Противопехотные и противотанковые мины

Давоми 10 сол Тоҷикистон беш аз 3 ҳазор маводи гуногуни таркандаро безарар гардондааст

69
(Таҷдидшуда 10:55 24.06.2019)
Аз соли 2009 то имрӯз 3 ҳазор километри мураббаи хоки Тоҷикистон аз минаҳо поксозӣ карда шудааст

ДУШАНБЕ, 21 июн — Sputnik. Дар Тоҷикистон дар давоми 10 соли гузашта маҳви зиёда аз 16 ҳазор минаи зиддипиёдагард ва 3 ҳазор маводи гуногуни тарканда пайдо ва безарар гардонида шудааст, таъкид намудааст Сардори Раёсати қӯшунҳои муҳандисии ситоди генералии Қувваҳои мусаллаҳи Тоҷикистон Саёрабек Бачабекзода дар шаҳри Вена дар ҷаласаи навбатии Форуми ҳамкории амниятии САҲА (FSC).

Ба гуфтаи вай, аз соли 2009 то имрӯз беш 3 ҳазор км мураббаи хоки тоҷикистон аз минаҳо поккорӣ шудааст.

Генерал-майор Бачабекзода ба саҳми САҲА дар татбиқи Барномаи давлатии безараргардонии башардӯстонаи минаҳо дар Тоҷикистон баҳои баланд дода, таъкид кард, ки аз соли 2009 то имрӯз ҳамкориҳо миёни Тоҷикистон ва САҲА натиҷаҳои назаррас додаанд.

“Масалан, таъсиси ротаи безараргардонии башардӯстонаи минаҳо дар Вазорати мудофиаи Ҷумҳурии Тоҷикистон, ба поксозии 3 ҳазор км мураббаъ аз минаҳо, маҳви зиёда аз 16 ҳазор минаи зиддипиёдагард ва 3 ҳазор маводди гуногуни тарканда мусоидат кардааст”, - гуфт вай.

Инфиҷор дар Петербург: дар академияи низомӣ мина таркид

Инчунин, зимни ҷаласа тазаккур дода шуд, ки ҷиҳати тавсеаи фаъолият дар ин раванд Стратегияи миллии Тоҷикистон доир ба фаъолияти башардӯстонаи зидди минаҳо мавриди татбиқ қарор дода шудааст.

Ёдрас мешавем, ки 19 июни соли равон дар қасри Ҳофбурги шаҳри Вена ҷаласаи навбатии Форуми ҳамкории амниятии САҲА (FSC) доир гардид. Ҷаласаи мазкур таҳти раёсати Тоҷикистон баргузор гардида, ба барномаҳои марбут ба мудирияти захираҳои силоҳи сабуки оташфишон ва захираҳои муҳиммоти муқаррарӣ дар Осиёи Марказӣ бахшида шуда буд.

Тавре сомонаи расмии Вазорати хориҷаи Тоҷикистон хабар додааст, дар ҳамоиш генерал-майор Саёрабек Бачабекзода, ба ҳайси суханвари калидӣ, роҷеъ ба барномаҳои марбут ба маҳви захираҳои силоҳи сабуки оташфишон ва муҳиммоти муқаррарӣ, нигаҳдории онҳо, инчунин лоиҳаҳои безараргардонии башардустонаи минаҳо дар Тоҷикистон гузориш ироа кард.

69
Барчаспҳо:
безарар кардан, нобуд, таркиш, маводи тарканда, мина, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

584
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

584
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

47
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

47
Барчаспҳо:
озмун, пахта, Тоҷикистон