Амалиёти Кукнор-2019 дар ВМКБ

Амалиёти “Кукнор-2019”: дар Бадахшон 16 ҳазор бех ниҳолҳои бангдона решакан карда шуд

223
(Таҷдидшуда 12:34 12.06.2019)
Кормандони ҳифзи ҳукуи Тоҷикистон дар ноҳияи Шуғнон зиёда аз 16 ҳазор бехи ниҳоли бангдонаро ошкор ва нобуд сохтанд

ДУШАНБЕ, 12 июн — Sputnik. Бино бар иттилои Вазорати умури дохилаи Тоҷикистон зимни гузаронидани амалиёти “Кукнор-2019” дар заминҳои ғайрикорами ҷамоати деҳоти Поршиневи ноҳияи Шуғнон зиёда аз 16 ҳазор бех ниҳолҳои бангдонаи худрӯйи навъи ҳиндӣ ошкор ва пурра решакан карда шуд.

Тавре манбаъ таъкид намудааст бо супориши Роҳбарияти Ситоди байниидоравии мақомоти ҳифзи ҳуқуқ ва таъмини амният дар ВМКБ, аз тарафи РВУД дар ВМКБ нақшаи махсуси амалиёти “Кукнор -2019” тартиб дода шуда, тадбиқи амалии ҳамарӯзаи он ба роҳ монда шудааст.

“Дар натиҷаи гузаронидани корхои оперативӣ аз тарафи кормандони Шуъбаи мубориза зидди гардиши ғайриқонунии маводи мухаддири РВУД дар ВМКБ дар заминҳои ғайрикорами ҷамоати деҳоти Поршиневи ноҳияи Шуғнон зиёда аз 16 ҳазор бех ниҳолҳои бангдонаи худрӯйи навъи ҳиндӣ ошкор ва пурра решакан карда шуда, ба РВУД дар ВМКБ дастрас карда шуданд”, - қайд намудааст манбаъ.

Инчунин манбаъ зикр намудааст, ки мувофиқи нақша амалиёти “Кукнор-2019”, аз тарафи кормандони мақомоти корҳои дохилии шаҳру ноҳияҳои вилоят идома дорад.

Дар ҳамин ҳол Ситоди байнидоравии мақомоти ҳифзи ҳуқуқ ва таъмини амният дар вилоят аз шаҳрвандон даъват намудааст, ки дар пешгирӣ ва мубориза бо гардиши ғайриқонунии маводҳои мухаддир ва дар пойдории солимии ҷомеа саҳми арзанда гузоранд.

Ёдрас мешавем, ки дар қаламрави Тоҷикистон амалиёти “Кукнор-2019” дар ду марҳила: марҳилаи якум аз 1-уми июн то 31-уми уми август ва марҳилаи дуюм аз 1-уми сентяб то 30-юми ноябр аз тарафи кормандони мақомоти корҳои дохилӣ ташкил ва гузаронида мешавад. 

223
Барчаспҳо:
бангдона, решакан шудани дарахтон, Бадахшон, ВМКБ, маводи мухаддир, амалиёт, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

7
(Таҷдидшуда 19:15 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расидааст. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

7
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

99
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

99
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон