Обложка паспорта РТ, архивное фото

Шитобед: ВУД намедонад муҳлати шиносномадиҳӣ тамдид мешавад ё не

1264
То замони ивази шиносномаи коғазӣ ба пластикӣ дар Тоҷикистон тақрибан як моҳ мондааст. ВУД мегӯяд шӯъбаҳои шиносномадиҳӣ шабонарӯзӣ фаъолият доранд

ДУШАНБЕ, 5 июл — Sputnik. Умарҷони Эмомалӣ, сардори Маркази матбуоти Дастгоҳи Вазири корҳои дохилӣ гуфт, то ба ҳол маълум нест муҳлати шиносномадиҳӣ тамдиди мешавад ё не.

“Мо то ҳол барои тамдиди муҳлати шиносномадиҳӣ санаде дар даст надорем. Дар ҳоли ҳозир муҳлат охирин ҳамон рӯзест, ки мо қаблан эълон намуда будем, яъне то 10 августи соли равон”, - таъкид кард вай.

Инчунин вай афзуд, ки дар ҳоли ҳозир шӯъбаҳои шиносномадиҳӣ шабонарӯзӣ фаъолият доранд. Вай таъкид кард, ки шумораи сокиноне, ки ҳар дақиқа ва соат шиносномаи биометрӣ мегиранд иваз мешавад ва ба ҳамин хотир омори дақиқ дар бораи теъдоди сокиноне, ки то имрӯз дорои шиносномаи биометрӣ шуданд нест.

Барои гирифтани шиносномаи нав чӣ лозим аст?

Ёдрас мешавем, моҳи феврал Ҳукумати Тоҷикистон қарореро қабул кард, ки мувофиқи он ҳамаи шаҳрвандоне, ки симкортҳояшон тибқи шиносномаи пешин сабтином шудааст, бояд ID-корт гиранд ва нав тариқи он сабтином кунанд.

Аммо ба гуфтаи ВУД Тоҷикистон, барои шаҳрвандоне, ки мӯҳлати шиносномаҳояшон нагузаштаву симкортҳояшон ба номи дигарон сабтином шудааст, иваз кардани он ҳатмӣ нест.

То 10 августи соли равон муштариёни ширкатҳои мобилӣ симкортҳои худро бояд бар асоси шиносномаҳои нав дубора ба қайд гузоранд.

Бо мақсади дар амал ҷорӣ намудани Қарори ҳукумати Тоҷикистон аз 30 апрели соли 2016 “Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он” барои азнавбақайдгирии симкортҳои мобилии шахсоне, ки бо шиносномаҳои намунаи соли 1996 ба қайд гирифта шудаанд, онҳо бояд симкортҳои худро бо шиносномаи шаҳрвандии Тоҷикистон намунаи соли 2014 то 10-уми августи соли равон аз нав ба қайд гиранд.

ВУД Тоҷикистон, аз ҳамаи шаҳрвандони Тоҷикистон, ки симкортҳои мобилиашон бо шиносномаи намунаи соли 1996 ба қайд гирифта буданд, хоҳиш намудааст, ки барои иваз намудани шиносномаҳои худ ба шуъбаҳои шиносномадиҳии шуъбаҳои ВУД дар шаҳру ноҳияҳои ҷумҳурӣ муроҷиат намоянд.

SIM-корти ройгон, барномаи мобилӣ ва шиносномаи сайёҳӣ: шарҳи милитсияи сайёҳӣ

Тибқи дастури вазири корҳои дохилии Тоҷикистон ҳамаи шуъбачаҳои шиносномадиҳии ШВУД-ҳо дар шаҳру ноҳияҳои ҷумҳурӣ вазифадор шудаанд, ки реҷаи кории худро аз соати 08:00-и субҳ то соати 22:00-и шаб ба роҳ монанд.

Пештар роҳбари дастгоҳи иҷроияи раисҷумҳури Тоҷикистон Озода Раҳмон тавзеҳ дода буд, ки дар кадом ҳолатҳо истифодабарандагони симкортҳо ба ҷавобгарии ҷиноӣ кашида мешаванд.

Мувофиқи тағйиру иловаҳое, ки ба Кодекси ҷиноии Тоҷикистон ворид карда шудааст, барои  нақзи меъёрҳои ҳуқуқии  пайвасткунии симкорт ба шабакаи алоқаи барқӣ ва ба соҳибияти каси дигар додани он ҷавобгарии ҷиноятӣ пешбинӣ шудааст.

1264
Барчаспҳо:
муҳлат, тамдид, ВУД, биометрӣ, шиноснома, Тоҷикистон
Председатель ГБАО Ёдгор Файзов

Файзов дар бораи норозигияш аз раисӣ, бузургии мардум, бемории худ ва роҳ ба ҷавонон-видео

284
Ёдгор Файзов, раиси Вилояти Мухтори Куҳистони Бадахшон мегӯяд, тайи роҳбарияш дар вилоят ягон рӯз аз раисияш розӣ набуд ва танҳо дар замони пандемия, дар бистари беморӣ хушбахтии будан бо мардумро дарк намуд

ДУШАНБЕ, 7 июл — Sputnik. Умедшо Мирзоширин, коргардони шинохтаи тоҷик, ки дар бораи кори ризокорон дар замони пандемия дар вилоят филмбардорӣ дорад, порае аз суҳбат бо Ёдгор Файзовро низ дар саҳифааш нашр кардааст.

Файзов мегӯяд, хушбахтияшро дар рӯзе дарк кард, ки гирифтори беморӣ шуду аз халқ, ки барояш ҳанӯз коре накардааст, ҳазорҳо дуо гирифт. Ӯ гуфт, фаҳмид, ки барои мардум шуда ҷон додан ҳам меарзад.

“Ҷон ҳам диҳӣ меарзад”: хушбахтии Файзов дар бистари беморӣ-навор

“Он рӯз эҳсос кардам, ки бо халқ будан, на ҳамчун раис, балки танҳо худи будан бо мардум ифтихори бузург аст. Худам ҳайрон мондам, ки охир барои мардум ман чӣ кор кардаам, ки ин қадар дастгирию дуоҳо дар ҳаққи ман мекунанд”.

Ба суол дар мавриди ҷавонон, Ёдгор Файзов изҳор дошт, ки дар Тоҷикистон 65 дарсад ҷавонанд.

Ӯ таъкид кард, ки агар майлу ҳаваси ҷавонон ба тарафе бошаду мо ҷониби дигар талош кунем, ба ҷое намерасем.

Хоҳу нохоҳ месупорем: раиси ВМКБ гуфт, ҷавононро ҷавон хуб мефаҳмад

“Хоҳу нохоҳ ҷавононро бояд фаҳмид, ба фикру хоҳишҳояшон бояд тавҷҷуҳ кард. Аз тарафи дигар ҷавононро ҷавон хуб мефаҳмад. Ман синнам таги 60 аст, барои ояндаи дурахшон бояд бо ҷавонон машаварат  кард, онҳоро фаҳмид.  Бе ҷавонон ба ҷое рафтан наметавонем, хоҳем нахоҳем, фардо месупорем”, - таъкид кард Файзов.

284
Барчаспҳо:
беморӣ, помир, Бадахшон, ВМКБ, ВМКБ, раисҷумҳур, раис, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

42
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

42
Зеристгоҳ, акс аз бойгонӣ

Ҳалокати сокини ноҳияи Бобоҷон Ғафуров аз зарбаи барқ

0
Як сокини ҷамоати деҳоти Унҷии ноҳияи ба номи Бобоҷон Ғафуров аз расиши қувваи барқ ба ҳалокат расидааст

ДУШАНБЕ, 7 июл – Sputnik. Раёсати корҳои дохилӣ дар вилояти Суғд иттилоъ дод, ки субҳи 6 июл як сокини ноҳияи Бобоҷон Ғафуров аз зарби барқ ба ҳалокат расидааст.

“Санаи 6-уми июл, тахминан соатҳои 7: 30 дақиқа, Б. А., сокини ҷамоати Унҷии ноҳияи Бобоҷон Ғафуров дар вақти пайваст намудани нерӯи зеристгоҳи барқӣ, аз сабаби расиши қувваи барқ ҷароҳати ҷисмонӣ бардошта, ба ҳалокат расидааст”, иттилоъ дод масъули матбуотии РВКД дар Суғд ба Sputnik Тоҷикистон.

Ба иттилои манбаъ нафари ба ҳалокат расида ҷавони 31 сола будааст. Ҳодисаи фоҷиабор дар зеристгоҳи барқӣ дар дар деҳаи Қурғончаи ноҳияи Бобоҷон Ғафуров рух додааст.

Манбаъ тавзеҳ дод, ки эҳтимол дар вақти пайваст намудани ноқилҳои барқӣ дар зеристгоҳ техникаи бехатарӣ риоя нагардидааст. Дар бораи шуғли аслии нафари ҳалокшуда маълумот ироа нашудааст, ки оё ӯ барқчӣ аст ва ё як корманди кироя, ки барои насб намудани қувваи барқ ҷалб шудааст.

0
Барчаспҳо:
барқ, Тоҷикистон