Очередь в салоне сотовой связи в Душанбе

Чаро барои сим-корт бояд шиноснома иваз шавад: ҷавоб ба саволҳои шаҳрвандон

933
(Таҷдидшуда 16:07 26.06.2019)
Зарурияти аз нав бақайдгирии сим-кортҳо бо шиносномаҳои намунаи нав дар Тоҷикистон дар чист ва киҳо метавонанд  аз ин масъулият озод бошанд, метавонед дар матни зер шинос шавед

Дар Тоҷикистон аз нав ба қайдгирии сим-кортҳои мобилӣ барои телефонҳо ва воситаҳои алоқа дар асоси шиносномаҳои нав ва ё пластикӣ, ки аз соли 2014 инҷониб дастраси шаҳрвандон гардидаанд ба таври ҳатмӣ ба роҳ монда шудааст.

Бисёриҳо ҳамаи даврҳои ин бақайдгириро паси сар кардаанд, аммо мушкилиҳо то ҳол вуҷуд доранд.  Ба Sputnik Тоҷикистон оид ба қонуну қоидаи бақайдгирии сим-кортҳо чунин шарҳ доданд.

Кӣ бояд сим-корташро аз нав ба қайд гирад

Ин талабот пеш аз ҳама ба шаҳрвандоне таалуқ дорад, ки якчанд сим-корт доранд. 

Мувофиқи қонунҳои нав дар номи як одам то ду сим-корт ба қайд гирифтан мумкин аст. Агар ба номи як одам якчанд сим-корт сабт шуда бошаду, онҳоро наздикон ва дӯстонаш истифода кунанд сим-кортҳо ба номи истифодабарандагон бояд ба қайд гирифта шаванд.

Яъне мисли пештара мумкин нест, ба номи худ якчанд сим-корт сабт карду ба наздикону дӯстон тақсим кард. 

Барои аз нав ба қайдгирӣ шиносномаи намунаи соли 2014 ҳатмӣ мебошад.

Барои ба аз нав ба қайд гирифтан омадани истифода барандаи сим-корт ба марказҳои ширкатҳои мобилӣ ҳатмӣ мебошад, дигар роҳ надорад.

Кӣ бояд шиноснома иваз кунад

Барои аз нав ба қайд гирифтани сим-корт дар марказҳои шабакаҳои мобилӣ шаҳрванди ҷумҳурии Тоҷикистон бояд ID-картаи шиносномаи навро пешкаш кунад.

Шиносномаи намунаи соли 1996 (қоғазин) барои ба қайдгирӣ намешавад, чунки ба воситаи он соҳибонашонро дар архивҳои давлатӣ мушкил аст муаян кардан.

Барои ҳамин шиносномаи намунаи нав (соли 2014) яке аз шартҳои асосии аз нав бақайдгирии сим-кортҳо мебошад.

Мувофиқи қонун ҳамаи сим-кортҳо дар ҳудуди Тоҷикистон бояд дар номи соҳибони аслии худ ба қайд гирифта шаванд. Барои тасдиқи соҳиби сим-корт будан ивази шиноснома ҳатмист.

Киҳо аз ивази шиноснома озод мебошанд

Шаҳрвандоне аз ивази шиноснома озод мебошанд, ки сим-кортҳояшон дар номҳои бегона сабт шудаанд. Агар муштарӣ ба номаш сим-корт надошта бошад ва мақсади ба даст овардани сим-кортро надошта бошад барояш ивази шиносномаи намунаи куҳна ҳатмӣ нест, шарҳ додаанд дар Вазорати умумри дохилаи Тоҷикистон.

Ҳамин тариқ ин гуна шахсон то ба анҷом расидани муҳлати шиносномаашон метавонанд ин ҳуҷҷати шахсиашонро иваз накунанд.

Кадом ҳуҷҷатҳо барои ивази шиноснома лозим аст

Барои ивази шиносномаи намунаи куҳна ба нав шаҳрвандон уҳдадоранд чунин санадҳоро дошта бошанд:

-         Шиносномаи муҳлаташ тамом нашудаи намунаи соли 1996

-         Рақами шахсии андозсупоранда (ИНН) ва ё шиносномае, ки дар он муҳри рақами андозсупоранда сабт шудааст. (Кӯдакони то 16-сола барои шиносномагирӣ бояд шаҳодатномаи таваллудашонро бо рақами шахсии андозсупоранда пешниҳод кунанд).

-         Санад дар бораи супурда шудани боҷи давлатӣ аз ҷониби шаҳрванд ба миқдори 10 доллари амрикоӣ, аммо бо асъори миллӣ (иштироккунандагони ҶБВ ва дигар шахсони ба онҳо баробар дониста шуда, маъюбони дараҷаҳои 1 ва 2, аз супурдани боҷӣ давлатӣ озод мебошанд).

-         Як расми 3,5х4,5 мм. (бе доштани сарпӯш рӯйсарӣ)

Ғайр аз рӯйхати санадҳои ҳатмӣ , ҳамчунин ҳуҷҷатҳои иловагӣ низ дар ҳолати шубҳанок будани шаҳрванд, лозим шуданашон мумкин аст.

Муҳлати омодасозии шиноснома тақрибан 15 рӯз аст.

Барои ивази шиноснома ба куҷо бояд муроҷиат намуд

Барои гирифтани ID-шиносномаи намунаи соли 2014 шаҳрванди Тоҷикистон метавонад ба дилхоҳ шуъбаи шиносномадиҳии назди ВКД ноҳияву шаҳрҳо муроҷиат намояд.

Мувофиқи реҷаи Вазорати умумри дохилаи Тоҷикистон ҳамаи шуъбаҳои шиносномадиҳӣ бастаи ҳуҷҷатҳоро дар рӯзҳои корӣ аз соати 8:00 то 22:00 қабул мекунанд.

Баъди супурдани бастаи лозимаи санадҳо муҳлати тайёршавии шиноснома тақрибан 15 рӯз тул мекашад. Паспорти нави тоҷикӣ худ дорои ID-карта мебошад.

Муҳлати ивази шиносномаҳо ва аз нав ба қайдгирии шиносномаҳо то 8 августи соли 2019 муқарар шудааст.

Чаро аз нав ба қайдгирии сим-корт зарур аст

Ҳамаи ин давраҳо барои таъмири амнияти муштариёни мобили ва кулли шаҳрвандони Тоҷикистон мебошанд. Шиносномаи намунаи нав, ки ба он сим-корт сабт карда мешавад, имкон медиҳад на танҳо ному насаб ва суроғаи соҳиби сим-корт муаян карда шавад, балки маълумотҳои биометрӣ: - изи ангуштон ва гуруҳи хун низ муаян карда мешавад.

Чихеле, ки дар Вазорати умури дохилаи Тоҷикистон шарҳ додаанд, ин чораҳо ҳама баҳри “пешгири аз таҳдиди терроризм ва экстремизм” мебошанд.

Чӣ мешавад агар шаҳрванд сим-корташро аз нав ба қайд нагирад

Агар соҳиби сим-корт дар хориҷа бошад ва ё бемор метавонанд ба номи шахси наздикаш ваколатнома нависад то ки ӯ омада сим-кортро сабти ном кунад.

Ваколатнома бояд дар Натариус ба қайд гирифта шуда бошад.

Аз нав ба қайдгирии аз дур пешбинӣ нашудааст.

Чӣ интизор аст шахсонеро, ки мувофиқи муҳлати муқарарӣ наметавонанд сим-кортҳояшонро сабти ном кунанд

Он шаҳрвандоне, ки дар даст шиносномаи намунаи соли 1996-ро доранд ва то 8 августи соли ҷорӣ наметавонанд сим-кортҳояшонро ба қайд бигиранд баъди муҳлати муқарар шуда наметавоананд сим-кортҳояшонро истифода баранд. Ширкатҳои мобилӣ сим-кортҳои аз нав ба қайд нагирифтаро масдуд мекунанд.

Ҳамчунин мувофиқи қонуни нав як шах наметавонад сим-корташро ба шахси дигар диҳад барои ин амал ҷарима таъин шудааст.

Барои фурӯши сим-кортҳои кишварҳои хориҷ дар Тоҷикистон ва ё сим-кортҳои тоҷикӣ ба хориҷиён ҷарима муаян шудааст.

Вакилони парлумон ҳамчунин ислоҳи қонун дар бораи он ки агар шахс сим-корташро ба дигар кас диҳаду он дар навбати худ ба шахси сеюме, ки амалҳои террористӣ анҷом додааст ва ё медиҳад, соҳиби сим-корт низ ба ҷавобгарии ҷиноӣ кашида мешавад.

933
Барчаспҳо:
шиноснома, алоқа, шабакаҳо, мобилӣ, Тоҷикистон
Задержание, архивное фото

"Аттестат"-у диплом мефурӯхт: боздошти директори мактаб бо шариконаш

826
(Таҷдидшуда 17:15 31.05.2020)
Оҷонсии мубориза бо фасод як роҳбари мактаби миёнаро боздошт кардааст, ки дар фурӯши шаҳодатномаи хатм муттаҳам мешавад.

ДУШАНБЕ, 31 май — Sputnik. Бино ба иттилои дафтари матбуотии Оҷонсӣ Ҳусейн Қаюмов дар вазифаи Директори Муассисаи таҳсилоти миёнаи умумии №18-и ноҳияи Деваштич кор карда истода, бо маслиҳати пешакӣ бо омӯзгори МТМУ №2-и шаҳри Истаравшан Фатулло Маҷидов ва Нодир Бобоев ба ин кор даст задаанд.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Ба иттилои манбаъ, номбурдагон моҳи феврали соли 2020 аз шаҳрванд Ҷуразода Ш.Ш. барои ба ӯ бидуни таҳсил омода кардани додани шаҳодатномаи хатми мактаби таҳсилоти миёнаи умумӣ, маблағи 5000 сомонӣ талаб карда гирифта, бар ивази он ба ӯ шаҳодатномаи қалбакиро додааст.

“Инчунин, Қаюмов Ҳ.А. дар якҷоягӣ бо Бобоев Н.П. бо тарзу усули болозикр моҳи феврали соли 2020 аз шаҳрванд Ҷуразода Ш.Ш. барои ба номи шиносаш - Ғаффоров Б.Б. омода кардани додани дипломи хатми Омӯзишгоҳи касбии шаҳри Исфара, маблағи 4000 сомонӣ талаб карда гирифта, тасарруф намудаанд”,- афзудааст манбаъ.

Манбаъ мегӯяд,вобаста ба ҳолатҳои мазкур нисбат ба Ҳусейн Қаюмов, Фатулло Маҷидов ва Нодир Бобоев бо моддаи 247 қисми 3 банди “а” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

Ба иттилои Сулаймон Султонзода, раҳбари Оҷонсии зидди фасод, давоми соли гузашта 122 корманди Вазорати маориф ва илмро бо гумони даст доштан дар амалҳои коррупсионӣ боздошт карда буданд.

 

826
Президент Таджикистана Эмомали Рахмон

Раҳмон гуфт, охири имсол ба раисон аз рӯи чӣ баҳо медиҳад

1553
(Таҷдидшуда 16:45 31.05.2020)
Эмомалӣ Раҳмон, раисиҷумҳури Тоҷикистон, огоҳ кард, ки имсол кори раисони шаҳру навоҳӣ аз рӯи кадом меъёрҳо баҳогузорӣ хоҳад шуд

ДУШАНБЕ, 31 май - Sputnik.  Раисиҷумҳури Тоҷикистон дар мулоқот бо масъулин ва фаъолони вилояти Хатлон иттилоъ дод, ки охири имсол ба кори раисон аз рӯи ташкили корхонаҳо, ҷойҳои нави корӣ ва ҷалби сармояи ватанию хориҷӣ баҳогузорӣ хоҳад шуд.

 “Бори дигар таъкид менамоям, ки роҳбарияти вилоят ва шаҳру ноҳияҳои он дар самти ташкили корхонаву коргоҳҳои нави саноатӣ, ба кор андохтани иқтидорҳои мавҷуда, ҷалби сармояи ватаниву хориҷӣ, таъсиси ҷойҳои нави корӣ ва фароҳам овардани шароити мусоиди соҳибкориву сармоягузорӣ масъул мебошанд ва фаъолияти онҳо дар давоми сол аз рӯи ин нишондиҳандаҳо арзёбӣ карда мешавад”, - изҳор дошт Эмомалӣ Раҳмон.

Раисиҷумҳур ба ҳукуматҳои шаҳру ноҳияҳо супориш дод, ки то охири соли 2020 доир ба корҳои дар самтҳои зикршуда иҷрогардида ба Дастгоҳи иҷроияи Президент ҳисоботи муфассал пешниҳод намоянд.

Ӯ зикр намудаст, ки 92 фоизи нерӯи барқи дар кишвар тавлидшаванда ба вилояти Хатлон рост меояд ва ба ҳамин далел имкониятҳо дар самти ташкили корхонаву коргоҳҳои истеҳсолӣ хеле зиёданд.

Ба гуфтаи раисиҷумҳур, дар вилоят маҳз ҳамин афзалиятҳо ба рушди саноати нассоҷӣ, хӯрокворӣ, металлургия, кимиё, мошинсозӣ ва дигар бахшҳои саноати коркард мусоидат карда метавонанд.

1553
Рынок в Душанбе Корвон

Эълони ҳукумати Душанбе дар бораи кори бозорҳо, кошонаҳои ҳусну нуқтаҳои мошиншӯйӣ

1164
(Таҷдидшуда 21:25 31.05.2020)
Ҳукумати Душанбе қарор кардааст, ки бозорҳои либосфурӯшӣ, нуқтаҳои мошиншӯӣ, телефонфурӯшӣ ва кошонаҳои ҳусну сартарошхонаҳо то нимаи июн баста мемонанд

ДУШАНБЕ, 31 май - Sputnik. Котиботи ҳукумати Душанбе ҳадафи қарорро ҷилавгирӣ аз сирояти  COVID-19 гуфта, таъкид намудааст, ки ҳамаи бозорҳои либосфурӯшию кошонаҳои ҳусн, сарфи назар аз моликияташон то 15 июн баста хоҳанд буд.

“Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт, пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд”, - омадааст дар иттилоия.

Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд.

Ҳукумати шаҳри Душанбе охири моҳи апрел ба хотири ҷилавгирӣ аз густариши “вируси корона” кори бозорҳои либосфурӯшии шаҳрро пурра қатъ ва дар онҳо рӯзҳои санитарӣ эълон карда буд.

1164
Барчаспҳо:
бозор, нуқтаи назар, Тоҷикистон