Президент Узбекистана Шавкат Мирзиёев, архивное фото

Ҳукумати Суғд дар зодгоҳи аҷдодии Шавкат Мирзиёев - Яхтан кӯдакистони дӯстӣ месозад

3426
(Таҷдидшуда 16:38 06.07.2019)
Корҳои сохтмонии кӯдакистони навсохт дар деҳаи Яхтани ноҳияи Деваштич зодгоҳи аҷдодии Президенти Узбакистон Шавкат Мирзиёев дар марҳилаи анҷомёбист. Ин иншооти навбунёд Кӯдакистони дӯсти ном дошта, ифодагари дӯстии миёни халқҳои тоҷику узбак хоҳад буд

ДУШАНБЕ, 6 июл — Sputnik. Корҳои сохтмонӣ дар кӯдакистони дӯстӣ ҷараён дошта, меъморону сохтмончиён азм доранд, то чанд рӯзи дигар ҳамаи корҳоро ба иҷро расонанд.

Бинои кӯдакистон аз ду ошёна иборат буда, аз ҳисоби панҷ миллион сомонии буҷҷаи ҳукумати Суғд сохта мешавад.

Сохтмони кӯдакистони дӯстӣ дар Яхтан
Шодавлат Азимов
Сохтмони кӯдакистони дӯстӣ дар Яхтан

Дар шӯъбаи маорифи ноҳияи Деваштич гуфтанд, ки кӯдакистони дӯстӣ дар деҳаи Яхтан барои 240 тарбиятгиранда пешбинӣ мешавад.

Қарор аст, ин иншоот дар остонаи соли нави хониш бо иштироки масъулини баландмақоми давлатӣ расман ифтитоҳ шавад ва эҳтимол меравад дар ин маросим меҳмонҳои олирутбаи Ҷумҳурии Узбакистон низ ширкат варзанд.

Зимнан ба ҳисоби сохтмони кӯдакистони дӯстӣ, таъмири куллии як мактаби иборат аз дуошёнагӣ дар деҳаи Яхтан идома дорад.

Сохтмони бинои таваллудхонаи ноҳиявӣ, таъмири бинои кумитаи идораи замин, мумфаршкунии роҳи даромадгоҳ то марказӣ ноҳия, бунёди боғи Парчами давлатӣ аз умдатарин иншоотҳои сохташаванда ба истиқболи ҷашни Истиқлолияти давлатии Тоҷикистон дар Деваштич будааст.

Деҳаи Яхтан дар қисмати шимолии ноҳияи Деваштич (собиқ Ғончӣ) қарор дорад.  Ба маҳзи Президенти Узбакистон интихоб шудани Шавкат Мирзиёев номи деҳа аз пеш дида маъруфтар шуд. Зеро, бино ба арзёбии ҳолдонҳо деҳаи Яхтан дар Деваштичи Тоҷикистон, зодгоҳи бобоиву падарии Шавкат Мирзиёев ба ҳисоб меравад. Баъдтар пайвандони Мирзиёев аз ин ҷо ба ноҳияи Зомени вилояти Ҷиззахи Узбакистон куч бастаанд, ки дар он айём падараш ҳанӯз хурдсол будааст.

Эмомалӣ Раҳмон ва Шавкат Мирзиёев
© Пресс-служба президента Таджикистана

Падари Мирзиёев дар мактаби ноҳияи Зомен таҳсил карда, баъди хатми донишгоҳ дар риштаи тиб, ба сифати сардухтури касалиҳои сироятӣ дар бемористони ин ноҳия фаъолият намудааст.

Баъд аз даргузашти Ислом Каримов ва ба сари қудрат омадани Шавкат Мирзиёев дар соли 2017 гардиши наве дар равобити Узбакистон ва Тоҷикистон оғоз шуд ва коршиносону таҳлилгарон  инро ҳолро об шудани "ях"- и бистсолаи миёни ин ду ҳамсокишвар маънидод карданд. Ба думболи сипари шудани сардиҳо дарвозаҳои дустӣ  аз ҳарду ҷониб боз шуданд.

Пурбаҳстарин акси президент дар интернет: Мирзиёев дар арафаи ид оши палав пухт

Дар соли 2018 ҳамаи гузаргоҳҳои марзӣ миёни Узбакистон ва шаҳру навоҳии вилояти Суғди Тоҷикистон  кушода шуданд ва мушкили равуоb шаҳрвандон аз ҳардуҷониб аз сар гирифта шуд.

Бино ба иттилоъи Раёсати минтақавии гумрук дар вилояти Суғд, ҳаҷми воридот ва  содироти молу маҳсулот миёни Тоҷикистону Узбакистон дар се моҳи аввали соли ҷорӣ ба беш аз 18 доллари амрикоӣ баробар шудааст.  

Дар Суғд давоми се моҳи аввали соли ҷорӣ ба маблағи 4 527 166 доллари амрикоӣ молу маҳсулот аз Узбакистон воридот шуда ва ба маблағи 13 665 502 доллари амрикоӣ маҳсулоти истеҳсолии Тоҷикистон ба Узбакистон интиқол дода шудааст, ки дар маҷмӯъ ҳаҷми гардиши мол 18 милиону 192 ҳазору 618 доллари амрикоӣ рақам зада мешавад, ки дар муқоиса ба солҳои гузашта бештар будааст.

3426
ОАЭ направляет медицинскую помощь Таджикистану в борьбе с COVID-19

Беш аз 10 тонна таҷҳизоти тиббӣ аз Аморати муттаҳидаи Араб ба Тоҷикистон расид

11
(Таҷдидшуда 11:51 28.05.2020)
Дирӯз як ҳавопаймои махсус аз Аморати муттаҳидаи Араб ба Тоҷикистон кумаки башардустона овард. Ин ҳавопаймо ба шаҳри Душанбе беш аз 10 тонна таҷҳизоти тиббӣ овард

ДУШАНБЕ, 28  май — Sputnik. Аморати муттаҳидаи Араб барои пешгирӣ ва муборизаи саривақтӣ бар зидди  вируси корона Тоҷикистонро бо таҷҳизоти  тиббӣ кумак кард.

Бино бар иттилои Агентии захираҳои моддии давлатии назди Ҳукумати Точикистон, кумаки башардӯстонаи  Аморати муттаҳидаи Араб дар ҳаҷми 10,7 тонна буда, он  аз маҳсулоти муҳофизатии тиббӣ, аз ҷумла хилъати тиббӣ, дастпӯшак, ниқоб, бахил, салфетка ва маҳлулҳои антисептикӣ иборат мебошад.

Инчунин ин кишвар барои муайян кардани COVID-19 беш аз 20 ҳазор адад тест равон кардааст.

Кумаки мазкур дар шакли лавозимоти тиббӣ аз ҷониби Аморати муттаҳидаи Араб ба Тоҷикистон ҳамчун нишонаи ҳамкорӣ ва бо мақсади таҳкими муборизаи муштарак бар зидди COVID-19 равона шудааст.

Тибқи иттилои манбаъ, кумакҳои мазкур аз ҷониби Ҳукумати Тоҷикистон ва Вазорати тандурустӣ ва ҳифзи иҷтимоии аҳолии кишвар ба беморхонаҳои ҷумҳурӣ  тақсим карда мешавад.

11
Барчаспҳо:
таҷҳизоти тиббӣ, Аморати Муттаҳидаи Араб, кӯмаки башардӯстона, башардӯстона, кумак, Тоҷикистон
Президент Республики Таджикистан Эмомали Рахмон на заседании правительсва

Супоришҳои нави Эмомалӣ Раҳмон: раисҷумҳур гуфт барои пешрафти ноҳияи Ҷайҳун чӣ бояд кард

48
(Таҷдидшуда 11:34 28.05.2020)
Субҳи имрӯз раисҷумҳури Тоҷикистон баъди шиносоӣ бо вазъи корҳои саҳроӣ бо роҳбарон ва фаъолони ноҳияи Ҷайҳуни вилояти Хатлон мулоқот кард

ДУШАНБЕ, 28  май — Sputnik. Тибқи иттилои дафтари матбуоти раисҷумҳур, Эмомалӣ Раҳмон, президенти кишвар аз вазъи хуби корҳо дар хоҷагиҳои кишоварзӣ ва натиҷаи заҳмати содиқонаи деҳқонони ноҳияи Ҷайҳун, изҳори қаноатмандӣ кард.

Инчунин, раисҷумҳури Тоҷикистон таъкид намуд, ки Ҳукумати кишвар бо мақсади баланд бардоштани сатҳи некуаҳволии мардум, бунёду барқарорсозии корхонаҳои истеҳсоливу иншооти иҷтимоӣ ва таъсиси ҷойҳои нави корӣ “Барномаи рушди иҷтимоиву иқтисодии ноҳияи Ҷайҳун барои солҳои 2016 — 2020”-ро қабул кард, ки барои амалисозии он татбиқи 194 лоиҳа ба маблағи 164 миллион сомонӣ пешбинӣ шудааст.

Эмомалӣ Раҳмон роҳбарияти Мақомоти ноҳияро вазифадор кард, ки ҳамкориро барои дарёфти сармоя бо вазорату идораҳои дахлдор ва бахши хусусӣ беҳтар намоянд.

“Дастуру супоришҳо ба масъулини ноҳияи Ҷайҳун ва вилояти Хатлон ҳамчунин барои ташкили иншооти сайёҳӣ, махсусан бунёди меҳмонхонаҳо ва ҳамзамон бо ин, таъсиси инфрасохтори ҳамлу нақл ва дигар иншооти ба рушди сайёҳӣ ва хизматрасонӣ мусоидаткунанда дода шуд”, - таъкид дошт манбаъ.

Ҳамзамон Бонки миллӣ вазифадор шуд, ки якҷо бо мақомоти ноҳия барои боз ҳам беҳтар намудани дастрасии аҳолӣ ва соҳибкорон ба воситаҳои молиявӣ ва баланд бардоштани фаъолнокии иқтисодии мардум чораҳои амалӣ роҳандозӣ намояд.

Гуфта шудааст, ки ҳоло дар ҳудуди ноҳия 10 корхонаи саноатӣ дар самтҳои истеҳсоли масолеҳи сохтмон, хӯрокворӣ, дӯзандагӣ ва коркарди маҳсулоти кишоварзӣ фаъолият доранд, ки ин низ қонеъкунанда нест.

Вазорати рушди иқтисод ва савдо, мақомоти вилоят ва ноҳия вазифадор шуданд, ки тавассути ҷалби сармояи дохиливу хориҷӣ ва воридоти технологияҳои навтарин суръатбахшии раванди ташаккул ва рушди минтақаро таъмин намоянд.

Президент Таджикистана Эмомали Рахмон
© Официальная страница пресс-службы президента РТ в Facebook.

Ҳамчунин Эмомалӣ Раҳмон  роҳбарони вилоят ва шаҳру ноҳияҳои водии Вахшро вазифадор кард, ки дар ҳамкорӣ бо вазорату идораҳои дахлдор барои истифодаи пурраи иқтидорҳои истеҳсолӣ, таъсиси корхонаҳои нав ва фароҳам овардани ҷойҳои нави корӣ барои сокинон, инчунин ҷиҳати бартарафсозии монеаҳои рушди соҳибкорӣ тадбирҳои мушаххас андешанд.

Роҳбарияти вазоратҳои маориф ва илм, тандурустӣ ва ҳифзи иҷтимоии аҳолӣ, мақомоти вилоят ва ноҳия аз Президенти кишвар супориш гирифтанд, ки барои бартараф намудани масоили ҳалталаби соҳаи маорифу тандурустӣ, аз ҷумла бо ҷалби соҳибкорон ва аҳолӣ таъмиру таҷдид кардани муассисаҳои таълимӣ, беморхонаву бунгоҳҳои тиббӣ ва фароҳам овардани шароити мусоиди донишомӯзӣ барои наврасону ҷавонон ва беҳтар ба роҳ мондани хизматрасонии тиббӣ ба аҳолӣ тадбирҳои иловагӣ роҳандозӣ намоянд.

Дар давраи омодагӣ ба ҷашни сисолагии Истиқлолияти Тоҷикистон Эмомалӣ Раҳмон изҳори боварӣ кард, ки мардуми ноҳияи Ҷайҳун ба дастовардҳои боз ҳам бештари иҷтимоиву иқтисодӣ ноил мегарданд.

48
Барчаспҳо:
Хатлон, Ҷайҳун, мулоқот, Раисҷумҳур, Эмомалӣ Раҳмон, Тоҷикистон