Последствия селевых потоков в Канибадаме

Чу узверо ба дард орад: муҳоҷирони тоҷик ба осебдидагони офатҳои табиӣ кумак фиристоданд

368
(Таҷдидшуда 16:54 05.06.2019)
Тавре дар шабакаҳои иҷтимоӣ хабар расид сокинони бурунмарзии вилояти Суғд ба осебдидангони офатҳои табиӣ дар Конибодом маблағ ҷамъ карда ирсол намуданд

ДУШАНБЕ, 5 июн — Sputnik. Тавре дафтари матбуоти мақомоти Конибоддом хабар додаанд пас аз пахши гузориш аз оқибатҳои сел ҳамшаҳриёни бурунмарзӣ бетарафӣ зоҳир накарда, ба сокинони зарардида маблағҳои муайян ирсол намуда истодаанд.

Ҳамчунин манбаъ қайд намудааст, ки барои расонидани кумак ба зарардидагон ва бартараф намудани оқибатҳои сел оммаи васеи аҳолии шаҳр, кормандони ташкилоту муассисаҳо, сарбозони қисми низомии 04080 ва ихтиёриён ба ҷои ҳодиса омаданд.

Бино бар иттилои манбаъ, инчунин як гуруҳ ёрдамчиён аз шаҳру ноҳияҳои вилоят низ барои расонидани кумак ба Конибодом омаданд.

“Аз ҷумла, аз Корхонаи фаръии обтаъминкунии шаҳру ноҳияҳои минтақаи 1-и вилояти Суғд 95 нафар ҳозир шуда, дар хонадони зарардидагон қарор гирифта, кӯмаки назаррас мерасонанд”, - таъкид намудааст манбаъ.

Инчунин манбаъ зикр намудааст, ки аз ҳамсояшаҳри Исфара 30 нафар ва аз ноҳияи Мастчоҳи нав наздик 10 нафар низ барои расонидани ёрӣ омаданд. Муовини директори генералии КВД ХМК Тоҷикистон Бахтиёр Сафарзода ҳамроҳи намояндагони соҳа ба Конибодом омада, ба зарадидагон кӯмаки амалӣ расонидааст.

“Дар мавзеи селроҳа бошад, қубурҳои обгузар васл карда шуда, тибқи иттилои мутахассисони Корхонаи фаръии қитъаи обтаъминкунии шаҳри Конибодом барои бартараф намудани оқибатҳои хисороти сел рӯзҳои наздик 300 метр қубур васл карда мешавад”, - гуфт манбаъ.

Мақомоти Конибодом қайд намудааст, ки дар минтақаҳои осебдида ситод ташкил карда шуда, нуқтаҳои тиббӣ амал мекунад ва гуруҳи ихтиёриён дар хизмати аҳолии зарардида қарор дошта, саривақт ёрӣ мерасонанд.

“Айни ҳол аз манзилҳои харобгашта ифлосиҳо ва лавозимот бароварда шуда, бо ёрии техника ва олоти дастӣ саҳни ҳавлӣ ва кӯчаву роҳравҳо тоза карда шуда истодааст”, - афзуд манабаъ.

Ёдрас мешавем, ки имрӯзҳо чанд нафар мутахассисони муассисаи давлатии идораи роҳҳои автомобилгарди вилояти Суғд ва роҳбарияти муассиса низ дар Конибодом қарор дошта, бо истифода аз 5 адад техникаи пуриқтидори корӣ дар тоза намудани роҳҳо ёрии амалӣ мерасонанд.

Ахиран Раиси вилояти Суғд Раҷаббой Аҳмадзода зимни сафари корӣ ба Конибодом сафар кард  ва аз хисороти сел зикр намуда буд, ки ба зарардидагони офати табиӣ кӯмакҳои саривақтӣ расонида шуда, пеш аз ҳама бо маводи озуқа таъмин карда шаванд.

Худи ҳамин рӯз аз ҷониби мақомоти иҷроияи ҳокимияти давлатии вилояти Суғд ба аҳолии осебдида маводи озуқа дастрас гардид.

Бар асари омадани сел ва борони бошиддати шаби 2-юми июн дар шаҳри Конибодом якчанд хонаҳо осеб дида, манзили сокинон валангор шуданд.

Тавре мақомоти Конибодом афзуджааст расонидани кумак ба зарардидагони офати табиӣ идома дорад.

368
Барчаспҳо:
муҳоҷирон, оқибати офатҳои табиӣ, сел, Конибодом, Суғд, Тоҷикистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

48
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

48
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон
Рустами Эмомалӣ, раиси Маҷлиси миллӣ бо муовинонаш Раҷаббой Аҳмадзода ва Ёдгор Файзов (аз рост)

Баррасии тағйири ҳудуди ноҳияҳои Душанбе: Рустами Эмомалӣ вакилонро ба маҷлис хонд

139
(Таҷдидшуда 19:00 02.07.2020)
15 июл соати 9:00 дар толори Маркази тадқиқоти стратегии назди Президенти Ҷумҳурии Тоҷикистон иҷлосияи дуюми Маҷлиси вакилони халқи шаҳри Душанбе, даъвати шашум доир мегардад

ДУШАНБЕ, 2 июл — Sputnik. Тавре дафтари матбуоти шаҳрдории Душанбе хабар медиҳад, дар ин бора қарори вижаи раиси шаҳр ба имзо расидааст.

Гуфта мешавад, дар иҷлосияи мазкур масъалаҳои тағйир додани сарҳади ноҳияҳои Шоҳмансур, Фирдавсӣ, Сино ва Исмоили Сомонии шаҳри Душанбе баррасӣ хоҳад шуд.

Рушди соҳаи энергетика, бахусус ба низоми замонавии билингӣ гузаштани хизмат, таъмини боэътимоди барқ ба сокинон, таҷдиду барқарорсозии зеристгоҳҳои барқӣ ва барқарорсозии қисмати шабака, иҷрои барномаҳои давлатӣ ва нақшаи чорабиниҳои мақомоти иҷроияи ҳокимияти давлатии шаҳри Душанбе вобаста ба эълон гардидани "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф", пеш аз муҳлат қатъ намудани ваколати вакилони Маҷлиси вакилони халқи шаҳри Душанбе аз ҳавзаҳои интихоботии №23 ва №42, таъйин намудани интихобот дар ҳавзаҳои интихоботии №23 ва №42 ва ғайраҳо аз дигар масъалаҳое мебошанд, ки дар иҷлосияи мазкур баррасӣ хоҳанд шуд.

Ба иттилои манбаъ, барои омода намудани масъалаҳои рӯзномаи иҷлосия гурӯҳи корӣ таъсис дода  мешавад.

Маҷлиси миллӣ розигӣ дод: масоҳати Душанбе 7,7 ҳазор га васеъ мешавад

Мутобиқи қарор, вакилони Маҷлиси вакилони халқи шаҳри Душанбе, даъвати шашум тибқи замимаи 2 то 13 июли соли 2020 дар ҳавзаҳои интихоботӣ бо интихобкунандагон вохӯриҳо баргузор намуда, аз натиҷаи онҳо ба гурӯҳи корӣ оид ба такмил додани масъалаҳои рӯзномаи иҷлосияи дуюми Маҷлиси вакилони халқи шаҳри Душанбе, даъвати шашум таклифҳои мушаххасро пешниҳод менамоянд.

139