Ахмадзода представил своего нового зама Зайнура Оқилзода

Раиси вилояти Суғд муовини навашро муаррифӣ кард: Азимӣ Зайнура Оқилзода кист?

4537
(Таҷдидшуда 14:11 09.07.2019)
Раҷаббой Аҳмадзода, раиси вилояти Суғд рӯзи 8 июл соли равон дар маҷлисгоҳи Мақомоти иҷроияи ҳокимияти давлатии вилоят Азимӣ Зайнура Оқилзода муовини навтаъйинашро, муаррифӣ кард

ДУШАНБЕ, 9 июл — Sputnik. Раҷаббой Аҳмадзода, раиси вилояти Суғд зимни муаррифӣ гуфт, Ғаффорӣ Назира Абдуллозода бо сабаби ба нафақа баромаданаш аз вазифаи муовини Раиси вилояти Суғд озод гардида, бо розигии Президенти кишвар ва дар асоси қарори Раиси вилоят Азимӣ Зайнура Оқилзода муовини Раиси вилоят таъин гардид.

Дар ин бора дафтари матбуоти ҳукумати вилояти Суғд хабар додааст.

Муродзода Муқим Қаюм, раиси тозатаъйини ноҳияи Айнӣ кист?

Манбаъ таъкид намудааст, ки Ғаффорӣ Назира Абдуллозода аз моҳи феврали соли 2015 то инҷониб ба ҳайси муовини Раиси вилоят фаъолияти дошт.

“Раиси вилояти Суғд барои саҳми арзандааш дар рушди соҳаҳои иҷтимоӣ ба Ғаффорӣ Назира Абдуллозода аз номи роҳбарияти вилоят изҳори сипос намуда, ба Азимӣ Зайнура Оқилзода ҷиҳати иҷрои вазифаҳои хизматӣ комёбиҳо таманно кард”- қайд намудааст манбаъ.

Бино бар иттилои мақомоти Суғд,  Азимӣ Зайнура Оқилзода 13 ноябри соли 1972 дар шаҳри Панҷакент таваллуд шудааст. Миллаташ тоҷик, маълумоташ олӣ. Соли 1995 Донишгоҳи миллии Тоҷикистонро бо ихтисоси  омўзгори фанни забон ва адабиёти тоҷик хатм кардааст.

Муовини Аҳмадзода гуфт, Эмомалӣ Раҳмон аҳли ҷомеаро ба чӣ корҳо даъват мекунад

Фаъолияти меҳнатиашро ба сифати омӯзгори фанни забон ва адабиёти тоҷики муассисаи таҳсилоти миёнаи умумии №47 оғоз намуда, солҳои 2008-2015 директори муассисаи таҳсилоти миёнаи умумии №47 буд.

Аз 6 июни соли 2017 то июли 2019 дар вазифаи муовини раиси шаҳри Панҷакент кор кардааст.

4537
Барчаспҳо:
раис, вилояти Суғд, Раҷаббой Аҳмадзода, муаррифӣ, муовини раис, Суғд, суғдӣ, Тоҷикистон

Кумитаи кор бо ҷавонон мутахассиси касбӣ меҷӯяд, аммо маош 868 сомонӣ

26
(Таҷдидшуда 19:36 28.05.2020)
Кумитаи кор бо ҷавонон ва варзиши Тоҷикистон барои ишғоли мансабҳои холӣ озмуни кушода эълон намудааст

ДУШАНБЕ, 28  май — Sputnik. Кумитаи кор бо ҷавонон ва варзиши Тоҷикистон барои мансабҳои холӣ дар шаҳри  дар Душанбе, вилояти Хатлон, Суғд, ВМКБ, ва шаҳру ноҳияиҳои тобеи ҷумуҳрӣ озмун элон намудааст.

Масъулини кумитаи таъкид намудааснд, ки маоши вазифавии мутахассисоне, ки ба кор ҷалб карда мешаванд аз 868 то 1400 сомониро ташкил медиҳад. Манбаъ зикр намудааст, ки дар дастгоҳи марказӣ ба ҳафт мутахассис, дар вилояти Хатлон ба 6 мутахассис, Суғд  ба 5 нафар, дар ВМКБ ба 2 нафар ва дар Шаҳру ноҳияҳои тобеи ҷумҳурӣ ба 3 нафар дар Душанбе ба 2 нафар мутахассиси ҳирфаӣ, ки тариқи озмун интихоб мешаванд ниёз дорад. Дар маҷмӯъ ин Кумита ба  25 мутахассис ниёз дорад.

Манбаъ таъкид намудааст, ки нафароне, ки барои мансаби сардори Шуъба даъво хоҳанд кард, бояд дорои таҳсилоти олии касбӣ, чаҳор соли собиқаи хизмати давлатӣ ё 5 сол собиқаи умумии меҳнатӣ, донистани таърих, фарҳанг, муқаддасоти миллӣ, забони давлатӣ, як забони хориҷӣ бошанд.

Барои ишғоли мансаби сармутахассис, таҳсилоти олии касбӣ, ду сол собиқаи хизмати давлатӣ ё 3 сол собиқаи умумии меҳнатӣ, малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ лозим будааст.

Аммо барои ишғоли мансаби мутахассиси пешбар ва мутахассис таҳсилоти олии касбӣ,  ва як соли собиқаи умумии меҳнатӣ.

Рӯйхати пурраи вазифаҳои холӣ дар сомонаи расмии Кумитаи кор бо ҷавонон ва варзиши назди ҳукумати Тоҷикистон нашр шудааст.

26
Барчаспҳо:
маош, мутахассисон, озмун, мансаб, Кумитаи ҷавонон, Тоҷикистон
Президент Республики Таджикистан Эмомали Рахмон

Миннатдории Эмомалӣ Раҳмон аз Маҳмадраҳим Соҳибов

166
(Таҷдидшуда 19:27 28.05.2020)
Эмомалӣ Раҳмон барои саҳмгузорӣ дар корҳои ободонию созандагӣ ба соҳибкор Маҳмадраҳим Соҳибов ҷиҳати бунёди Маркази ташхиси тиббии "Дурахш" дар шаҳри Бохтар изҳори сипос намудааст

ДУШАНБЕ, 28 май – Sputnik. Президенти Тоҷикистон Эмомалӣ Раҳмон дар шаҳри Бохтари вилояти Хатлон Маркази ташхиси тиббии "Дурахш" ба баҳрабардорӣ расонида, ба соҳибкор Соҳибов изҳори миннатдорӣ кард.

Бино ба гузориши котиботи раисиҷумҳур, иншооти соҳаи тандурустӣ дар кӯчаи ба номи Садриддин Айнии шаҳри Бохтар бунёд шуда, аз таҳхона ва 5 ошёна иборат мебошад.

Тибқи иттилои манбаъ, маркази ташхиси тиббӣ ба истиқболи 30-солагии Истиқлол аз тарафи соҳибкори ватандӯст Маҳмадраҳим Соҳибов бунёд шудааст.

Гуфта мешавад, ки Маркази ташхиси тиббӣ дорои 70 кат барои беморон аст ва дар он 50 нафар мутахассиси маҳаллӣ бо ҷойи кори доимӣ таъмин гардиданд. Иншооти соҳаи тандурустӣ имкон дорад, ба зиёда аз 5 ҳазор нафар хизмати тиббӣ расонад.

Иттилоъ дода шуд, ки маркази ташхиси тиббӣ дар фурсати кӯтоҳ бунёд гардида, корҳои сохтмониро мутахасисони маҳҳалӣ бо сатҳу сифати баланд ва ҷавобгӯ ба меъёрҳои замони муосир анҷом додаанд.

Дар ошёнаи якуми маркази ташхиси тиббӣ гӯшаи гиёҳдармонӣ таъсис дода шудааст, ки истифодаи самарабашх аз гулу гиёҳҳои шифобахши диёр бартарии дигари ин муассисаи тандурустӣ дар табобати беморон мебошад.

Дастгоҳу таҷҳизоти тиббии муосир имкон медиҳад, ки ба аҳолӣ намудҳои зиёди ташхис ва хизмати тиббию санитарӣ расонида шавад.

Аз ҷумла, ташхиси бемориҳои занона бо истифода аз дастгоҳу таҷҳизоти ҳозиразамон ба роҳ монда шудааст. Илова ба хизматрасониҳои ташхисӣ дар иншооти тиббӣ, бахшҳои солимгардонию тавонбахшии физиотерапевтӣ ва ҳуҷраи табобати дандон низ фаъолият менамоянд.

Озмоишгоҳҳои марказ дорои навтарин дастгоҳу таҷҳизоти соҳа аст ва дар он қариб тамоми таҳлилҳои тиббӣ дар фурсати кӯтоҳ, бо сатҳу сифати баланд анҷом дода мешаванд.

Дар маркази ташхиси тиббии навбунёд ҳуҷраи модару кӯдак, ҳуҷраи хатна, утоқи ташхиси ултрасадо ва дигар ҳуҷраҳои ёрирасон мавҷуд аст.

Иншооти мазкур дорои шароити зарурии тиббӣ, санитарию безараргардонӣ, тамизгардонии дастгоҳу таҷҳизот ва лавозимоти тиббӣ буда, бо дастгоҳҳои автоклав, ҷевонҳои хушкнигоҳдорӣ, катҳои функсионалии махсуси барқӣ ва дигар лавозимоти соҳа пурра таъмин аст.

166
Барчаспҳо:
изҳори миннатдорӣ, Эмомалӣ Раҳмон, Бохтар
Мавзуҳо:
Пайомадҳои COVID-19 дар Тоҷикистон ва ҷаҳон