Последствия разрушений после селевого потока в Пенджакенте

Иттиҳоди Аврупо ба зарардидагони сел дар Тоҷикистон 70 ҳазор евро ҷудо намудаст

185
(Таҷдидшуда 18:06 03.07.2019)
Интизор меравад, наздики 3 ҳазор сокини Тоҷикистон, ки аз обхезиҳои авоили моҳи июни соли равон зарар диданд, кумакпулӣ дарёфт кунанд.

ДУШАНБЕ, 3 июл — Sputnik. Иттиҳоди Аврупо барои дастгирӣ намудани сокинони осебдидаи Тоҷикистон аз обхезиҳои ахир, ҳудуди 70 ҳазор евро ихтисос додааст, хабар медиҳад ТоҷикТа. 

Ба иттилои манбаъ, кумаки Иттиҳоди Аврупо ба манотиқи Суғду Хатлон, ки аз ҳама беш аз ин офати табиӣ хисорот диданд, равона мегардад.

Гуфта мешавад, оилаҳое, ки хонаҳои онҳо пурра нобуд шудаанд ё ба таври ҷиддӣ аз обхезӣ хароб гаридаанд, кумаки пулии ройгон дарёфт мекунанд. Дар маҷмӯъ бояд  2 ҳазору 700 сокини ин манотиқ аз кумаки молии иттиҳоди Аврупо  бархурдор шаванд.

Ёдовар мешавем, ки аз 1 то 7 уми июни  соли равон боришоти беисти борон боиси он шуд, ки дар аксар манотиқи Тоҷикистон селу обхезӣ рух дода, сокинонро аз  манзилҳои истиқоматияшон маҳрум намояд.

Зикр мегардад, ки дар ин муддат аз офати табиӣ беш аз 6 ҳазору 700 нафар сокинони Тоҷикистон зарар диданд.

Тибқи маълумоти расмӣ аз обхезиҳои ахир дар Тоҷикистон дасти кам  ҳазор хонаҳои истиқоматӣ хароб гардида,  аз  ин миён 35 дарсади манзилҳо пурра вайрону валангор гаштанд.

Қурбонии севуми сел дар Панҷ: ба ноҳия боз офати табиӣ омад

90 дарсади харобкориҳои офати табиӣ ба сокинони манотиқи Суғду Хатлон рост меояд. Гуфта мешавад сокинони ин манотиқ дар баробари аз даст додани манзилҳои зист бо тамоми ҷиҳози хона, инчунин аз  маҳсулоти хурокворӣ ва чорвои худ низ бенасиб монданд.

Заминҳои кишт, ки манбаи асосии даромади аҳолӣ  дар Суғду Хатлон ба ҳисоб меравад, низ корношоям гардиданд.

185
Барчаспҳо:
кумак, зарардидагон, сел, Иттиҳоди Аврупо, Тоҷикистон
Колбасные продукты в магазине

Ифтитоҳи коргоҳи нави ҳасиббарории ширкати “Азизи” дар ноҳияи Бобоҷон Ғафуров

11
(Таҷдидшуда 11:20 02.07.2020)
Имрӯз дар ноҳияи Бобоҷон Ғафуров бо иштироки Президенти кишвар коргоҳи нави ҳасиббарории “Ширкати Азизӣ”ифтитоҳ ёфт

ДУШАНБЕ, 2 июл — Sputnik. Бино бар иттилои дафтари матбуоти раисҷумҳур корҳои сохтмонӣ дар ин иншоот соли 2018 оғоз гардида, дар муддати кӯтоҳ ва бо сифати баланд анҷом ёфтааст.

“Эмомалӣ Раҳмон ташкили коргоҳро дар коҳиш додани маҳсулоти воридотӣ муҳим арзёбӣ намуданд”, - таъкид доштааст манбаъ.

Гуфта шудааст, ки дар ноҳияи Бобоҷон Ғафуров то ҷашни 30-юмин солгарди Истиқлолияти Тоҷикистон бунёди беш аз 20 корхонаи саноатӣ ба нақша гирифта шудааст, ки то имрӯз 8 адади он мавриди истифода қарор гирифтааст.

Иқтидори ин коргоҳ дар як шабонарӯз аз 800 то 1000 килограмм маҳсулотро ташкил медиҳад. Корхона бо маҳсулоти нотайёри дохилӣ айни ҳол 40 навъи ҳасиб истеҳсол менамояд.

Бояд зикр намуд, ки ширкати мазкур ба бозори истеҳсоли ҳасиби Тоҷикистон аз соли 2015 ворид шуда, дар ин муддат бо истеҳсоли маҳсулоти хушсифат ва рақобатпазир тавонист дар бозор мавқеи худро пайдо намояд.

Манбаъ таъкид дошт, ки пешравиҳои ин ширкат махсусан пас аз имтиёзҳои андозиву гумрукӣ Ҳукумати Тоҷикистон дар соҳаи парандапарварӣ  сурат гирифт ва фаъолияти ин ширкат чун дигар корхонаҳои ин тақвият ёфт.

"Аз ҷумла барои бо нархи дастрас таъмин намудани истеҳсолоти дохилӣ бо ашёи хом, яъне гӯшти мурғ, моҳи марти соли равон дар ҳудуди ноҳияи Бобоҷон Ғафуров як фермаи парвариши мурғи гӯштиро фаъол гардониданд. Ин имкон медиҳад, ки коргоҳи ҳасиббарорӣ дар ҳамаи фаслҳои сол бо ашёи хом таъмин бошад”, - таъкид дошт манбаъ.

Ҳамзамон дафтари матбуоти раисҷумҳур қайд кардааст, ки дар доираи дастгириҳои давлатӣ ва бо истифода аз имтиёзҳои муқарраргардида, масъулони ин ширкати истеҳсолӣ ҳамчунин фабрикаи парвариши мурғи тухмдеҳро низ ба истифода доданд.

Гуфта мешавад, ки акнун пас аз ба тухм даромадани чӯҷаҳо, як қисми маҳсулот барои истеҳсоли ҳасиб истифода мешавад, қисми дигарашро ба бозори истеъмолӣ мебароранд.

11
Барчаспҳо:
коргоҳ, ифтитоҳ, президент, ҳасиб, корхона, Тоҷикистон
Девушка с зонтиком

Ҳавои камабру бебориш: гармӣ дар пойтахти Тоҷикистон то 36 дараҷа мерасад

18
(Таҷдидшуда 10:48 02.07.2020)
Маркази обуҳавошиносии Тоҷикистон хабар додааст, ки имрӯз дар ҳудуди ҷумҳурӣ ҳаво камабру бебориш мешавад

ДУШАНБЕ, 2 июл — Sputnik. Бино бар иттилои Ожонсии обуҳавошиносии Тоҷикистон, дар шаҳри Душанбе ҳаво камабри бебориш мешавад. Ҳаво шабона 16+18  ва  рӯзона 34+36 дараҷа гарм мешавад.

Дар шаҳру ноҳияҳои тобеи марказ ҳаво тағйирёбанда шуда, эҳтимоли бориши нисбатан сусти марҳилавӣ дар назар аст. Ҳаво  дар водиҳо  шабона 15+20 ва рӯзона 32+37 дараҷа гарм мешавад.  Дар ноҳияҳои кӯҳӣ ҳаво шабона 10+15 ва рӯзона 25+30 дараҷа  гарм мешавад.

Дар Вилояти Мухтори Кӯҳистони Бадахшон бошад ҳаво камабр  ва тағйирёбанда шуда, эҳтимоли борони кӯтоҳмуддат дар назар аст. Ҳаво дар ғарби вилоят   шабона 10+15 ва рӯзона 24+29 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр ва тағйирёбанда шуда, дар баъзе ноҳияҳо эҳтимолияти боришоти нисбатан сусти марҳилавӣ дар назар аст.   Ҳаво  дар водиҳо шабона 18+23 ва рӯзона 29+34 дараҷа гарм  мешавад. Дар ноҳияҳои кӯҳӣ ҳаво шабона 6+11 ва рӯзона 20+25 дараҷа гарм мешавад.

Дар вилояти Хатлон ҳаво камабри бебориш мешавад. Ҳаво дар водиҳо шабона 19+24 ва рӯзона 35+40 дараҷа гарм мешавад. Дар  доманакӯҳҳо ҳаво шабона 15+20 ва рӯзона 27+32 дараҷа гарм мешавад.

 

18
Барчаспҳо:
гарм, гармо, бебориш, камабр, обу ҳаво, Ожонси обуҳавошиносӣ, Тоҷикистон