Маленькая девочка

Оташ маро фаро гирифт: Осия ба модараш аз бераҳмии ноболиғон шикоят кард

1327
(Таҷдидшуда 19:50 05.07.2019)
Як ҷарроҳиро пизишкони тоҷик анҷом доданд ва дуи дигар ҳамроҳ бо профессори олмонӣ сурат гирифт. Ҷарроҳии чаҳорум низ бо ҳузури Эдгард Бимера пизишки олмонӣ доир мешавад

ДУШАНБЕ, 5 июл - Sputnik. Осия алъон дар Маркази тиббии рақами №3-и шаҳри Душанбе таҳти муроқибати пизишкон қарор дошта, ба ҷарроҳии чаҳоруми худ тайёрӣ мебинад. 

Ба изҳори пизишкони ин беморхона, вазъи саломатии ӯ аллакай мӯътадил арзёбӣ мешавад.

Осияи 6-сола, ки баъди аз ҷониби ноболиғон оташ задан шадидан маҷрӯҳ шуда буд, ҳангоми дар беморхона ба ҳӯш омадан, дар бораи ҳодисаи ба вуқӯъ омада ба модараш нақл кардаст. Дар ин бора сомонаи "Авеста" аз қавли модарбузурги Осия, Фотима Зулфонова хабар медиҳад.

“Мо бисёр хурсанд ҳастем, ки вазъи Осия беҳтар шудааст. 17 рӯз мешавад, ки ҳамаи хешу пайвандонамон дар беморхона ҷамъ ҳастанд, то Осия ва модарашро дилбардорӣ кунанд ”, - иттилоъ медиҳад манбаъ аз қавли модарбузург.

Ба нақли модарбузург, ба руйи Осия осебе нарасидааст, аммо вай руҳан сахт афсурда аст ва пайваста аз модараш дар бораи дастандаркорони оташсӯзии худ пурсон мешавад.

Фотима Зулфонова мегӯяд, Осия ба модари худ нақл намудаст, вақте аз саҳни ҳавлӣ берун мешавад се бача ва сагеро мебинад. Ду бача ӯро дар назди дарахте сахт дошта саввумӣ Осияро бо ресмон ба дарахт мебандад.

Дар ин асно Осия кӯшиш намудаст то нафареро ба кумак ҷеғ занад, аммо писарон ба саги дар наздашон буда, ӯро тарсониданд ва алафи қоқро назди пойҳояш ҷамъ оварда оташ заданд.

“Ман хам шудам то гиреҳи ресмонро боз кунам, аммо шӯълаи оташ ангуштонамро сӯзонд. Баъде ки алангаи оташ то ресмон расид, ман дастҳоямро халос намудаму сӯйи хонаи амакам давидам. Аз он ҷо Оиша баромада маро дид”,- омадаст дар хабари манбаъ.

Зимнан, мудири шӯъбаи бемориҳои сӯхтаи Маркази тиббиӣ рақами №3, Тоҳир Зубайдов вазъи саломатии Осияро вазнини мӯътадил арзёбӣ намуд.

Ба гуфтаи ин пизишк Осия ҳамакнун се ҷарроҳиро пушти сар намуда, қарор аст рӯзҳои наздик маротибаи чаҳорум ҷарроҳӣ шавад.

"Як ҷарроҳиро пизишкони тоҷик анҷом дода ва дуи дигар ҳамроҳ бо профессори олмонӣ сурат гирифт. Ҷарроҳии чаҳорум низ бо ҳузури Эдгард Бимера пизишки олмонӣ доир мешавад", - гуфт Зубайдов.

Ҳамзамон падари Осия-Шерзод Зулфонов изҳор намудаст, ки табобати фарзанди ӯро Бунёди "Лона" пурра ба зиммаи худ гирифтаст.

“Нахуст фикре, ки баъди сар задани ин воқеа маро фаро гирифта буд, ин ба фурӯш гузоштани тамоми дороии ман ва аз пайи табобат шудани духтарам буд. Хушбахтона табобати фарзандамро Бунёди "Лона" бар ӯҳда гирифт ва ҳатто аз Русия низ маводҳои дорувории лозимаро чандин бор дарёфт кардем”, - бо миннатдорӣ изҳор намудаст Шерзод.

Ёдовар мешавем, ки ҳодисаи мазкур санаи 19-уми июн рух дода буд. Духтурони Маркази тиббиӣ № 3-и шаҳри Душанбе Осия Зулфоноваи 6-соларо, бо ҷароҳатҳои шадид ва бадани сӯхта қабул карданд.

Бо саг тарсонидаву ба симтӯр бастанд: тафсилоти даҳшатбори оташ задани Осияи 6-сола

Он замон пизишкон муайян намуданд, ки 65 дарсади бадани кӯдак сӯхта, аз ин 45 фисад сӯхтагии чуқур аст.

Ба ин ҳодиса, ҳатто раисҷумҳури Тоҷикистон Эмомалӣ Раҳмон низ вокуниш нишон дода буд.

Хабари оташ задани духтараки 6-сола ба Раҳмон расид: дастури президент ба Олимзода

Эмомалӣ Раҳмон вобаста ба ин ҳодиса изҳори нигаронӣ намуда, вазири тандурустӣ ва ҳифзи иҷтимоии аҳолии Ҷумҳурии Тоҷикистон Олимзода Насим Хоҷаро барои табобат ва нигоҳубин кардани ноболиғи мазкур вазифадор намуд, ки табобати кӯдакро зери назорати қатъӣ гирад.

1327
Барчаспҳо:
ноболиғ, духтар, оташсӯзӣ, Тоҷикистон
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

15
(Таҷдидшуда 00:51 29.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 26 октябр эълон кардааст

ДУШАНБЕ, 29 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1308 сомонӣ  ва дар бозори нақд бошад то 0.1370 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3398 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1286 то 12.5000  сомонӣ арзёбӣ кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1385 то 0,1410 сомонӣ муқаррар кардааст.

Дар “Спитаменбонк” бошад арзиши 1 рубл аз 0.134 то 0.141 ва дар “Алифбонк” бошад 1 рубл аз 0,133 то 0,141 сомонӣ нишон дода шудааст.

Интизори беқурбшавӣ: дар тирамоҳ бо доллар чӣ рӯй хоҳад дод

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

 

 

15
Барчаспҳо:
қурби асъор, Бонки Миллӣ, Тоҷикистон
День 29 октября

Ҷашнҳои рӯзи 29 октябр дар Тоҷикистон ва ҷаҳон

38
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

38
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон