Крепость Хулбук в городе Курган-Тюбе, архивное фото

Коршинос: рушди соҳаи сайёҳӣ ба се мушкилоти бузург рӯ ба рӯ шудааст

458
(Таҷдидшуда 13:00 17.06.2019)
Намояндаи Корпоратсияи Байналмилалии молиявии гурӯҳи Бонки Ҷаҳонӣ эълон намуд, ки Тоҷикистон барои ҷалби гардишгарон ба се мушкилоте рӯ ба рӯ шудааст, ки ба рушди ин соҳа монеа мегузорад

ДУШАНБЕ, 17 июн — Sputnik. Ширкатҳои байналмилалии ҳавои, ки дар қаламрави Тоҷикистон фаъолият доранд ба се мушкилоти муҳим рӯ ба рӯ мешаванд, ки ба рушди соҳаи сайёҳӣ таъсири манфӣ мегузорад.

Ба гуфтаи Мадина Нурматова, роҳбари барномаи бланд бардоштани рақобатнокии бахши хусусии Корпоратсияи Байналмилаии молиявии Гурӯҳи Бонки Ҷаҳонӣ, арзиши баланди мавозди сухт ва хизматрасонии гарон дар фурудгоҳи Душанбе, инчунин созишномаи баимзорасидаи байни ҳукуматӣ доир ба теъдоди парвозҳо мебошад, ба рушди соҳаи сайёҳӣ монеа ворид мекунанд.

Ба гуфтаи вай, коршиносони онҳо бо тамоми ширкатҳои байналмилалии ҳавоӣ, ки дар қаламрави Тоҷикистон фаъолият доранд машварат анҷом доданд.

“Ин ширкатҳо ба се мушкилоти муҳим ишора намуданд. Онҳо ба арзиши баланди мавозди сухт ва хизматрасонии гарон дар фурудгоҳи Душанбе, инчунин созишномаи баимзорасидаи байни ҳукуматӣ доир ба теъдоди парвозҳо ишора намуданд. Яъне агар Тоҷикистон як маротиба ба ягон кишвар парвоз намояд, он кишвар низ ба Тоҷикистон як маротиба иҷозати парвоз дорад. Мо инро дар рушди соҳаи сайёҳӣ ҳамчун як монеа медонем”, - таъкид намуд коршинос.

Мадина Нурматова қайд намуд, ки Тоҷикистон аз мавзеҳои сайёҳӣ бархурдор аст.

Вай афзуд, ки дар Тоҷикистон замина барои боло бурдани соҳаи сайёҳӣ начандон рушд ёфтааст.

“Тоҷикистон ин кишварест, ки дастрасӣ ба баҳр надорад. Гардишгарон имкон доранд танҳо аз ду роҳ истифода намоянд, ин роҳи ҳавоӣ ва заминӣ. Мутаасифона Тоҷикистон бо кишварҳое, ки ба гардишгарӣ алоқамандии зиёд доранд парвозҳои мустақим надорад. Мо парвозҳои зиёд ба Русияву Қазоқистон дорем, ин ҳам маълум аст ин парвозҳо бештар ба хотири интиқоли муҳоҷирони меҳнатӣ анҷом дода мешаванд”, - зикр намуд коршинос.

Коршинос инчунин таъкид намуд, ки рушди соҳаи авиатсия метавонад мустақиман ба рушди соҳаи гардишгарӣ вобаста мебошад.

Ёдрас мешавем, ки Азиза Иброҳимова, мутахассиси пешбари бахши равобити байналмилалӣ Кумитаи рушди сайёҳии Тоҷикистон дар суҳбат бо Sputnik Тоҷикистон таъкид намуд, ки таваҷҷуҳи ҷаҳонгардон ба Тоҷикистон зиёд шудааст.

Ба гуфтаи вай дар соли 2017 теъдоди ҷаҳонгардоне, ки аз Тоҷикистон дидан карда буданд ҳамагӣ 430 ҳазор нафарро ташкил медод, аммо дар соли 2018 ин нишондиҳанда ба маротиб афзоиш ёфта ба беш аз як миллион нафар расидааст.

Азиза Иброҳимова аз ҷумла таъкид намуд, ки дар соли гузашта беш аз 157 ҳазор ҷаҳонгарди рус аз Тоҷикистон дидан намудааст.

Лозим ба ёдоварист, ки ахиран 14-15-ӯми июн дар шаҳри Кӯлоб Форуми байналмилалии соҳибкорон баргузор гардид.

Дар доираи Форум як қатор санадҳои дуҷонибаи ҳамкорӣ, аз ҷумла Созишномаи қолабӣ байни Ҳукумати Тоҷикистон ва Корпоратсияи байналмилалии исломӣ оид ба маблағгузории тиҷорат (ITFC)”, “Созишномаи сармоягузорӣ байни Ҳукумати Тоҷикистон ва ширкати дорои масъулияти маҳдуди “Каши Синюй Дади Майнинг”, Ёддошти тафоҳум оид ба татбиқи лоиҳаҳои муштараки сармоягузорӣ бо ширкат оид ба захираҳои “Тибет-Эверест”, “Созишнома оид ба ҳамкорӣ байни мақомоти шаҳри Кӯлоби вилояти Хатлон ва Ҷамъияти дорои масъулияти маҳдуди “Ориён-Рустам” оид ба сохтмон ва ба истифода додани корхонаи истеҳсоли маҳсулоти хурокворӣ” ва Ёддошти тафоҳум оид ба ҳамкорӣ байни мақомоти вилояти Хатлон ва вилояти Балхи Афғонистон ба имзо расонида шуд.

458
Барчаспҳо:
коршиносон, Бонки Ҷаҳонӣ, Бонки ҷаҳонӣ, мушкилот, шаҳри Кӯлоб, сайёҳӣ, Тоҷикистон
 Председатель Демократической партии  Саидджафар Усмонзода

Роҳбари ҳизби демократи Тоҷикистон дар ноҳияи Панҷ маълум шуд

96
(Таҷдидшуда 21:07 21.01.2021)
Мақсуд Нуруллоев раиси бахши Ҳизби демократи Тоҷикистон дар ноҳияи Панҷ интихоб шудааст

ДУШАНБЕ, 21 янв — Sputnik. Ба нақл аз сомонаи рӯзномаи “Фараж” интихоби Мақсуд Нуруллоев дар ҳолест, ки моҳи апрели соли гузашта раиси собиқи бахши ҲДТ дар ноҳияи Панҷ Шариф Назаров, бинобар сабаби гирифторӣ бемории ҳамагири коронавирус аз олам даргузашт.

Дар ҳамин ҳол, раиси ҲДТ Саидҷаъфар Усмонзода таъкид доштааст, ки  Мақсуд Нуруллоев аз соли 2013 инҷониб узви ҳизб аст. Вай қайд кардааст, ки ҲДТ дар ноҳияи Панҷ 227 аъзо дорад.

Усмонзода сабаби интихоби шудани Нуруллоевро ба раисии бахши ҳизб дар ин ноҳия ба “фаъолу дилсӯз” будани ӯ рабт дод.

Манбаъ зикр кардааст, ки Мақсуд Нуруллоев соли гузашта дар баробари раиси феълии ноҳияи Панҷ Шоҳиён З. дар интихобот ба вакили маҷлиси вакилони халқи вилояти Хатлон дар ҳавзаи интихоботии Панҷ-54, тариқи худпешбарӣ, номзад буд, аммо мутаасифона интихоб нагардид.

Нуруллоев Мақсуд Бекмуродович 26-уми июли соли 1977 дар деҳаи ба номи Ҳасан Шерови ҷамоати Озодагони ноҳияи Панҷ, дар оилаи ронанда ба дунё омада, солҳои 1983-1993 дар муассисаи таҳсилоти миёнаи умумии рақами 12-и деҳааш таҳсил кардааст. Ихтисосаш ронанда аст. Ӯ то чанд соли охир раисии кумитаи маҳаллаи деҳаи ба номи Ҳасан Шеровро ба уҳда дошт.

96
Барчаспҳо:
интихоб, Панҷ, раис, Ҳизби демократи Тоҷикистон
Первая в мире вакцина от коронавируса

Тоҷикистон аз Русия дар бораи воксинаи “Спутник V” маълумоти пурра гирифт

140
(Таҷдидшуда 21:09 21.01.2021)
Русия ба Тоҷикистон дар мавриди воксинаи зидди вируси корона “Спутник V” пурра маълумот додааст

ДУШАНБЕ, 21 янв — Sputnik. Сардори Раёсати амнияти санитарию эпидемиологӣ, ҳолатҳои фавқулода ва кӯмаки фаврии тиббии Вазорати тандурустӣ ва ҳифзи иҷтимоии аҳолии Тоҷикистон Наврӯз Ҷаъфаров эълон кардааст, ки ҷониби Русия дар мавриди воксинаи зидди вируси корона “Спутник V”  пурра маълумот ирсол кардааст, иттилоъ додааст хабаргузории ТАСС.

Ҷаъфаров зикр кардааст, ки маълумот тавассути каналҳои дипломатӣ дастрас шуд.

Гуфта шудааст, ки воксинаи “Спутник V” –ро як гурӯҳи кории махсус меомӯзад ва сипас дар бораи хариди он тасмим гирифта мешавад.

Наврӯз Ҷаъфаров инчунин қайд кардааст, ки ҳоло Тоҷикистон воксинаи Pfizer сохти Амрикоро низ омӯхта истодааст.

Вай афзуд, ки мақомоти Тоҷикистон инчунин иттилоъ дар бораи воксинаи AstraZeneca- и Бритониёро низ интизор аст.

“Мо тамоми имконоти мувофиқ ба афзалиятҳои муайянкардаи кишварамонро баррасӣ хоҳем кард. Таъсирнокӣ ва бехатарии воксина бояд аз ҷониби Созмони умумиҷаҳонии тандурустӣ (СУТ) сертификат шуда, инчунин интиқол аз кишвари истеҳсолкунанда ба Тоҷикистон осон бошад”,-таъкид кардааст Наврӯз Ҷаъфаров.

140
Барчаспҳо:
вируси корона, Спутник, маълумот, Русия, Тоҷикистон