Статуя Исмаила Самани

Зоҳидӣ: иллати шикасти давлати Сомониён вуҷуди тафриқа ва набуди ваҳдати миллӣ буд

424
(Таҷдидшуда 12:56 28.06.2019)
Низомиддин Зоҳидӣ, сафири Тоҷикистон дар Эрон дар маросими ҷашни Рӯзи ваҳдати миллӣ дар сафорати Тоҷикистон дар Эрон гуфт, иллати шикасти давлати Сомониён дар ҳазор сол пеш вуҷуди тафриқа ва набуди ваҳдати миллӣ будааст

ДУШАНБЕ, 28 июн — Sputnik. Сафири Тоҷикистон дар Эрон, ки дар миёни ҷамъе аз тоҷикистониҳои муқими Эрон сухан мегуфт, афзуд, тоҷикистониҳо баъд аз инқирози Сомониён, дар соли 1991 бо ваҳдати худ ба истиқлол даст ёфтанд ва акнун як кишвари мустақил доранд, иттилоъ додааст хабаргузории Parstoday.

Ба гуфтаи вай, иллати шикасти давлати Сомониён дар ҳазор сол пеш вуҷуди тафриқа ва набуди ваҳдати миллӣ будааст. 

Низомиддин Зоҳидӣ бо интиқод аз тафриқаафканон байни мардум ва давлати Тоҷикистон гуфт, бадхоҳон, ҷанги таҳмилии дохилии Тоҷикистонро ба роҳ андохтанд ва ҳастии мардуми ин кишварро вайрон карданд.

Баҳои баланди президенти Эрон Ҳасан Руҳонӣ ба ҳукумати Тоҷикистон

Зоҳидӣ бо ишора ба имзои созишномаи сулҳ бо миёнҷигирии Эрон афзуд, Эмомалӣ Раҳмон, раисиҷумҳури Тоҷикистон дар 22 сол пеш бо имзои созишнома, мӯҷиботи ваҳдати мардум ва гурӯҳҳоро фароҳам овард ва акнун даврони ҳастисозии Тоҷикистон аст.

Вай бар ҳифзи Ваҳдати миллӣ ва тақвияти равобит бо кишварҳои ҳамзабон ва ҳамсоя таъкид кард.

Пас аз мулоқоти Раҳмону Руҳонӣ: сафири тоҷик эътимодномаашро ба президенти Эрон супурд

Муродҷон Бердибоев, муовини сафири Тоҷикистон дар Эрон, доктор Нор Норов аз кормандони радио тоҷикии Садои Хуросон, Шоҳмансур Шоҳмирзо, коршиноси мизи Тоҷикистон дар ЭКО ва як донишҷӯи тоҷик дар донишгоҳҳои Эрон дар бораи аҳаммияти Ваҳдати миллии Тоҷикистон ва парҳез аз тафриқа, нифоқ ва тақвияти равобити Эрон ва Тоҷикистон бо кумаки радио тоҷики Садои Хуросон матолибе баён карданд.

424
Барчаспҳо:
Низомиддин Зоҳидӣ, сафири Тоҷикистон, сафир, таҷлил, Рӯзи Ваҳдати миллӣ, ҳамкорӣ, Эрон, Тоҷикистон
День 28 мая

Ҷашнҳои рӯзи 28 май дар Тоҷикистон ва ҷаҳон

40
(Таҷдидшуда 03:53 28.05.2020)
Рӯзи бисту ҳаштуми май дар Тоҷикистн аз Рӯзи сарҳадчиён ҷашн гирифта мешавад. Ҳамчунин дар ин рӯз дар Эфиопия Рӯзи суқути низомӣ қайд карда мешавад

Рӯзи 28 май дар ҷаҳон чӣ рух дод

Соли 1993 Монако узви 182-юми СММ шуд.

Соли 2009 Президенти вақти Туркия Абдулло Гул бо сафари расмӣ ба Тоҷикистон омад.

Соли 1863  дар Бостон аввалин маротиба дар Америка полк ташкил карда шуд, ки он танҳо аз сарбозони сиёҳпӯст иборат буд.

Рӯзи 28 май дар Тоҷикистон чӣ рух дод

Соли 2003 Парлумони Тоҷикистон Қонуни Ҷумҳурии Тоҷикистон «Дар бораи реклама»-ро қабул кард.

Соли 2008 бо Қарори Ҳукумати Ҷумҳурии Тоҷикистон «Қоидаҳои ташкил ва низоми нигаҳдории ҳудудҳои таърихию фарҳангии махсус ҳифзшаванда»  тасдиқ гардид.

Соли 2009 дар шаҳри Душанбе миёни Тоҷикистону Туркия 3 санади нави ҳамкорӣ ба имзо расид.

День 27 мая
© Sputnik / Стас Этвеш / Вишнякова Мария

Соли 2010 «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020» қабул гардид.

Соли 2013 дар шаҳри Бишкек миёни Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин доир ба роҳҳои рушди минбаъдаи ҳамкорӣ дар соҳаҳои энергетика, саноат, илму техника, маориф, фарҳанг ва густариши робитаҳо миёни минтақаҳои ду кишвар гуфтугӯйи судманд сурат гирифт.

Соли 2014 пас аз анҷоми мулоқоту музокирот миёни Президенти Тоҷикистон Эмомалӣ Раҳмон ва Подшоҳи Мамлакати Баҳрайн шайх Ҳамад ибни Исо оли Халифа  7 санади нави ҳамкорӣ ба имзо расид.

Соли 2012 дар Минск ҷаласаи шӯрои роҳбарони Агентиҳои иттилоотии давлатии Иттиҳоди Давлатҳои Мустақил  баргузор гардид.

Соли 2014 дар Баҳрайн Форуми истеҳсолкунандагон ва соҳибкорони Тоҷикистону Баҳрайн баргузор гардид.

Ҷашнҳои рӯзи 28май


 

  • Дар Тоҷикистон — Рӯзи сарҳадчиён.
  • Дар Эфиопия — Рӯзи суқути низоми ҳарбӣ.
  • Дар Озарбойҷон- Рӯзи ҷумҳурӣ.
40
Меваю сабзавот дар бозор, акс аз бойгонӣ

Азми мақомоти Хатлон барои содироти 90 ҳазор тон меваю сабзавот ба хориҷа

112
(Таҷдидшуда 20:54 27.05.2020)
Мақомоти Хатлон мегӯянд, имрӯз, 27 май, аз вилоят ба Русия боз 50 тонна олу содир карда шуд. Соҳибкорони маҳаллӣ олуро аз ноҳияи Кӯшониён дар қуттиҳои махсус бор карда, тавассути мошинҳои борбар роҳии Санкт-Петербург намуданд

ДУШАНБЕ, 27  май — Sputnik. Тибқи иттилои мақомоти Хатлон, рӯзе пеш боғпарварони ноҳияи Ҷалолиддини Балхӣ низ бо мусоидати бахши намояндагии Агентии содироти назди Ҳукумати Ҷумҳурии Тоҷикистон дар вилоят ба хориҷи кишвар 51 тонна меваҷотро содир карда буданд.

Президент Эмомали Рахмон открыл спортивный комплекс в Ховалингском районе
© Официальная страница пресс-службы президента РТ в Facebook.

Манбаъ таъкид намудаст, ки имрӯз аз вилояти Хатлон, асосан навоҳии Ҷ. Балхӣ, Кӯшониён ва Ҷайҳун ба хориҷи мамлакат ҷамъан 139 тонна мева бо иловаи лимӯ содирот шудааст.

“Мавсими содироти меваҷот, тавре ки мутахассисон таъкид мекунанд, тоза шурӯъ шудааст. Имсол, тибқи дурнамо аз шаҳру навоҳии вилояти Хатлон ба мамолики хориҷи дуру наздик 90 ҳазор тонна меваю сабзавот содирот хоҳад шуд”, - омадааст дар иттилоия.

Мақомоти Хатлон мегӯянд, то 27 май ин нақша ба андозаи 40,5% иҷро гардида, ба хориҷа 36 ҳазору 429,1 тонна меваю сабзавот, аз ҷумла 36 ҳазору 255,2 тонна пиёз содир карда шудааст. Дар муқоиса бо ҳамин давраи соли 2019 ба хориҷи мамлакат ба андозаи қариб 15 ҳазор тонна маҳсулоти бештар содирот шудааст.

Манбаъ таъкид кардаст, ки маҳсулоти кишоварзии истеҳсоли вилояти Хатлон асосан ба Қазоқистон, Покистон, Афғонистон, Федератсияи Русия ва Қирғизистон равона гардидааст.

112