барчаспҳо:
Тоҷикистон, сатҳи камбизоатӣ