Зона отдыха на берегу реки Сырдарья

Пул надораму мехоҳам шиноварӣ кунам: истиқболи сокинон аз тафреҳгоҳи ройгон дар Сирдарё

357
(Таҷдидшуда 20:43 05.07.2019)
Маҷмааи шиноварию истироҳатӣ воқеъ дар соҳили чапи руди Сир, барои сокинон, аз ҷумла нафароне, ки имкони молӣ барои рафтан ба ҳавзҳои пулакӣ надоштанд ва ё аз ғарқшавӣ дар дарёҳо метарсиданд, шароити фароғат фароҳам намудааст

ДУШАНБЕ, 5 июл — Sputnik. Ҳукумати шаҳри Хуҷанд рӯзи 25-уми июн дар остонаи рӯзи Ваҳдати миллӣ ин макони шиноварию истироҳатиро мавриди баҳрабардорӣ қарор додааст.

Маҷмааи истироҳатии мазкур бо харҷи як милион сомонӣ дар 300 метр замини соҳили чапи руди Сир сохта шудааст, ки дар он ба ҳисоби як шиногоҳи нав, майдончаҳои бозии футболу волейболу теннис ва дастгоҳҳои тамрини тарбияти бадан мавҷуд аст.

Дар соҳили дарё 100 варзишгару беш аз 1000 сокинону меҳмонони Хуҷанд имкон доранд дар як вацт аз ин тафреҳгоҳ  баҳра бардоранд.   

Раҷаббой Аҳмадзода, раиси вилояти Суғд дар расми ифтитоҳи ин истироҳатҷой ширкат варзида ба масъулин дастур додааст, ки барои хубу тоза нигоҳ доштани фаъолияти он ва таъмини амнияти истироҳаткунандагон табдирҳои зарурӣ андешанд. Раиси вилояти Суғд гуфтааст, ки фаъолияти чунин марказҳои истироҳатӣ дар соҳили Сирдарё бо иштироки сокинон ҳусни шаҳро зебо мекунад.

Зона отдыха на берегу реки Сырдарья
© Sputnik
Зона отдыха на берегу реки Сырдарья

Ҳукумати шаҳри Хуҷанд дар соли гузашта низ як шиногоҳи воқеъ дар соҳили рости Сидарёро, ки солҳо боз таҷдид нашуда замини онро қимиш ва дигар рустаниҳои ёбоӣ пур карда буданд, барқарор намуд. 

Ҳоло сохтмони маҷмааи шиноварию истироҳатии соҳили чапи Сирдарё, аз нахустин маҷмааи фароғатии Хуҷанд, маркази маъмурии Суғд ба ҳисоб меравад, ки фаъолияташ барои сокинон ройгон аст. Дар аввалин рӯзҳои баъди ифтитоҳёбии он, мушоҳида мешавад, ки даҳҳо нафар ҷавонону наврасон аз хонаводаҳои суғдӣ таътили тобистонаи худро ҳамроҳи волидонашон дар ин ҷо дар соҳили руди Сир сипарӣ мекунанд.

Соҳили Сирдарё ба ҷои лагер

Дилором Хоҷаева, сокини Хуҷанд мегуяд, ифтитоҳи ин гуна марказҳои истироҳатии фаъолияташон ройгон, фароғати баробариро барои сокинон фароҳам мекунад. Вай гуфт, набераҳояш имкони ба лагеру марказҳои тафреҳии тобистонаи пулаки рафтанро  надоранд. Дилором гуфт, ки хонанишин аст ва се рӯз мешавад, ки гармои тобистонро ҳамроҳи набераҳояш дар соҳили хушбоду ҳавои  Сирдарё мегузаронад. 

“Ба истифода додани ин маркази истироҳатӣ дар соҳили дарё барои хонаводаҳое ба мисли мо бисёр осон шуд. Акнун имкон пайдо кардем фарзандону набераҳоямонро барои истироҳат ба ин ҷо биёрем. Зеро кӯдаконро ба лагерҳои тобистона бурдан имкон надорем, чунки гарон аст ва шароити иқтисодии хонавода имкон намедиҳад”, - мегуяд Хоҷаева.

Зона отдыха на берегу реки Сырдарья
© Sputnik
Зона отдыха на берегу реки Сырдарья

Шаҳром як ҷавонони мактабхон аз ноҳияи Масчоҳ мегуяд, маъмулан рӯзҳои таътили тобистонаро ҳамроҳи ҳамсинфонаш ба оббозӣ дар Сирдарё сипарӣ мекунад. Ӯ ташкили ин гуна истироҳатгоҳ дар соҳили дарёро аз он ҷиҳат муҳим арзёбӣ кард, ки ба мисли ӯ даҳҳо хонандаи мактаб, ки ҳоло даромади молӣ надоранд, имкони шиноварии ройгонро пайдо намуданд. Шаҳром дар  обутоби бадан нақши шиновариро  муҳим арзёбӣ мекунад. 

“Шиноварӣ ин ҷо барои ҳама бепул аст. Мо ин ҷо ба ҷуз шиноварӣ ройгон машқи бадан карда метавонем”, - гуфт ӯ.

Мост через реку Сырдарью. Архивное фото
© Sputnik / Борис Ушмайкин

Дар соли 2011 дар замони раисии Қоҳир Расулзода, ҳукумати вилояти Суғд бо харҷи 14 милион сомонӣ маҷмааи ҳавзҳои шиноварии ба номи “20-солагии Истиқлолияти Тоҷикистон” дар Хуҷандро мавриди истифода қарор дод. Ин иншоот барои шиноварии 2 ё 2,5 соат аз 20 то 40 сомонӣ ҳаққи хизмат мегирад. Аммо бо гузашти чанд сол фаъолияти ин иншооти ба истилоҳ ҷашнӣ бинобар қарздорӣ аз истифодаи қувваи барқ боз истод. Ҳатто дар мавсими оббозӣ дар моҳҳои июн ва июли соли 2017 дарҳои он барои мизоҷон баста буд. Зеро маблағе, ки аз ҳисоби хизматрасонӣ ба даст меомад, аз ҷумла барои масрафоти нерӯи барқ кифоят накард.

 

Бассейн в городе Худжанд 20-летия независимости Таджикистана
© Sputnik / Стас Этвеш
Бассейн в городе Худжанд 20-летия независимости Таджикистана

Аз сӯи мушкили молиявӣ на ба ҳамаи сокинон имкон медиҳад, бар ивази  20-30 сомонӣ барои то 2- 2, 5 соат шиноварӣ дар ҳавзҳои пӯшидаи оббозӣ кунанд.

Маҷмааи ҳавзҳои шиноварии “20-солагии Истиқлолияти Тоҷикистон” баъд аз ҳафт соли фаъолияташ аз нав ва бо харҷи беш аз даҳ милион таъмир карда шуд. Ҳоло хизматрасонии худро барои нафарони то 16 сола 15 сомонӣ ва аз 16 сола боло 30 сомонӣ муқаррар кардааст.

Ба ин ҳавз ба ҷуз нафарони доро дигар касе намеравад. Нафароне, ки имконияти молии маҳдуд доранд барои оббозию шиноварӣ ба дарё мераванд. Аммо шиноварӣ дар руду баҳр на ҳамеша барои сокинон хуш сипарӣ мешавад.

Дар Хуҷанд омори ғарқшавӣ кам хоҳад шуд

Бино бар иттилои Кумитаи ҳолатҳои фавқуллодаи Тоҷикистон дар давоми 20 рӯзи моҳи июни соли ҷорӣ  40 нафар, ба ҳисоби 3 нафар дар Сирдарёи Хуҷанд  ҳангоми оббозӣ ғарқ шудаанд. Дар соли гузашта 140 нафар ҳангоми риоя накардани меъёрҳои бехатарии оббозӣ дар баҳр ва кулу дарёҳои Тоҷикистон ғарқ шудаанд, ки 23 нафар аз ин шуморро кӯдакони то ҳабдаҳсола гуфта мешуданд.

Зона отдыха на берегу реки Сырдарья
© Sputnik
Зона отдыха на берегу реки Сырдарья

Бахтиёр Шукуров сокини ноҳияи Бобоҷон Ғафуров мегуяд, ифтитоҳи макони шиноварию истироҳатӣ дар соҳили Сирдарё минбаъд дар коҳиши ҳодисаҳои ғарқшавии сокинон бар асари оббозӣ мусоидат хоҳад кард. Ӯ мегуяд, мушоҳида мешавад, ки атрофи истироҳатгоҳи шиноварӣ аломатгузорӣ шуда, назорати доимии наҷотдиҳандагон ҳам таъмин карда шудааст.

“Хабари рухдоди ҳодисаҳои ғарқшавӣ дар Сирдарё моро хавотир мекард. Намегузоштам, ки набераҳоям ба шиноварӣ ба дарё раванд. Ҳоло мебинем, ки дар соҳили дарё муҳимтарин шароит барои истироҳаткунандагон фароҳам оварда шудааст. Ҳоло худам ҳам шиноварӣ мекунам, зеро он барои пешгирии касалиҳои қалб ва роҳи нафас аҳамияти калон дорад”, гуфт Шукуров.

Равшан як сокинони дигар мегуяд, мавсими гарморо бе истироҳати соҳили дарё тасаввур кардан барояш ғайримкон аст. Ӯ ҳамроҳи аҳли оилааш ба тафреҳгоҳи воқеъ дар соҳили  руди Сир омада ва мегуяд, ин ҷо хушҳолии наврасони зиёдро мушоҳида кардааст. 

Зона отдыха на берегу реки Сырдарья
© Sputnik
Зона отдыха на берегу реки Сырдарья

“Ин истироҳатгоҳ барои ҳама дастрас аст. Яъне ҳама истироҳат карда метавонад, ҳам пулдорҳову ҳам бепулҳо. Барои ҳама баробар”, - афзуд Равшан.

Ташкили маҷмааи шиноварию фароғатӣ дар соҳили Сирдарёро бисёриҳо як истироҳатгоҳи алтернативӣ дар қатори лагеру марказҳои истироҳатии хусусӣ ва ё ба истилоҳ пулакӣ ҳисоб мекунанд. Дар ин ҷо ҳама, бахусус онҳое, ки тавони иқтисодӣ надоранд, ба шиноварӣ ва ё истироҳату тарбияти бадан машғул шуда метавонанд.

357
Барчаспҳо:
ройгон, оббозӣ, шиноварӣ, соҳил, Сирдарё, Хуҷанд, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

40
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

40
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон
Врачи и пациент в госпитале для зараженных коронавирусной

Сироят ба COVID-19 боз зиёд шуд: шабонарӯзи гузашта 45 ҳолати нав сабт шуд

711
(Таҷдидшуда 19:52 18.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта 45 ҳолати нави гирифторӣ ба COVID-19 сабт шудааст

ДУШАНБЕ, 18 сен — Sputnik. Тибқи иттилои Вазорати тандурустӣ, дар як шабонарӯзи охир 110 нафар гумонбарон зери назорати табибон қарор дошта, 38 нафар баъд аз муолиҷа ба хонаҳояшон рухсат дода шуданд.

Манбаъ таъкид кардааст, ки дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9259  нафар баробар гардид.

Ҳамзамон, вазорати тандурустии Тоҷикистон зикр кардааст, ки то санаи  18 сентябр дар мамлакат  8026  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

711
Барчаспҳо:
беморӣ, шабонарӯзӣ, вируси корона, гирифторон, Вазорати тандурустӣ, Тоҷикистон