Талбандагӣ мояи даромад нест: ошкорсозии як ҳолати нангин бо истифода аз мӯсафеди солхӯрда

Бизнеси нангини се ҷавон дар Душанбе: талбандагӣ ба воситаи марди солхӯрдаву ночор

1795
(Таҷдидшуда 11:44 13.06.2019)
Се ҷавон бо истифода аз дармондагии пирамард ӯро ҳар рӯз аз ноҳияи Рӯдакӣ ба пойтахт оварда, ба аробачаи маъюбӣ шинонида, талбандагӣ мекарданд ва пулҳои бадастовардаашонро байни ҳам тақсим менамуданд

ДУШАНБЕ, 13 июн — Sputnik. Вазорати умури дохилаи Тоҷикистон аз "бизнес"-и нангини се ҷавон дар Душанбе хабар медиҳад: онҳо бо истифода аз пирамарди дармондае талбандагӣ мекарданду маблағи бадастомадаро байни ҳам тақсим менамуданд.

Зимни санҷиш муайян гардидаст, ки 3-нафар истиқоматкунандагони ноҳияи Рӯдакӣ, ҷамоати деҳоти Зайналобод, деҳаи Кишоварз,  Бемирзоев Азимҷон Ганҷаловичи 27-сола, Турақулов Зариф Маъруфовичи 24-сола, Барноев Файзиддин Нихомиддиновичи 29-сола, бо мақсади ба даст овардани маблағу даромади бе дарди миён аз пиронсоливу дармондагии пирамарди солхурда шаҳрванд Бемирзоев Ганҷал сокини ноҳияи номбурда истифода карда, ӯро василаи даромади худ қарор додаанд. 

"Номбурдагон пирамардро ҳар рӯз ба воситаи автомашинаи Барноев Файзиддин ба пойтахт оварда, ба аробачаи маъюбӣ шинонида дар байни роҳҳои автомобилгард аз ҳолати ҳузнангези ӯ истифода бурда, бо барангехтани эҳсоси инсондӯстӣ ва раҳму шафқат дар дили одамон ва атрофиён бо ин роҳ маблағ ҷамъ менамуданд", - менависад ВУд Тоҷикистон.

Гуфта мешавад, ин се нафар ба ҷуз аз ин дигар шуғли муайяне надошта, бо ҷисму бозӯи тануманд ва солими худ танҳо ба талбандагӣ машғул мешудаанд. Ҳар рӯз бо ин роҳ маблағи муайяне ҷамъоварӣ намуда, байни худ тақсим мекардаанд.

Гарчанде қаблан кирдори номбурдагон аз ҷониби кормандони милитсия мавриди эрод қарор гирифта, барои дигар такрор накардан огоҳонида шуда бошанд ҳам, вале ба талаботи қонунии корманди милитсия итоат накарда, боз ба чунин фаъолият машғул шудаанд, ки ин боиси қабули қарори қонунӣ гардидааст.

Аз ҷумла, номбурдагон санаи 5-уми июни соли ҷорӣ низ дар кӯчаи Р.Набиеви ноҳияи Сино дар байни роҳи автомобилгард бо ба вуҷуд овардани ҳолати хатарноку садамавӣ ба талбандагӣ машғул буданд.

Номбурдагон ба Шуъбаи милитсия оварда шуда, барои риоя накардани талаботи қонунии корманди милитсия нисбаташон парвандаи маъмурӣ бо моддаи 479 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, ба Суди ноҳияи Сино барои баррасӣ ирсол гардид. Суд дар навбати худ санаи 6-уми июни соли ҷорӣ ба ҳар кадоме ҷазо дар намуди ҳабси маъмурӣ таъин кард.

"Ҷои таассуф аст, ки чунин нафарон бо нишон додани ҳолати ҳузнангези худ аз пайи таъмини рӯзгори хеш гардида, аслан қадри неъмати бебаҳои саломатӣ ва меҳнати ҳалолро намедонанд. Воқеан бояд тазаккур дод, ки саломатӣ чи неъмати бебаҳост, вақте онро сарфи кори накӯ ва меҳнати ҳалол намоем", - таъкид мекунад Вазорати умури дохилаи Тоҷикистон.

 

1795
Торжественное открытие здания средней школы № 33 в Спитаменском районе

Ӯзбекистон дар ноҳияи Спитамен мактаб бунёд кард

3
(Таҷдидшуда 15:14 29.09.2020)
Сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

ДУШАНБЕ, 29 сен – Sputnik. Дар ноҳияи Спитамени вилояти Суғд бо ташаббуси Ӯзбекистон муассисаи таҳсилоти миёнаи умумии №33 ба истифода дода шуд.

Бино ба гузориши Вазорати маориф ва илми Тоҷикистон, дар маросими ифтитоҳи он Вазири маориф ва илми Тоҷикистон Муҳаммадюсуф Имомзода, вазири маорифи халқи Ӯзбекистон Шерзод Шерматов, иҷрокунандаи вазифаи раиси шӯрои Ҷамъияти саҳомии "Ӯзбекистон темир йулларӣ" Хуснутдин Хасилов, ҳайатҳои расмӣ, намояндагони аҳли илму маорифи давлатҳо, омӯзгорону хонандагон ва сокинони ноҳия ширкат доштаанд.

Гуфта мешавад, ки бинои мактаб аз се ошёна ва таҳхона иборат буда, дорои 28 синфхона, 8 кабинети фаннӣ, синфхонаҳои забономӯзӣ, санъати тасвирӣ, устохонаҳои таълимӣ, толори варзишӣ, дафтарҳои кории директору омӯзгорон, ошхона, толори варзишии пӯшида, майдони берунӣ ва китобхонаи замонавӣ мебошад.

Зимни ифтитоҳи муассиса меҳмонон муассиса ва сифати корҳои сохтмонӣ дидан карда, бо омӯзгорон ва хонандагони муассиса суҳбат намудаанд.

Зикр шудааст, ки бунёди муассисаи мазкур баёнгари дӯстии пояндаи ҳарду миллат буда,  дар чунин шароит аҳли маориф  барои баланд бардоштани сатҳу сифати донишу тарбия донишу маҳорати хешро истифода мебаранд.

Манбаъ афзуда, ки сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

3
Барчаспҳо:
бунёд, мактаб, ҳукумати Ӯзбекистон, Тоҷикистон
Взятка, архивное фото

Боздошти муовини раиси ҷамоати Ҳисор бо иттиҳоми заминфурӯшӣ: 15 000 сомонӣ талаб кард

162
(Таҷдидшуда 14:15 29.09.2020)
Муовини раиси ҷамоати деҳоти Ҳисори шаҳри Ҳисор ҳини гирифтани 7 000 сомонӣ аз 15 000 маблағи дархостияш ба даст афтод

ДУШАНБЕ, 29 сен – Sputnik. Ожонси зидди фасод аз боздошт шудани як мақомдори шаҳри Ҳисор хабар медиҳад.

Ба иттилои котиботи ожонсии мазкур, кормандони ин ниҳод муовини раиси ҷамоаити деҳоти Ҳисорро дастгир намуданд, ки дар ғайриқонунӣ фурӯхтани замини наздиҳавлигӣ муттаҳам дониста мешавад.

Манбаъ меафзояд, Зокиров Зокирҷон Асатуллоевич, ки дар вазифаи муовини раиси ҷамоати деҳоти Ҳисори шаҳри Ҳисор кор мекард, моҳи майи соли ҷорӣ аз шаҳрванд "А" барои ҷудо карда додани 0,06 гектар қитъаи замини наздиҳавлигӣ маблағ талаб намуд.

Боздошти раиси як ҷамоати ноҳияи Ҷайҳун бо иттиҳоми заминфурӯшӣ

Номбурда барои замини наздиҳавлигӣ, 15000 сомонӣ талаб намуда, аз ин маблағ,  8000 сомониашро пешакӣ гирифта буд. Сипас аз нафари корафтода, боқимонда 7 000 сомонии дигарро низ талаб кард.

Ожонси зидди фасод мегӯяд, Зокиров аснои гирифтани 7 000 сомонии боқимонда аз шаҳрванд "А"  ба даст афтод.

Зикр мегардад, ки айни замон нисбати Зокиров бо моддаи 319 қисми 1 Кодекси ҷиноятии Тоҷикистон парвандаи ҷиноӣ оғоз гардид, он баъди анҷоми тафтиши пешакӣ ба суд ирсол карда шуд.

162
Барчаспҳо:
заминфурӯшӣ, боздошт, Ожонси зидди фасод, Ҳисор