Рукопожатие, архивное фото

Густариши ҳамкориҳо миёни Тоҷикистону Афғонистон дар соҳаи гумрук

97
(Таҷдидшуда 20:15 05.07.2019)
Масъалаҳои ҳолат ва дурнамои муносибатҳои дуҷониба дар соҳаҳои мубодилаи маълумоти элекронӣ, тасдиқи транзити воридоти молҳо дар портали ASYCUDA дар Гумруки Панҷи Поён ва ғайраҳо баррасӣ гардиданд

ДУШАНБЕ, 6 июл - Sputnik. Масъалаи тақвияти ҳамкории гумрукӣ байни мақомоти гумруки Тоҷикистон ва Афғонистон дар мулоқоти  Сардори Хадамоти гумруки назди Ҳукумати Ҷумҳурии Тоҷикистон, генерал-майори хадамоти гумрук Хуршед Каримзода бо Сардори Сарраёсати гумруки Вазорати молияи Афғонистон Аҳмад Решад Попал дар Душанбе баррасӣ гардиданд, иттилоъ додааст агентии “Ховар”. 

Бояд тазаккур дод, ки Сардори Сарраёсати гумруки Вазорати молияи Афғонистон Аҳмад Решад Попал ҷиҳати иштирок дар ҷаласаи 7-уми Комиссияи муштараки байниҳукуматии иқтисодӣ, тиҷоратӣ, иҷтимоӣ ва техникӣ байни Тоҷикистон ва Афғонистон, ки имрӯз дар Душанбе доир мегардад,  ба Тоҷикистон омадааст.

Хуршед Каримзода зимни мулоқот изҳор намуд, ки ҳамкории гумрукӣ байни  Тоҷиикистон ва Афғонистон дар асоси Созишнома байни Ҳукумати Тоҷикистон ва Ҳукумати Афғонистон оид ба ҳамкорӣ ва ёрии байниҳамдигарӣ дар фаъолияти гумрукӣ ва Протоколи техникӣ байни Хадамоти гумруки назди Ҳукумати Тоҷикистон ва Раёсати умумии гумрукоти Вазорати молияи Афғонистон дар бораи мубодилаи электронии маълумоти гумрукӣ ба роҳ монда шудааст.

Ин санадҳои ҳуқуқӣ  шароит фароҳам оварданд, ки гардиши тиҷорати хориҷӣ байни ду давлати ҳамҷавор дар сатҳи дахлдор ташаккул ёбад.

Хуршед Каримзода зикр намуд, ки мақомоти гумруки Тоҷикистон барои таҳкими ҳамкории гумрукӣ бо истифода аз тамоми захираву имконоти мавҷуда ҷиҳати густариши минбаъдаи муносибатҳои тиҷоратию иқтисодии Тоҷикистон ва  Афғонистон кӯшиш ба харҷ медиҳад.

Аҳмад Решад Попал аз сатҳ ва раванди ҳамкории дуҷонибаи мақомоти гумруки Афғонистон бо мақомоти гумруки Тоҷикистон изҳори қаноатмандӣ намуд.

Дар мулоқот атрофи масъалаҳои ҳолат ва дурнамои муносибатҳои дуҷониба дар соҳаҳои мубодилаи маълумоти элекронӣ, тасдиқи транзити воридоти молҳо дар портали ASYCUDA дар Гумруки Панҷи Поён, вохӯрии гурӯҳи кории дуҷониба дар сарҳад оид ба содагардонӣ ва ҳамоҳангсозии расмиёти гумрукӣ баррасӣ гардиданд.

Ҳамчунин баррасии имконияти ташкили фаъолияти муштарак дар сарҳад, табодули таҷриба ва бозомӯзии кадрҳо, мубодилаи мунтазами маълумоти омории тиҷорати хориҷӣ, мубодилаи натиҷаҳои муқоисавии таҳлили маълумот, муайян намудан ва бартарафии ин мушкилиҳо, баргузории вохӯрӣ ҷиҳати баҳодиҳии тадбиқи Созишнома оид ба ҳамкорӣ ва ёрии байниҳамдигарӣ байни Тоҷикистон ва Афғонистон мавриди баррасӣ қарор гирифтанд.

97
Барчаспҳо:
ҳамкорӣ, гумрук, Афғонистон, Тоҷикистон
Команда Истиклол

Марҳилаи аввали лигаи олӣ бо пирӯзии “Истиқлол” анҷом ёфт

10
Марҳилаи аввали Чемпионати Тоҷикистон оид ба футбол миёни дастаҳои лигаи олӣ бо пирӯзии клуби "Истиқлол"-и Душанбе анҷом ёфт

ДУШАНБЕ, 13 июл — Sputnik. Бозиҳои даври ниҳоии марҳилаи аввал рӯзҳои истироҳати гузашта баргузор шуданд.

Ба иттилои Кумитаи миллии олимпии Тоҷикистон, рӯзи 11 июл "Регар-ТадАЗ" дар майдони худ бо тими "Хатлон" бозиро мусовӣ 1:1анҷом дод.

Нимҳимоятгари "Хатлон" Эҳсон Бобоев дар дақиқаи 83-юм ҳисобро кушод, вале бохтариҳо натавонистанд бо пирӯзӣ бозиро анҷом диҳанд. Қабл аз садои ҳуштаки довар футболбозони Турсунзода тавассути голи Нозим Бобоҷонов тавонистанд аз бохт наҷот ёбанд.

Дастаи "Куктош"-и ноҳияи Рӯдакӣ дар майдони худ бар тими "Файзканд"-и ноҳияи Восеъ бо ҳисоби 3:1 ғалаба кард. Ин аввалин бозии дастаи ноҳияи Рӯдакӣ бо роҳнамоии сармураббӣ Маҳмадҷон Ҳабибуллоев буд.

Баҳси бозии "Истиқлол"-у "Хуҷанд" ва муроҷиат ба Рустам: доварон обрӯи футболро мерезонанд

Ба голи задаи бозингари "Файзканд”"Наврӯз Рӯстамов, футболбозони "Куктош" бо се голи Бунёд Шодиев, Аббос Икромов ва Муҳсин Абдуғаффоров ҷавоб доданд.

Дар бозии дигар КМВА дар сафар тими "Истаравшан"-ро мағлуб намуд – 2:1. Ҳар ду голи тими артишро Шервонӣ Мабатшоев зад. Дар ҳайати дастаи Истаравшан Илҳом Баротов голро ба номаш сабт кард.
Ду бозии дигари даври нуҳум рӯзи 12 июл доир гардид. "Хуҷанд" бар дастаи "Душанбе-83" ва "Истиқлол" бар тими "Локомотив-Помир" бо ҳисоби якхелаи 1:0 ғалаба карданд.

Бидуни бохт: “Истиқлол” “Хуҷанд”-ро дар даври ҳафтуми Чемпионати Тоҷикистон шикаст дод

Голи дастаи Хуҷандро Фирдавс Чақалов ва голи тими Душанберо Рустам Соиров ба номашон сабт карданд.
Ҳамин тариқ, марҳилаи аввали Чемпионати Тоҷикистон ба анҷом расид. Дастаҳо ба танаффуси дуҳафтаина рафтанд ва имкон доранд бозингарони навро ҷалб намоянд.

Дар ҷадвали чемпионат "Истиқлол" бо 25 хол пешсафи ягона аст. Дар ҷои дуюм "Хуҷанд" бо 19 хол, дар ҷои сеюм "Хатлон" бо 18 хол мавқеъ гирифтаанд.

10
Барчаспҳо:
пирӯз, "Истиқлол", футбол
Арест, архивное фото

Боздошти ронандае, ки зани 62 - соларо пас аз пахш кардан ба бемористон бурду гурехт - акс

99
(Таҷдидшуда 18:35 13.07.2020)
Раёсати умури дохилии дар шаҳри Душанбе аз боздошти ронандаи фирорӣ хабар медиҳанд, ки зани 62 - соларо бо мошинаш пахш намуд

ДУШАНБЕ, 13 июл — Sputnik.  Бар хабари РВУД дар шаҳри Душанбе, ронандаи автомашинаи номаълум, рӯзи 11-уми июл, тахминан соатҳои 21:20 дақиқа дар рӯ ба рӯи тарабхонаи "Тоҷ" зани 62 - соларо пахш намуд, ки дар натиҷа пиёдагард ҷароҳати ҷисмонӣ бардоштанд.

Водитель совершивший наезд на пешехода
Водитель совершивший наезд на пешехода

Манбаъ меафзояд, ронанда пас аз пахш намудани пиёдагард ӯро фавран ба бемористон интиқол медиҳад ва худат ба самти номаълум ғайб мезанад.

"Вобаста ба ҳолати мазкур ҷиҳати муайян намудани ронандаи фирорӣ аз ҷониби кормандони мақомоти корҳои дохилӣ як қатор чорабиниҳои дахлдори оперативӣ-ҷустуҷӯӣ роҳандозӣ карда шуда, дар натиҷа ронандаи мазкур боздошт ва ба ШБДА Раёсати ВКД дар шаҳри Душанбе дастрас карда шуд", - таъкид мешавад дар хабар.

“Лада-Приора” бо “Опел-Астра”: Боздошти ду ҷавон барои ташкили пойгаи шабона дар Душанбе

Муайян гардид, ки ронандаи автомашинаи мазкур шаҳрванд Худойназаров Азизҷон Додарович, соли таваллудаш 1994, истиқоматкунандаи ш. Турсунзода деҳаи Ширкент мебошад, ки номбурда тавассути автомашинаи шахсиаш тамғаи Опел-Астра рақами қайди давлатиаш 7994 АТ 01 ин садамаи нақлиётиро содир намудааст.

Айни замон ҷиҳати муайян намудани сабабу омилҳои садамаи мазкур таҳқиқ идома дорад.

99
Барчаспҳо:
акс, ронанда, боздошт