Озода Раҳмон, роҳбари Дастгоҳи иҷроияи раисиҷумҳури Тоҷикистон, акс аз бойгонӣ

Озода Раҳмон гуфт дар кадом ҳолатҳо соҳиби симкорт ба ҷавобгарии ҷиноӣ кашида мешавад

19371
(Таҷдидшуда 09:16 17.06.2019)
Озода Раҳмон, роҳбари Дастгоҳи иҷроияи раисиҷумҳури Тоҷикистон ҳафтаи равон дар ҷаласаи палатаи болоии парлумон ҳолатҳои барои симкорт ба ҷавобгарии ҷиноятӣ кашидани истифодабарандагонро тавзеҳ дод

ДУШАНБЕ, 16 июн — Sputnik. Озода Раҳмон, ки дар Маҷлиси миллии Тоҷикистон, роҳбарии Кумитаи таъмини асосҳои конститутсионӣ, ҳуқуқу озодиҳои ин­сон, шаҳр­­ванд ва қонуниятро ба уҳда дорад, дар ҷаласаи палатаи болоӣ тағйирот ба Кодекси ҷиноиро муаррифӣ кард.

Ӯ гуфт, мақсади тағйирот ин тақвият додани назорат аз болои истифодаи симкортҳо мебошад.

Озода Раҳмон тавзеҳ дод, ки бар асоси тағйирот ба Кодекси ҷиноӣ, моддаи 341 замимаи 1 илова гардид, ки барои  нақзи меъёрҳои ҳуқуқии  пайвасткунии симкорт ба шабакаи алоқаи барқӣ ва ба соҳибияти каси дигар додани он ҷавобгарии ҷиноятӣ пешбинӣ шудааст.

Ӯ гуфт, минбаъд содир кардани кирдорҳои зерин боиси ҷавобгарии ҷиноятӣ мегардад.

“Вайрон кардани талаботи санадҳои меъёрии ҳуқуқӣ доир ба пайвасткунии симкорт ба шабакаи алоқаи барқӣ, агар чунин кирдор баъди як соли татбиқи ҷазои маъмурӣ содир шуда бошад”, - изҳор дошт роҳбари Дастгоҳи раисиҷумҳур.

Озода Раҳмон таъкид кард, ки ғайриқонунӣ пайваст кардани симкорт ба шабакаи алоқаи барқӣ ва ё аз ҷониби истифодабарандаи симкорт ба соҳибияти каси дигар додани он, агар симкорт дар содиркунии ҷинояти хусусияти террористӣ ё экстремистидошта истифода гардида бошад, ҷавобгарии ҷиноӣ дорад.

Ба навиштаи нашрияи парлумонии "Садои мардум", Озода Раҳмон таъкид кард, ки ин тағйирот ба Конститутсия ва санадҳои ҳуқуқии байналмилалии эътирофкардаи Тоҷикистон мухолифат надорад ва аз аъзои парлумон хост онро ҷонибдорӣ намоянд.

Дар пайи овоздиҳии аъзои палатаи болоии парлумон, тағйироти мазкур ба Кодекси ҷиноии Тоҷикистон қабул карда шуд ва баъди имзо аз сӯи раисиҷумҳур ва нашрашон дар матбуоти расмӣ мавриди амал қарор хоҳанд гирифт.

19371
Похмелье, архивное фото

Марди маст дар шаҳри Норак ҳамқадаҳи 50 - солаашро корд зад

7
Ду сокини шаҳри Норак бегоҳи 18 - уми сентябр дар нуқтаи фурӯши нӯшокиҳои спиртӣ муноқиша намуда, яке аз онҳо ҷавони 35 - сола ҳамқадаҳи 50 - солаи худро корд зад

ДУШАНБЕ, 21 сен — Sputnik. Кормандони милитсия дар шаҳри Норак марди 35 - соларо бозздошт намуданд, ки дар расондани зарари ҷисмонӣ ба саломатӣ гумонбар дониста мешавад.

Бар тибқи хабари котиботи ВУД Тоҷикистон, ҳодисаи мазкур рӯзи 18 - уми сентябр тақрибан соати 20:10 дақиқа рух додааст.

Манбаъ меафзояд, сокинони  35 ва 50 - солаи шаҳри Норак дар нуқтаи фурӯши нӯшокиҳои спиртӣ бо номи "Отамурод"- и шаҳри мазкур бо ҳам муноқиша намуда, марди 35 - сола ҳамқадаҳи худро бо корд як маротиба ба қисми чапи шикам задааст.

Саҳнаи кашола кардани духтари маст аз сӯи ҷавон ба навор афтод: ҳабсу ҷарима шуданд -навор

Дар натиҷа, ҷабрдида ба саломатиаш ҷароҳати ҷисмонӣ бардошта, дар беморхона бистарӣ карда шудааст.

ВУД Тоҷикистон мегӯяд, аз рӯи ин ҳодиса тафтишот идома дорад.

7
Барчаспҳо:
корд, мастӣ, Норак
Пост БДА в Хороге, архивное фото

Сангзанӣ дар Хоруғ баъди футбол: ВУД теъдоди маҷруҳон ва иншооти осебдидаро гуфт

2414
(Таҷдидшуда 10:47 21.09.2020)
Вазорати умури дохилии Тоҷикистон бо нашри як иттилоия сангзанӣ дар шаҳри Хоруғро шарҳ додааст, ки дар пайи он беш аз 20 нафар ҷароҳат бардоштанд

ДУШАНБЕ, 21 сен — Sputnik. Тибқи иттилои ВУД, 19 сентябри соли 2020, соати 19:00 дар майдончаи варзишии мактаби таҳсилоти миёнаи умумии №2, воқеъ дар маҳаллаи "Гулакен"-и шаҳри Хоруғ байни дастаҳои маҳаллаҳои "Гулакен" ва "Хоруғи боло"-и шаҳри Хоруғ бозии нимфиналии футбол баргузор гардид.

Пирӯзии “Гурги куҳӣ” аз Тоҷикистон дар Дубай бар Нуриддин Самир-видео

Манбаъ афзуд, ки баъди ба анҷом расидани бозӣ соати 20:00 байни мухлисони маҳаллаҳои Гулакен ва Хоруғи боло муноқишаи гурӯҳӣ ба амал омад.

"Дар натиҷаи сангпартоӣ аз ҳарду ҷониб 21 нафар ҷароҳатҳои гуногуни ҷисмонӣ бардошта, 20 адад шишаҳои тирезаи МТМУ №2 дар шаҳри Хоруғ, 7 шишаҳои хонаҳои истиқоматӣ, 6 адад автомашинаи шаҳрвандон зарари техникӣ бардошта, 6 адад тиреза ва 4 курсии варзишгоҳ, 5 шишаҳои тирезаи бинои БДА "Амонатбонк" шикаста шудааст", - омадааст дар иттилоияи ВУД.

Манбаъ таъкид кард, ки вобаста ба ҳолати мазкур нисбати гурӯҳи авбошон парвандаи ҷиноятӣ оғоз гардида, тафтишот идома дорад. ВУД афзудааст, ки чорабиниҳои оперативӣ-ҷустуҷӯӣ барои ҷустуҷӯ намудани гунаҳкорон гузаронида шуда истодааст.

Феълан назари худи иштирокдорони қазия маълум нест.

2414
Барчаспҳо:
Футбол, Хоруғ, Тоҷикистон