Акция в память о погибших при взрывах в Брюсселе у посольства Бельгии в Москве

Модари муваффақу ҳамсари хоксор: нақли хамсоя дар бораи Рузигул, ҳамсари Убайдуллоев

2490
(Таҷдидшуда 16:38 02.07.2019)
Ҳамсояи наздики Убайдуллоев, дар бораи хислатҳои ҳамсари Маҳмадсаид - Рузигул Каримова гуфт

ДУШАНБЕ, 2 июл — Sputnik. Ҳамсари Маҳмадсаид Убайдуллоев, Рузигул Каримова дар ёди ёру дӯстон ва ҳамсояҳо чун зани меҳрубону хоксор боқӣ мондааст.

Ҳамсояҳои Рузигул мегӯянд, ҳамсари Маҳмадсаид шахси оммавӣ набуд. Ба нақли ҳамсояи наздики Маҳмадсаид Убайдуллоев, Рузигул сирф ба тарбияи фарзандон машғул мешуд.

"Мо ӯро кам медидем. Масалан ман ҳамсояи наздики онҳо ҳастам, вале Рузигул танҳо як бор, замони омадани модарам ба хонаамон ба аёдати модарам омада буд. Бисёр зани ҳалиму меҳрубон ва хоксор буд. Аз номи хонаводаашон доим ба ҳамсояҳо барои аёдати беморе ё дар рӯзи ид ғизо равон мекард, вале худ кам ба берун мебаромад",- гуфт мусоҳиб дар суҳбат бо Sputnik Тоҷикистон.

Ба гуфти манбаъ, Рузигул Каримова чеҳраи тоҷикона дошту сабзинаранг буд. Аз фарзандони Маҳмадсаид ёдрас шуда мусоҳиб мегӯяд, Рузигул дар тарбияи фарзандонаш муваффақ шуд. 

"Ӯ фарзандонашро бисёр нағз тарбия кардааст. Нигина (духтари Маҳмадсаид Убайдуллоев - шарҳ аз идора) ҳамроҳи духтарони ман якҷо бозӣ мекарданд, мактаб мерафтанд, вале ман боре ҳам надидам, ки ӯ чун дигар фарзандони мансабдорон эркагӣ кунад. То ҳол ҳам Нигина ва писарони Рузигул чун дар кӯдакиашон хоксор боқӣ мондаанд. Рузигул дар тарбияи фарзандонаш муваффақ шуд",- гуфт мусоҳиби Sputnik Тоҷикистон. 

Аз фоҷиаи хонаводаи Убайдуллоев ёдрас шуда, манбаъ таъкид кард, ки Рузигул Каримова бемор набудааст ва маргаш нобаҳангом аст. 

"Субҳи барвақт буд, ки овози доду фарёд баланд шуд. Аз ҳавлӣ баромада огоҳ шудем, ки ҳамсояамон - Рузигул даргузаштааст",- афзуд манбаъ.

Ҳамсари Маҳмадсаид Убайдуллоев даргузашт

Маҳмадсаид Убайдуллоев ва ҳамсараш ҳарду зодаи ноҳияи Фархори вилояти Хатлон мебошанд. Рузигул Каримова ҳамсоли Маҳмадсаид буду тақрибан 66 сол дошт. Онҳо соҳиби се фарзанд, як духтар ва ду писар мебошанд.

Духтарашон Нигина Убайдуллоева чандин сол боз дар Амрико ба сар мебарад. 

Писаронашон Амирҷон ва Ҷамолиддин ҳар ду дар мансабҳои баланди ҳукумак кору фаъолият мекунанд.

Амирҷони Убайдулло мушовири калони ёвари президент оид ба масъалаҳои иқтисодӣ буда, Ҷамолиддин Убайдуллоев феълан сафири Тоҷикистон дар Фаронса ва ҳамзамон намояндаи расмии кишвар дар созмони ЮНЕСКО мебошад.

Завҷаи Маҳмадсаид Убайдуллоев, раиси Маҷлиси Миллии Тоҷикистон - Рузигул Каримова субҳи 2-юми июл дар Душанбе аз олам даргузашт. Маҳмадсаид Убайдуллоев, ки бо сафари расмӣ дар Маскав қарор дошт, оҷилан ба Тоҷикистон сафар кард.

Маҳмадсаид Убайдуллоев оҷилан тарки Маскав кард

Маросими ҷанозаи ҳамсари Маҳмадсаид Убайдуллоев, фардо дар Масҷиди марказии шаҳри Душанбе баргузор хоҳад шуд.

2490
Барчаспҳо:
модар, ҳамсар, даргузашт, даргузашт, Маҳмадсаид Убайдуллоев
На улице в городе Душанбе, архивное фото

Обу ҳаво: имрӯз дар Тоҷикистон ҳаво то 29 дараҷа гарм мешавад

4
Имрӯз дар ҷумҳурӣ ҳаво тағйирёбанда ва камабри бебориш мешавад. Дар ин бора аз Агентии обуҳавошиносии Тоҷикистон хабар медиҳад

ДУШАНБЕ, 22 сен — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда ва камабри бебориш мешавад.    Шамол аз самти шарқ бо суръати 3-8 метр дар як сония мевазад. Ҳаво дар ғарби вилоят   шабона 4+9 ва рӯзона 22+27  дараҷа гарм  мешавад. Дар  шарқи вилоят  ҳаво шабона аз 1-6 ва дар баъзе ноҳияҳо то 10-12 дараҷа хунук,  рӯзона 10+15 дараҷа гарм мешавад.

Ҳаво дар вилояти Суғд камабр  ва тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст.  Шамол аз самти шарқ бо суръати 3-8  ва дар ноҳияҳои алоҳида бо шиддатнокии то 10-15 метр дар як сония мевазад. Ҳаво  дар водиҳо шабона 8+13 ва рӯзона 21+26 дараҷа гарм  мешавад. Дар ноҳияҳои кӯҳӣ ҳаво шабона 2+7  ва рӯзона 17+22  дараҷа гарм мешавад.

Дар вилояти Хатлон  ҳавои камабри  бебориш дар назар аст. Шамол аз самти шарқ  бо суръати 3-8 метр дар як сония мевазад. Ҳаво дар водиҳо шабона 8+13 ва рӯзона 25+30  дараҷа гарм мешавад. Дар  доманакӯҳҳо ҳаво шабона 7+12 ва рӯзона 22+27 дараҷа гарм мешавад.

Борон намеборад: пешгӯии дақиқи ҳавошиносон барои имрӯз

Дар шаҳру ноҳияҳои тобеи марказ ҳаво камабр ва дар баъзе ноҳияҳо тағйирёбандаи бебориш мешавад. Шамол аз самти шарқ бо суръати 2-7  метр дар як сония  мевазад.  Ҳаво  дар водиҳо  шабона 6+11 ва рӯзона 26+31 дараҷа гарм мешавад.  Дар ноҳияҳои кӯҳӣ ҳаво шабона 5+10 ва рӯзона 18 +23 дараҷа  гарм мешавад.

Дар  шаҳри Душанбе ҳавои камабри бебориш пешбинӣ шудааст. Шамол аз самти шарқ бо суръати 2-7  метр дар як сония  мевазад. Ҳаво шабона 7+9  ва  рӯзона 27+29 дараҷа гарм мешавад.

4
Жена народного поэта РТ Лоика Шерали - Зебунисси Кутбиддинова

Ду-се моҳи беморӣ ва инсулт: ҳамсари Лоиқ ба "дидор"-и Лоиқ рафт

228
(Таҷдидшуда 10:16 22.09.2020)
Зебуннисо Қутбиддинова, ҳамсари Лоиқ Шералӣ, субҳи имрӯз, 22 сентябр, дар синни 74-солагӣ олами фониро падруд гуфт

 ДУШАНБЕ, 22 сен — Sputnik. Ромиш Шералӣ, писари Лоиқ Шералӣ, дар таъйиди ин хабар ба Sputnik Тоҷикистон гуфт, модараш ду – се моҳи ахир аз маризӣ азият кашида, ҳатто як бор инсултро низ паси сар карданд ва шифо ёфтанд.

“Аммо ин хурсандии мо дер давом накард. Тақрибан 15 рӯзи пеш фишорашон баланд рафт ва он касро ба Шифохонаи Ибни Синои шаҳри Душанбе овардем. Ин субҳ даргузаштанд”, - гуфт Ромиш Шералӣ.

Зебуннисо Қутбиддинова соли 1946 дар шаҳри Панҷакент ба дунё омада, соли 1966 пас аз хатми мактаби миёна ба Донишгоҳи омӯзгории Тоҷикистон дохил шудааст. Соли 1967 риштаи умри худро бо Лоиқ Шералӣ, Шоири халқии Тоҷикистон пайвастааст.

Ҳосили ин издивоҷ се писару ду духтар мебошад. Марҳум то охири умр дар мактаби рақами 54 – и ба номи Лоиқ Шералии шаҳри Душанбе омӯзгор буд.

Ҳамзамон осорхонаи Лоиқ Шералӣ дар ин мактаб бунёд шуд, ки масъулияташро ӯ бар дӯш дошт.

Сӯҳбати ҳамсари Лоиқ: аз ошиқиву гиряҳову нафаси охирини шоир то мисрае, ки чоп нашуд

Лоиқ Шералӣ, Шоири халқии Тоҷикистон 30 июни соли 2000 дар синни 59-солагӣ аз сактаи мағзӣ оламро тарк кард. Ӯ аз камтарин шоирони муосири тоҷик аст, ки на фақат дар Тоҷикистон, балки форсизабонони ҷаҳон ҳаводорони зиёд дорад ва ашъораш ба даҳҳо забони хориҷӣ тарҷума шудаанд.

Яке аз охирин ғазалҳои ӯ ба номи “Рафтам ман аз бари ту, дидор дар қиёмат” унвон дошт, ки ба ҳамсараш бахшида шуда буд.

Як дӯсти хонавода дар таъзияномааш ба марги Зебуннисо Қутбиддинова чунин навишт: “Ин марг нест... Ӯ ба дидори ёри қиёматии худ рафт!”

Ҷанозаи Зебуннисо Қутбиддинова дар қабристони Сарманзили шаҳри Панҷакент пас аз намози пешин баргузор мешавад.

228