Президент Таджикистана Эмомали Рахмон

Раҳмон ба Рашт рафту роҳи навсозро дар шаҳраки Навобод ифтитоҳ кард

273
(Таҷдидшуда 09:36 26.06.2019)
Имрӯз, Президенти Тоҷикистон Эмомалӣ Раҳмон барои шиносоӣ бо вазъи зиндагии мардум ва иштирок дар ифтитоҳи як қатор иншоот ба ноҳияи Рашт сафар кард

ДУШАНБЕ, 26 июн — Sputnik.  Бино бар иттилои дафтари матбуоти раисҷумҳур, Эмомалӣ Раҳмонро сокинон бо шукӯҳу самимияти беандоза истиқбол гирифтанд.

Дар шаҳраки Навободи ноҳияи Рашт раисҷумҳури Тоҷикистон Эмомалӣ Раҳмон як қисмати роҳи маҳаллиро, ки пурра навсозӣ шудааст, мавриди истифода карор дод.

Тавре дафтари матбуоти раисҷумҳур иттилоъ додааст, бо саҳми соҳибкорон чанд сол қабл бештар аз 10 километр роҳи автомобилгарди Сари пул то шаҳраки Навобод мумфарш карда шуда, дар марҳилаи дуюм низ наздик ба 10 километри дигари роҳ дар идомаи вусъати корҳои ободонию созандагӣ навсозӣ гардидааст. Мумфарш намудани роҳи маркази шаҳраки Навобод дар як муҳлати кӯтоҳ сурат гирифта, ду шафати роҳи мазкур чароғон карда шудааст.

Манбаъ ёдрас шудааст, ки роҳҳои маҳаллии ҳудуди шаҳраки Навобод дар гузашта вайрону валангор буданд ва ҳаракати воситаҳои нақлиёт ба мушкилӣ сурат мегирифт.

Рабочая поездка президента Таджикистана Эмомали Рахмона
© Официальная страница пресс-службы президента РТ в Facebook.

Як зумра соҳибкорони ноҳия дар навсозии роҳҳои маҳаллӣ фаъолона саҳм гузоштанд. Ҳамзамон тариқи роҳи мазкур ҳамарӯза даҳҳо воситаҳои нақлиёт ҳаракат намуда, сокинон низ дар ҳама фаслҳои сол бе мушкилӣ рафту омад мекунанд. Навсозии роҳҳои маҳаллӣ имкон фароҳам овард, ки рушди дигар соҳаҳои хоҷагии халқ дар ин минтақаи кӯҳистони мамлакат давра ба давра таъмин гардад.

Инчунин манбаъ қайд намудааст, ки тайи як соли охир 41 километри роҳҳои маҳаллии ҳудуди шаҳраку деҳоти ноҳияи Рашт бо дасгирии Ҳукумати Тоҷикистон навсозӣ гардида, дар ҳама фаслҳои сол ҳаракати воситаҳои нақлиëт таъмин мебошад.

“Баъди навсозии роҳи маҳаллии шаҳраки Навобод мушкилоти чандинсолаи сокинони дигар деҳаҳои ноҳияи Рашт низ бартараф шуда, имконият фароҳам меорад, ки ҳаҷми интиқоли молу маҳсулот аз ин минтақаҳои кӯҳистони мамлакат афзоиш ёфта, сатҳи некуаҳволии мардум боз ҳам беҳтар гардад”,- таъкид намудааст манбаъ.

Дафтари матбуоти раисҷумҳур ҳамчунин қайд намудааст, ки дар доираи вусъати корҳои ободонию созандагӣ бахшида ба 30-солагии Истиқлолияти Тоҷикистон навсозии зиëда аз 20 километр роҳҳои маҳаллӣ дар қаламрави шаҳраку деҳоти ноҳияи Рашт ба нақша гирифта шудааст, ки ин иқдоми ободкорона тадриҷан амалӣ карда мешавад.

273
Барчаспҳо:
навсозӣ, роҳ, ифтитоҳ, Эмомалӣ Раҳмон, Раисҷумҳур, сафари корӣ, Рашт, Тоҷикистон
Народный поэт Таджикистана Гулназар Келди

Вазорати фарҳанги Тоҷикистон ба наздикони Гулназар Келдӣ изҳори ҳамдардӣ кард

26
(Таҷдидшуда 19:54 15.08.2020)
Вазорат мегӯяд, ки аз даргузашти шоири мардумии Тоҷикистон, муаллифи Суруди миллӣ Гулназар Келдӣ сахт андӯҳгин аст

ДУШАНБЕ, 15 авг — Sputnik. Вазорати фарҳанги Тоҷикистон аз даргузашти шоири мардумии Тоҷикистон Гулназар Келдӣ изҳори андӯҳ карда, ба наздикони шоири маҳбуби тоҷик  ҳамдардӣ кардааст. Дар ин бора дафтари матбуоти вазорат гузориш медиҳад.

"Вазорати фарҳанги Ҷумҳурии Тоҷикистон ва аҳли фарҳангу ҳунари кишвар нисбати даргузашти Шоири халқии Тоҷикистон, муаллифи Суруди миллии Тоҷикистон Гулназар Келдӣ сахт андӯҳгин буда, ба пайвандони марҳум изҳори ҳамдардии амиқ мекунанд", - менависад манбаъ.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

Маросими видоъ бо устод Гулназар Келдӣ - навори муфассал

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

26
Мужчина в защитной маске

Вазорати тандурустӣ омори нави коронавирусро дар Тоҷикистон нашр кард

440
Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд

ДУШАНБЕ, 14 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 91 нафар гумонбарон зери назорати табибон қарор дошта, 38 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  8029 нафар баробар гардид.

"Ҳамзамон, то санаи  15 август дар мамлакат  6815  (84,9%) нафар аз бемории COVID-19 шифо ёфта,  бар асари он 64  нафар фавтидаанд", - менависад манбаъ.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия ба истеҳсоли ваксина алайҳи коронавирус шурӯъ кард

Дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

440