Эмомалӣ Раҳмон, раисиҷумҳури Тоҷикистон, акс аз бойгонӣ

Раҳмон дар Рашт: ҳамаи гумроҳшудагон аз хориҷа баргардонда шаванд

147
(Таҷдидшуда 16:00 24.06.2019)
Эмомалӣ Раҳмон, раисиҷумҳури Тоҷикистон зимни сафари корияш ба водии Рашт хостори баргардондани ҳамаи шаҳрвандони гумроҳшудаи кишвар ба Ватан шуд

ДУШАНБЕ, 24 июн — Sputnik. Раисиҷумҳур имрӯз зимни мулоқот бо сокинони ноҳияи Нуробод гуфт, дар давоми чанд соли охир дар задухӯрдҳои давлатҳои хориҷӣ аз ҳисоби сокинони ноҳияи Нуробод 68 нафар иштирок намудаанд ва соли 2018 ҳамагӣ се нафари онҳо ба Ватан баргардонида шудаанд.

“Зарур аст, ки барои баргардонидани ҳамаи онҳо аз тамоми имкониятҳо истифода карда шавад”, - таъкид кардааст Эмомалӣ Раҳмон.

Ӯ афзуд, кӯшиши бештар ба харҷ додан лозим аст, ки на танҳо чунин шаҳрвандони гумроҳшуда, балки дигар афроде, ки дар кишварҳои хориҷӣ ба таҳсили ғайриқонунии динӣ фаро гирифта шудаанд, ба зодгоҳи худ баргардонида шаванд.

Раисиҷумҳури Тоҷикистон дар ин мулоқот аз вазъи бисёр ноороми ҷаҳони муосир ҳушдор додааст.

“Дар чунин шароит мову шумо вазифадорем, ки ба шукронаи соҳибихтиёрии давлату миллатамон ҳамеша сарҷамъу муттаҳид бошем, ба хотири ободии Ватани маҳбубамон – Тоҷикистон боз ҳам бештар ва аҳлона заҳмат кашем, ба тарбияи дурусти фарзандон – соҳибони ояндаи кишвар ва дар рӯҳияи ифтихори миллӣ ва ватандӯстиву ватанпарварӣ тарбия кардани онҳо эътибори аввалиндараҷа диҳем”, - таъкид кардааст Эмомалӣ Раҳмон.

147
Барчаспҳо:
сафари Эмомалӣ Раҳмон, дастгир шудани муттаҳамон ба ҳамкорӣ бо ДОИШ, ҷумҳурӣ, Тоҷикистон

Вазорат аз 39 ҳолати нави сироятёби ба COVID-19 дар Тоҷикистон хабар дод

9
(Таҷдидшуда 19:02 24.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 24 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 39 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 24 ноябр 11 ҳазору 971 ҳолатро ташкил медиҳад.

"Дар як шабонарӯзи охир 43 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 355 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8% - и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID - тадбир ва чораҳои заруриро амалӣ менамояд.

9
Барчаспҳо:
фавт, вазорат, вируси корона, Тоҷикистон
Чайхона в Дангаре, архивное фото

Чойхонаи тоҷикон дар Амрико ба макони таърихӣ табдил ёфт

24
(Таҷдидшуда 17:57 24.11.2020)
Шӯрои шаҳри Боулдер дар иёлати Колорадои Амрико чойхонаи "Боулдер-Душанбе" - ро ба унвони ёдгории тарихӣ эътироф кард ва қарор кард, ки қисматҳои дохилӣ ва берунии онро ҳифз кунад

ДУШАНБЕ, 24 ноя — Sputnik.  Радиои Садои Хуросон ба нақл аз расонаҳои маҳаллӣ иттилоъ додааст, ки шӯрои шаҳри Боулдери Амрико тасмими ниҳоӣ дар ин мавридро сеюми декабр хоҳад гирифт.

Новая чайхана в Гиссаре
© Официальная страница пресс-службы президента РТ в Facebook

Шаҳрдори Боулдер Сем Вивер  (Sam Weaver) чойхонаи тоҷикиро "Ганҷинаи Боулдер" хонда ва гуфтааст: "Мо ифтихор мекунем, ки шаҳри мо дорои чунин сохтмони зебое бо атру таъми шарқӣ аст".

Гурӯҳе бо номи "Дӯстони чойхонаи Боулдер - Душанбе" аз мақомоти шаҳрдорӣ хостаанд, ки ҳунармандони тоҷикро барои тармими бино даъват кунанд.

"Дар ҳоле ки гурӯҳи террористии ДОИШ мероси таърихӣ ва фарҳангии исломро нобуд мекунад, мо бояд онро ҳамчун ҷузъи фарҳанги исломӣ ҳифз кунем", - гуфт яке аз аъзои гурӯҳ.

Боми дарунии чӯбии чойхонаро рассомони тоҷик кандакорӣ ва наққошӣ кардаанд.

Боулдер соли 1987 бародари шаҳри Душанбе шуд ва ҳамзамон сохтмони ин чойхона ба тасвиб расид.

24
Барчаспҳо:
чойхона, таърихӣ, ёдгориҳо, Амрико, Тоҷикистон