Представители Всемирного банка обсудили с главой Согдийской области проблемы водоснабжения в долине Зарафшана

Бонки Ҷаҳонӣ бо Раҷаббой Аҳмадзода масоили обёрӣ дар водии Зарафшонро муҳокима карданд

106
(Таҷдидшуда 12:15 11.06.2019)
Намояндагони Бонки Ҷаҳонӣ ва Иттиҳодияи Аврупо ба барқарорсозии низоми обёрӣ ва беҳтар намудани идоракунии об дар водии Зарафшон таваҷҷуҳи хос зоҳир намудааст

ДУШАНБЕ, 11 июн — Sputnik. Ахиран Раҷаббой Аҳмадзода, раиси вилояти Суғд бо намояндагони Бонки ҷаҳонӣ ва Иттиҳоди Аврупо дар Тоҷикистон мулоқот кард, иттилоъ додааст дафтари матбуоти ҳукумати вилояти Суғд.

Бино бар иттилои манбаъ, зимни мулоқот тарафҳо доир ба масъалаи татбиқи лоиҳаи “Барқарорсозии низоми обёрӣ ва беҳтар намудани идоракунии об дар водии Зарафшон” ва дурнамои ҳамкориҳои минбаъда мубодилаи афкор намуданд.

Раҷаббой Аҳмадзода зимни мулоқот изҳор дошт, ки дар кишвар ба рушди соҳаи кишоварзӣ, беҳтар намудани вазъи таъминоти оби полезӣ, истифодаи самараноки захираҳои обӣ таваҷҷуҳи хоса дода мешавад.

Манбаъ таъкид намудааст, ки дар ин самт илова бар маблағгузориҳои давлатӣ дар ҳамкорӣ бо созмонҳои бонуфузи молиявӣ ва ташкилотҳои байналхалқӣ лоиҳаҳои мухлалиф низ татбиқ гардида истодааст. Яке аз чунин лоиҳаҳо “Барқарорсозии низоми обёрӣ ва беҳтар намудани идоракунии об дар водии Зарафшон” ба ҳисоб меравад, ки он то соли 2020 пурра татбиқ мегардад.

Тавре манбаъ қайд намудааст, лоиҳаи мазкур бо дастгирии молиявии Иттиҳоди Аврупо ва Бонки умумиҷаҳонӣ ба маблағи беш аз 16 миллион доллар татбиқ шуда истодааст, ки ҳадафи асосии он беҳтар сохтани инфрасохтор ва ҳолати обёрӣ дар водии Зарафшон мебошад.

Дар натиҷаи амалишавии лоиҳаи “Барқарорсозии низоми обёрӣ ва беҳтар намудани идоракунии об дар водии Зарафшон” таҷдиду навсозии пойгоҳҳои обкашӣ, инфрасохтори обрасонӣ ва дастгирии ассотсиатсияҳои истифодабарандагони об ба нақша гирифта шудааст ва бо анҷоми пурраи корҳо сатҳи обрасонӣ беҳтар гардида, заминҳои бекорхобида азхуд карда мешаванд.

Намояндагони Бонки Ҷаҳонӣ ва Иттиҳоди Аврупо дар Тоҷикистон вобаста ба корҳои анҷомёфта маълумот дода, қайд намуданд, ки дар доираи амалишавии лоиҳа агрегатҳои нав насб ва агрегатҳои фарсудаи пойгоҳҳои обкашӣ таъмир гардида, ҳолати каналҳои обрасонӣ беҳтар карда мешавад ва ҳамзамон обченкунакҳои замонавӣ насб мегарданд.

Намояндагони Бонки Ҷаҳонӣ ва Иттиҳодияи Аврупо зикр намуданд, ки дар самти беҳтар намудани вазъи обрасонӣ, таъмири пойгоҳҳои обкашӣ ва дигар иншооти обрасонӣ, тоза намудани канал ва заҳбуру заҳкашҳо ва бо ин васила баланд бардоштани ҳосилнокӣ дар оянда низ лоиҳаҳои навро амалӣ хоҳанд кард.

106
Барчаспҳо:
Зарафшон, обёрӣ, Бонки Ҷаҳонӣ, ҳамкорӣ, Суғд, Тоҷикистон
Денежные купюры.

Коҳиши рублу евро ва ҷаҳиши доллар: Бонки милӣ арзиши асъори хориҷиро эълон кард

16
(Таҷдидшуда 00:34 23.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рублу евро дар бозори асъори кишвар дар ҳоли коҳишёбӣ буда, доллар боз гаронтар шудааст

ДУШАНБЕ, 23 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1354 сомонӣ  ва дар бозори нақд бошад 0.1390 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3278 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.1300 то 12.5000 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1395 то 0,1415 сомонӣ муқаррар кардааст.

Дар “Спитаменбонк” бошад арзиши 1 рубл аз 135 то 143 ва дар “Алифбонк” бошад 1 рубл аз 0,1350 то 0,1440 сомонӣ нишон дода шудааст.

Бонки миллӣ “Тоҷиксодиротбонк” ва “Агроинвестбонк”-ро варшикаста эълом нахоҳад кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

16
Барчаспҳо:
евро, доллар, сомонӣ, рубл, қурби асъор, Бонки Миллӣ
Парламентские выборы в Таджикистане

Мақомоти шаҳри Исфара шумори дақиқи овоздиҳандагонро эълон кард

104
(Таҷдидшуда 19:33 22.09.2020)
Дар шаҳру деҳоти Исфара як ҳавза ва 83 участкаҳои интихоботӣ ташкил ва ҳамаи онҳо бо лавозимоту маводи зарурӣ таъмин карда шудаанд

ДУШАНБЕ, 22 сен — Sputnik. Бино бар иттилои дафтари матбуоти раиси шаҳри Исфара, дар “Ҳавзаи интихоботии Исфара, №27” шумораи пешакии интихобкунандагони ин ҳавза 162 105 нафарро ташкил медиҳад, ки 4307 нафари онҳо бори аввал овоз хоҳанд дод.

Манбаъ таъкид доштааст, ки барои дар доираи талаботи Конститутсияи Тоҷикистон, қонунҳои амалкунанда, дар сатҳи баланди ташкилӣ ва маърифати ҳуқуқӣ, шаффофу озод, ба таври демократӣ ва бо иштироки фаъолонаи интихобкунандагон баргузорнамоии ин чорабинии сиёсӣ дар шаҳри Исфара тамоми тадбирҳои зарурӣ андешида шудаанд.

Ҳамзамон қайд шудааст, ки дар ҳамаи участкаҳои интихоботии ҳавзаи Интихоботии “Исфара” корҳои омодагӣ барои дар сатҳи баланд доир намудани интихоботи дарпешистода идома дошта, бо аҳолӣ оид ба иштироки фаъолонаи онҳо дар ин маъракаи муҳими сиёсӣ корҳои фаҳмондадиҳӣ ба роҳ монда шудааст.

“То ин замон рӯйхати интихобкунандагон тартиб дода шудааст”, - зикр кардааст мақомоти шаҳри Исфара

Ҳамзамон манбаъ илова кардааст, ки тибқи дастури Комиссияи марказии интихобот ва раъйпурсии Тоҷикистон бо мақсади баланд бардоштани фарҳанги сиёсии интихобкунандагон корҳои тарғиботиву ташвиқотӣ роҳандозӣ мегарданд.

104
Барчаспҳо:
шумораи овоздиҳандагон, Исфара, Интихоботи президентӣ, интихобот, Тоҷикистон