Кинолог играет собакой. Архивное фото

Қазияи оташ задани Осияи 6-сола: ВУД сабаби ба ҳабс нагирифтани гумонбаронро гуфт

2134
(Таҷдидшуда 16:29 25.06.2019)
Вазорати умури дохилаи Тоҷикистон мегӯяд, гумонбарони оташ задани духтараки 6-сола дар ноҳияи Рӯдакӣ бо далели наврас буданашон боздошт нашуда, аммо масъалаи ҷудо кардани онҳо аз ҷомеа ба наздикӣ ҳал мешавад

ДУШАНБЕ, 25 июн — Sputnik. Қазияи оташ задани духтараки шашсола бо номи Осия дар ҷамоати деҳоти Чоряккорони ноҳияи Рӯдакӣ ҷомеаи Тоҷикистонро сахт нигарон кардааст: далели даст ба ин кори даҳшатбор задани гумонбарон маълум несту ҳама гумонбарон наврасанд, ки ҳамагӣ аз 9 то 13-сол доранд.

Бо Осия чӣ карданд?

Вазорати умури дохилаи Тоҷикистон 22 июн расман ҳодисаро шарҳ дод: 19 июн, тахминан 11:30 духтараки 6-сола бо ҷароҳатҳои аз сӯхтори дараҷиаи вазнин ба беморхона дастрас карда шуд. Бо гумони даст доштан дар ин қазия се ноболиғ дастгир карда шуданд.

Дертар тафсилоти ҳодиса маълум шуд: 3 наврасе, ки дар даст доштан дар ин ҷиноят гумонбар мешаванд, Осияро аввал ба симтӯр баставу сипас оташ задаанд. Аммо ба иттилои расонаҳо, нисбати ин наврасон то ҳол чораҷӯие анҷом дода нашудаасту ҳамдеҳагон шикоят мекунанд, ки яке аз онҳо то ҳол бо ҳамон саги калонаш дар деҳа мегардад.

Президент Таджикистана Эмомали Рахмон
© Официальная страница пресс-службы президента РТ в Facebook.

Соҳиби саг, ки Осияро бо он тарсонида буданд, Умед Очилдиеви 13-сола дар мактаб-интернати ноҳияи Ҳисор таҳсил мекардааст.

Пештар наздикони Осия  нигарон шуда буданд, ки гумонбаронро ба мақомот таслим карданду аммо онҳо раҳо шудаанд.

Чаро ба ҳабси пешакӣ гирифта нашуданд?

Sputnik Тоҷикистон аз сухангӯи Вазорати умури дохилаи Тоҷикистон Умарҷони Эмомалӣ  рафти тафтишоти ҳодисаи мазкурро пурсон шуд. Ба гуфтаи сухангӯи ВУД, сабаби асосии боздошт нашудани гумонбарони асосӣ синну соли онҳост. Аммо мақомот нақша доранд, ки ба наздикӣ онҳоро аз ҷомеа изолятсия кунанд.

Умарджони Эмомали пресс-секретарь МВД Таджикистана
Умарджони Эмомали пресс-секретарь МВД Таджикистана

"Тафтишоти ҳодисаи мазкур дар дасти Прокуратураи ноҳияи Сино қарор дорад. Вобаста ба боздошт ва ба ҳабси пешакӣ гирифта нашудани гумонбарони асосӣ мо низ аз мақомоти прокуратура пурсон шудем", - гуфт Умарҷони Эмомалӣ.

Тавре вай афзуд, далели асосии боздошт нашудани наврасон, "ин субъекти ҷиноят ҳисоб нашудани онҳост, ки вобаста ба синну сол аст".

"Наврасони гумонбаршаванда аз 9 то 13-солаанд. Субъекти ҷинояте, ки онҳо содир кардаанд,  аз 14-сола сар мешавад. Яъне дар ин намуди ҷиноят ба ҷавобгарӣ аз синни 14-солагӣ кашида мешаванд. Калонтарини гумонбаршавандаҳо 13-сола аст. Барои ҳамин, онҳоро намешавад дар маҳкама нигоҳ дошт. Феълан санҷиши прокуратура идома меёбад, ки шояд ягон ҳафтаи дигар лозим шавад ва баъди анҷоми тафтишот нисбати ноболиғон чораҷӯӣ мешавад", - гуфт сухангӯ.

Ба гуфтаи Умарҷони Эмомалӣ бо эҳтимоли ғолиб ин наврасон ба мактаби душвортарбия ироа карда мешаванд.

Афзун бар ин, вобаста ба ин ҳодиса Шӯъбаи корҳои дохилии ноҳияи Сино ҳам муваззаф шудааст, ки ин қазияро пайгирӣ кунад ва махсусан бо саг анҷом ёфтани ҷиноятро дида барояд.

"Арзу даъвое, ки шаҳрвандон карданд, санҷида мешавад, аризаҳои онҳоро гирифта асос карда, баъд нисбати саг ва падару модар ва худи ноболиғ чора мебинем. Масъалаи изолятсияи ӯ аз ҷомеа ба наздикӣ ҳалли худро меёбад", - таъкид дошт сухангӯи ВУД Тоҷикистон.

Ноболиғ бошанд ҳам, ҷиноятро гурӯҳӣ анҷом додаанд

Коршиноси тоҷик Шокирҷон Ҳакимов мегӯяд, боздошт нашудани гумонбарони ҳодиса сабабҳои худро дорад, ки яке аз онҳо ноболиғ будани онҳо аст. Аммо тафтишот идома меёбаду нисбати ҷинояткорон чораҷӯӣ мешавад.

"Агар додгоҳ лозим донад, ҷинояткорон то синну соли муайян расидан, ба муассисаҳои ислоҳӣ равон карда мешаванд. Мувофиқи Кодекси ҷиноии Тоҷикистон, дар бархе ҳолатҳо ба ҷавобгарии ҷиноӣ аз 14 ва дар бархе аз 16-солагӣ кашида мешавад, ки ин вобаста ба ҳолат аст", - тавзеҳ медиҳад Ҳакимов.

Ҳолати вазнинкунандаи ҳодисаи мазкур - ин гурӯҳи анҷом додани он мебошад, таъкид кард коршинос.

Ба гуфтаи Шокирҷон Ҳакимов, сабабҳои сар задани чунин қазияи нигаронкунанда - пайомади манфии нопурра будани оилаҳо ва камтар нашудани муҳоҷир аст.

Мурофиаи 15-дақиқаӣ: чӣ гуна Аҳмад Амирӣ, додраси Ироқ занони тоҷикро ҳукм кард?

"Вақте оила нопурра аст, кӯдак зери таъсири тарбияи бобо ё бибӣ ва ё падар, ё модар мемонад. Ин дар оянда ба рафтори наврасон таъсир мегузорад. Хусусан, имрӯзҳо бо далели муҳоҷирати корӣ тарбияи фарзанд бештар ба дӯши модарон мондааст, ки ин албатта бетаъсир нест", - гуфт коршинос.

Дар зимн, ёдрас мешавем, ки ба гуфтаи модари Умед Очилдиев, тарбияи фарзандаш танҳо  дар дӯш ӯсту чанд сол қабл аз падари Умед ҷудо шудаанд.

Осия чӣ аҳвол дорад?

Ба иттилои пизишкон дар натиҷаи ин ҳодиса 65 дар сади Осияи 6-сола сӯхтаву ҳолати вай то ҳол вазнин арзёбӣ мешавад. Осия ба ҳуш омадааст ва аз нақл кардааст, ки се наврас  ӯро бо саг тарсонида пояшро баста оташ задаанд. 

Пештар аз рух додани чунин ҳодиса худи раисҷумҳури Тоҷикистон Эмомалӣ Раҳмон изҳори нагаронӣ намуда, бевосита ба вазири тандурустии кишвар Насим Олимзода супориш дода буд, ки табобати духтаракро зери назорати шахсиаш бигирад.

2134
Журналист, архивное фото

Дархост аз мақомоти тоҷик барои пешгирии таҳқиру бадномсозии рӯзноманигорон

97
(Таҷдидшуда 21:06 29.05.2020)
Гуруҳи созмонҳои рӯзноманигорӣ, сардабирон ва рӯзноманигорони Тоҷикистон аз мақомоти умури дохилӣ, додситонӣ ва амнияти миллӣ хостаанд, пеши роҳи лату кӯб ва бадномсозиву таҳқир кардани рӯзноманигоронро гиранд

ДУШАНБЕ, 29  май — Sputnik. Созмонҳо ва гуруҳи рӯзноманигорони Тоҷикистон аз ҳолатҳои латукӯби Абдуллоҳ Ғурбатӣ, ки ҳангоми иҷрои вазифаи касбӣ сурат гирифт, нигаронияшро баён намуд.

Дар изҳорот зикр шудаст, ки Абдуллоҳ Ғурбатӣ, дар вақти таҳияи гузориш дар бораи осебдидагон аз офати табиӣ дар ноҳияи Хуросон латукӯб шудааст ва таъкид гардидааст, ин амалкард хилофи қонунгузории кишвар мебошад.

"Мувофиқи моддаи 28-и қонун “Дар бораи матбуот ва дигар воситаҳои ахбори омма” ҳузури рӯзноманигор дар маҳалли ҳодиса ҳаққи қонунии ӯ буда, ин амал монеъ шудан ба фаъолияти касбӣ ва тибқи моддаи 162-и Кодекси ҷиноятии ҶТ ҷиноят аст", - хотиррасон кардаанд созмонҳои рӯзноманигорӣ.

Ғурбатӣ инчунин 11 май дар назди манзили истиқоматияш дар шаҳри Душанбе латукӯб шуда буд, ки аз рӯи он Вазорати умури дохилии Тоҷикистон парвандаи ҷиноӣ оғоз карда буд, вале дар бораи омилони ин ҷиноят то ҳол гузориш надодааст.

Дар идомаи изҳороти созмонҳои журналистӣ омадааст, ки дар ҷомеаи демократӣ ба ҳама гуна амалкарди хилофи қонун бояд вокуниши сареъи мақомот сурат гирифта, ҳамлаварон пайдо ва дар ҷаҳорчӯби қонун ба ҷавобгарӣ кашида шаванд.

Созмонҳои рӯзноманигорӣ инчунин бо зикри ҳолатҳои таҳқири рӯзноманигори тоҷик Шаҳлои Гулхоҷа дар шабакаҳои иҷтимоӣ таъкид намудааст, ки "вақтҳои ахир дар шабакаҳои иҷтимоӣ аз сӯйи баъзе корбарони маълуму номаълум нисбат ба рӯзноманигорони алоҳида маводу матлабҳо ва аксу видеоҳои таҳқиркунандаи шахсияти рӯзноманигорон хеле зиёд ба назар мерасад, ки ин боиси нигаронии шадии ҷомеаи рӯзноманигорӣ шудааст".

Созмонҳо ва рӯзноманигорон аз мақомоти масъули давлат, Кумитаи давлатии амнияти миллӣ, Прократураи генералии Ҷумҳурии Тоҷикистон ва Вазорати корҳои дохилӣ даъват кардаанд, ки пеши роҳи лату кӯб ва бадномсозиву таҳқир кардани рӯзноманигорон гирифта шавад ва фазои мусоиди ҳамкориву муколама таъмин шавад.

97
Барчаспҳо:
таҳқир, қатъ, Тоҷикистон
Вышка на пограничном посту Максат в Лейлекском районе Баткенской области.

Вазъи сарбози маҷрӯҳшудаи тоҷик дар марзи Тоҷикистону Қирғизистон хуб арзёбӣ мешавад

67
(Таҷдидшуда 19:42 29.05.2020)
Сарбози 19 - солаи тоҷик Давлатёр Зоиров, ки аз тири марзбонони қирғиз ҷароҳат бардошта буд, то ҳол дар бемористон қарор дорад

ДУШАНБЕ, 29  май — Sputnik. Пизишкон вазъи саломатии Давлатёр Зоиров, сарбози 19 - солаи тоҷикро хуб арзёбӣ мекунанд. Ба иттилои котиботи маъмурияти шаҳри Исфара, Зоиров дар бемористони минтақавӣ таҳти муолиҷа қарор дорад.

Номбурда рӯзи 24 - уми май аснои тирпарронӣ дар марзи Тоҷикистону Қирғизистон аз тири сарҳадбонони қирғиз захм бардошт.

Муноқишаи марзӣ пас аз он сар шуд, ки рӯзи 24 май чӯпонони қирғиз сарҳадро убур карда, ба як маҳаллае дар вилояти Суғд расидаанд. 

Тирпаронӣ дар марз: КДАМ гуфт, марди қирғиз ҷавонзани тоҷикро паронд

Сарҳадбонони тоҷик кӯшиш карданд, ки муноқишаро ҳал кунанд, аммо марзбонони қирғиз сӯйи ҳамтоёни худ оташ кушоданд.

Бар тибқи изҳороти Кумитаи давлатии амниятии миллии Тоҷикистон, "ҷониби Қирғизистон ба ҷои иҷрои созишномаҳои дуҷониба оид ба демаркатсияи минтақаҳои баҳс, ба ҷойи ҳодиса сарҳадбонони иловагиро фиристод, ки онҳо самти сокинони осоишта оташ кушоданд".

67
Барчаспҳо:
сарбоз, Қирғизистон, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

618
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

618
Барчаспҳо:
Тоҷикистон